ذكريات الماضي

[poem=font="arial,5,limegreen,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
البارق اللي ناض في غيهب الليل = كنت احسبه من مزن صادق مخايل
ناضت بروقه والمخايل هماليل = على قفار الدار وبله همايل
واثريه نوض اللي نسيمه كما الهيل = مبسمه يبرق لاغشته الجدايل
من مبسمه عذب اللما كنه السيل = ومن وجنته نور القمر ضئ مايل
لاشع تسري فوق نوره مداهيل = مع كل فج ومع بطون المسايل
فيه الوقار وفيه حلو التعاليل = سوالفه تطعم لها شهد سايل
فيه الغنج ماكنه الا مواويل = فيه السمو ارقا من جبال حايل
العام عهدي فيه مع مرقب سهيل = يوم الوصل ماحال دونه بدايل
واليوم مدري وين مشحاه ياحيل = طال الغياب وما لوصله وسايل
ماعاد باقي له معي وافي الكيل = الا بقايا ذكرياته دلايل
الوجنه الغرا وسود المظاليل = ودموع ساعات المفارق شلايل[/poem]