لحظه يامنال الشريف!!

[poem=font=",5,royalblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يازمان التطور ودنا العالميه=ليه نبقى على ماقيل(دقه قديمه)؟
زادت احلامنا واجتازت الواقعيه=وابتدينا نحس بضيق مدري ظليمه!
حاظر(ن)مر والشكوى لرب البريه=والعزاء في تواريخ الصبر والعزيمه
من عطى وجه للغاوين يعرف بغيه=وسط جمهورنا نلعب وجبنآ الهزيمه!!
نطرد الغرب فأرض الموضه الجرهديه=وانتسمى بأسامينا على غير قيمه
كل غربي نشوفه بكره نصير زيه=يامشاءالله علينا راجعين بغنيمه
يوم هبت علينا الريح صبح وعشيه=مابقى من شجرنا الشامخ إلا هشيمه
بعد ماالدين والاخلاق فالأولويه=قالوا الدين ميت والعقيده يتيمه!
زادت أعيادنا غير الفطر والضحيه=نحسب إنا بخير..إلا (بحاله سقيمه)
نضحك وغيرنا يضحك ياشر البليه=والمصيبه ليا واجه خصيم(ن)خصيمه
ياعرب دامت الأوضاع بالحيل سيئه=كل واحد يحس بضربته في صميمه
علمتنآ الحياه أن (التطور سجيه)=بس ماهوب عكس الخطه المستقيمه
أرضنا فوقها صم الجبال القويه=والسماء دونها نجم وكواكب وغيمه!!
مخطي اللي يقول المسأله عايديه=يامنال الشريف اللي عملتي جريمه
ضاع دينك وغيّرتي رموز الهويه=(والبلد كلها ساهر) وتعطي قسيمه
الحياء قل منسوبه بوجهك شويه=قلتي أقود سياره واذب الخريمه
أستخيري وخلي موترك وسط فيه=ونزليه المعارض يمكن يجيب قيمه.
الرساله ووصلت.والختام التحيه=يالقلوب الصحيحه ..يالعقول الفهيمه
باقياً كلمة(ن)فالبال ماهي بريه=بس ابا اسكت على شان النوايا سليمه[/poem]

الاخت المبدعة والمتالقة ميلاف

صح لسانك مدد بلا عدد على

هذه القصيده الراائعه والجميله

التي تصف الموقف وصفاً جيدا

وهولاء الغرب وافكارهم يحاولون

ان يضعون الاختلاط في هذا البلاد

ويحفزون بنااااات هذا البلد على

ان يقيموا شوشرات لاجل السياقه

نسال الله ان يصلح الحال ولاعدمناك





ودي وجل احترامي

الاخت / ميلاف

ماشاء الله تبارك الله
كلمات راااائعه جداً في الصميم صح لسانك
ربي يحفظك إلى الامام بالتوفيق
اللهم اهدي جميع شباب وبنات المسلمين
تقبلي مروري دمتي بخير ,,,

الشاعره / مـــــيلاف


صح اللسانك واعتلا شانك قصيده في محلها


لكي كل التحيه

\7

نص لا يكتبه الا شاعره متمكنه , وانت متمكنه

صح الله لسانك مليون في مليون

وفالك التوفيق

/

/

الحياء قـل منسوبـه بوجهـك شويـه
قلتـي أقـود سيـاره واذب الخريمـه

لو كان شوية كان هانت ولكن المشكله انه أكثر من شويه شويه ..



صح لسانك يا ميلاف .

أسطر أعجابي بما خط وسطر هنا
طرح رائع وكلمات أروع فحروفي
وعبارتي تقف عاجزة وصامته عن التعبير
لكِ غاليتي فطرحكِ راق لي وكلماتكِ
جذبتني لقرائتها..سلمت أناملك على ما أبدعت..
دمتِ ودام لنا أبداعكِ وعطاائكِ..
في أنتظار جديدكِ القادم والمميز بكل شوق..

ميلاف



صح لسااانك

قصيده جزله

ابدعتي بها

الله يعطيك العافيه

تحياتي لك