بدري عليك

,لــلـــتواصـــل تعبر عن نفســــهآ,



صحى من عيني النوم وصحيت وجيت لك بسكات/
وان اذكر قبل انام الباااارح اني كنت في بيــــــتك,

نعم بيتك مجرد غرفه(ن)فيها الدروب شتات/
بدايه كل درب يروح عنك/اذا أنتهى جيتك,

رجعت البارح اشكي/لي من الاحزان والأهات/
لقيتك تحتريني في طريقي؛؛؛ /ماتحريتك!!

مسحت عيوني بكفي وزادت سرعه النبضات/
وفتحت عيوني بسرعه ولكن!!!ماتحليتك,

عرفت انك مجرد طيف راااح :وزادت الحسرات/
حسافه ليتني ساعه لمحتك طيف{ضميتك},

نعم يابوي ابا أسلى في طرف بشتك عن التنهات/
لكنك رحت واللي باقين لي بشتك وصيتك,

نسيتك لاااا! تناسيتك عشان اعيش لك لحظات/
لاني صعب أعيش(اللي تبيني)ماتناسيتك,

تناسيتك نعم !!لكن نسيتك /ماعليه إثبات/
وانا ادري لو ذكرتك مابعثتك(لكن احييتك

ورى حدب الضلوع) اللي عليها الحزن ود وهات,
ليا ارسلت الحزن من فقدك {احتجت وتلقيتك}

يابوي الله يبيحك والله يكافيني الضيقات,
ترى من سوت الاقدار دله ,,,ماتقهويتك!!!!/

عليك الوجد وجدي,/والحزن حزني وعمري فات,
ياليتك عايش(ن)باللي بقى لي منه ياليتك/

مدام اني بدونك مثل /ورد(ن)جف ماه وماااات،
وانا من جف وردي /من غيابك ماترويتك/

هذا آنااا بس اطالع صورتك.وامسّح العبرات,
واقول لدمعتي بدري عليك ان كان راعيتك,

كم نطقتني هذه الأبيات..
وعزفت على أوتار ألمي..
ابيات اثرت فيني
لم اتمالك دموعي..
ماقسى فقدان الاب.,,
صح الله لسآنك , وبيض الله وجهك
والله يغفر لوالدك ووالدي ويسكنهم الجنه
ويجمعنابهم تحت ضله يوم لآضل الا ضله ..
دمتي مميزه ..,,

الشاعره ميلاف

شعر يغار منه الجميع

فجماله يجعلنا نبتسم عندما نقراه رغم مداعباته الحزينه

كل القصيده شامخه من اول بيت الى اخر بيت

ولكن سأحتفظ بهذا البيت كأنك كاتبته للجميع

تناسيتك نعم !!لكن نسيتك /ماعليه إثبات/
وانا ادري لو ذكرتك مابعثتك(لكن احييتك

صح لسانك

والف شكر لك على هذه الشامخه

وتقبلي مروري المتواضع

رحم الله والدك أختي ميلاف ورزقه الله الفردوس الأعلى

قصيدة ممتازة وحفظك الله من كل سوء

الله على هذه القصيدة
صح السانك وسلم بنانك
أسأل الله أن يتغمد والدك برحمته وجميع المسلمين

صح لسسآآنك والله قصيدة جزله
~~> لاعددمنناآ قلممك المبدع مييلاآف

المبدعة ميلاااااااااف

رحم الله والدك واسكنه فسيح جناته

وصح لسااااااااااانك على هاالشامخة

الشاعره / ميلاف

صح لسانك على القصيده الجميله

نسال الله يرحم والدك ويسكنه فسيح جناته


دمت ودام قلمك في طاعه الله

شعارتنا ميلاف


ابداع وشعر واحساس


رحم الله والدك واسكنه فسيح جناته

صح اللسانك


لكي كل التقدير

المشاركة الأصلية كتبت بواسطة شيهآنه

كم نطقتني هذه الأبيات..
وعزفت على أوتار ألمي..
ابيات اثرت فيني
لم اتمالك دموعي..
ماقسى فقدان الاب.,,
صح الله لسآنك , وبيض الله وجهك
والله يغفر لوالدك ووالدي ويسكنهم الجنه
ويجمعنابهم تحت ضله يوم لآضل الا ضله ..
دمتي مميزه ..,,

شكراً وعذراً شيهآنه

شكراً لمرورك الذي شرفني

وعذراً على ذلك الالم وتلك الدموع

صح بدنك وتقبل الله دعواتك