محاوره تويتريه ( القلم - زرياب )

السلام عليكم ورحمة الله وبركاته
هذي محاوره بيني وبين زرياب وكانت بتويتر


القلم

زرياب كيف الحال يازرياب
من يوم ذاك الشيخ وصاني
ذا اليوم ابا عدك من الاصحاب
لكن لاتذكرني وتنساني

زرياب

يامرحبا حييت فالمرقااب
توّك وصلت الذيب سرحاااني
انا سمعت الشاعر النصاب
مره معي واحيان قوماني******

القلم

انا لكم ياصحابنا عراب
واعرف انا الاول من الثاني
واعرفك لاصادق ولا كذاب
لكن دورني وتلقاني


زرياب

اثرك شجيع وتبذل الاسباب
واليا نزرتك رحت تنخاني
عندك خبر في لعبة اللعاب
ابيك تطمرها على حصاني******

القلم

حنا حسبنا لرجال احساب
ولاعندنا بفلان وافلان
بعاتبك لكن عطني اعتاب
ماعندنا الا السيف شاماني

زرياب

جابوك .. مدري جيت فالقلاب
واليا تركتك قلت خلااااني
اهب يالحيه تحب الدااب
وتقول له يابعد جدااني******

القلم

بالقيض يابن الناس ثلجك ذاب
وان زان جوك قلت مازاني
ياقوم بالله ذا الولد وش جاب
يشرهه عليك الشيخ راكاني

زرياب

ياللقمه اللي بين ضرس وناب
اكلتها وامسيت شبعاني******
الله يعينك تلفت الاعصاب
محدن جبرك انك تحداني

القلم

ماطاب حالك من عصر ماطاب
اكلتها وطاح ن الاسناني
يالشجره الي شالها الحطاب
يالله ياربي لاتبلاني

زرياب

حالي قوي لا حانت الانشاب
واكبر دليل انك تذرّااني
راع الحطب صنعه لها طلاب
ماهيب لك ياطير حوراني******

شاعران كبيران


ومحاورة قويه

مثل شد الحبل

اشكرك عليها

صح لسان الشاعرين


محاوره جميله



تحياتي لك يالقلم

عبدالله العطافي لاهنت على التعليق
ولاهنت على المرور

نواف جابر صح بدنك عني وعن زميلي
ولاهنت على المرور