محاورة لعبدالله عتقان و مصلح بن عياد

جرت هذه المحاورة بقصر الغمير

بالطائف يو الجمعه

الموافق4/7/1425هـ

بحضور الشاعر الكبير/

حبيب العازمي والشاعر الرائع

/ سعيد الفهري القحطاني


محاورة بين ( مصلح بن عياد ) و (عبدالله بن عتقان السلمي )


مصلح بن عياد
مرحبا في حلةٍ ضيفها يلقاء غلاه
لو مكانه داخل العين ماضاقت منه
قالها اللي مايزعل ضيوفه وزملاه
والعقل نعمه من الله على من ثمنه

عبدالله بن عتقان
البقا والله يعز القصر واللي حماه
الكريم بدلته والمراحب وصحنه
ياحليل اللي مع الناس عالي مستواه
مايحب الميسره مشيته فالميمنه

مصلح بن عياد
ياولدعتقان جو العرب غيم سماه
والرحى شيٍ تكبه وشيٍ تطحنه
من هو اللي يعرف العلم وجهه من قفاه
وأستحي من لحيته يوم وأضحك له سنه

عبدالله بن عتقان
السماء صافي لكن المشاكل بالرحاه
والمشاكل ماهي اليوم يعني مزمنه؟
الشجيع ليا مشى مايبا يرجع وراه
والضعيف ليا لقيله شجيعٍ يزبنه

مصلح بن عياد
ياطبيب الجرح منته خبيرٍ في دواه
وأنت في دفترك مليون سيه وحسنه
ياجبل ورقان مأهتز منك ولا حصاه
سير مضمونٍ حسابه وسيرٍ ندهنه

عبدالله بن عتقان
أسلمي ماتقبله لو ماشي في سراه؟؟
وشلوي وألا علاوه سريع أتعينه
البلكه والحجر تختلف عند البناه
الحجر صعب الكسر والبلكه هينه

مصلح بن عياد
العلاوه قصري اللي جنوبي في ذراه
وأنت قصرٍ فيه بابٍ خطيرٍ مضمنه
خفف السرعه ليا شفت ضلعان السراه
لين تبني لك قصر بالسراه وتسكنه

عبدالله بن عتقان
هيه يامصلح تجيك العلوم من الرواه
والله إنا مامشينا بذل ومسكنه
لا توصيني وأنا أبوي معطيني وصاه
ماطلبت الغالي إلا وأنا قد أثمنه

مصلح بن عياد
أدخل المسجد ليا قال حيا للصلاه
وأضبط التوقيت وأحفر لسرك وأدفنه
لا تعاين فوق وجهك على كم العباه
لا تحنحن صاحبك مايحب الحنحنه

عبدالله بن عتقان
ماتركنا فرض ربي ولا حنا عصاه
خاف ربك وأعرف أسليم والظن أحسنه
ياولد عياد ذيب الفلا يجزي عواه
لا تدندن صاحبك مايحب الدندنه

مصلح بن عياد
جابك المقسوم بين الرياجيل الدهاه
والرياجيل الدواهي قلوبٍ واللسنه
ياولد عتقان من دور الغالي لقاه
كان تملك لك ذهب فالموازين أوزنه

عبدالله بن عتقان
مالقيت إلا حبيب ومصلح ماعلاه
مثلنا منتم سلاطين وإبليس العنه