يانايف

مسائكم / صباحكم ورد

اسف دخيل عيونك اللي سبتني

ما اوحيت رنة هاتفي يوم دقيت


دنياي قفت بك ولا قد عطتني

ياكود عشر ارقام لك يوم حنيت


ساقيتها بعروووق قلب وسقتني

من نمبر الزيرو الى منتصف ايت

يانايف

لن كان ساقك صوب صاحبك حاجه

وقام يتمرى في عيونك ويعتاش


فلا بارك الله فيه لا اطلق حجاجه

وقت الرخى وفالضيق حدك على الكاش


عليه صدرك لا يلجلج خلاجه

وهذاك مثله ابتعد عنه وانحاش


خاو الذي ماهو يروج انزعاجه

لا ميل وصب البخت جام واهتاش


رجل(ن) كريم ولا يبيع بحراجه

بضاعة(ن) للصاحب اللي معه عاش


يانايف اللي ما يناجيك ناجه

اما طلع نعمين والا طلع ماش


ولامن تجدد داك تعرف علاجه

ولا ينحرق دمك وانا اخيك لو غاش


وقتك عنيد ولا يحدك عجاجه

تشرب من الهمجا لو انفاسك عطاش


وجدي على رجل(ن) يضوي سراجه

بيمينه ولو هو مسجى بالانعاش


ووجدي على رجل(ن) تجيه ادراجه

لا خبروه إن الخوي قوته عراش


ووجدي على رجل(ن) غناه انفراجه

الله عطاه ومدته مدة انعاش


ووجدي على رجل(ن) وساع(ن) فجاجه

لا دبرت راسه على المرجله شاش


ماهو هذاك اللي يضرم نعاجه

وابيه ماله ذكر يالعنبا اللاش


رايه ماهو مضرا على ام العواجه

وراسه ما قد هيجن على المرجله وجاش

( وسلامة قلوووب الجميع )

\7

\7

لن كان ساقك صوب صاحبك حاجه

وقام يتمرى في عيونك ويعتاش


فلا بارك الله فيه لا اطلق حجاجه

وقت الرخى وفالضيق حدك على الكاش


الشاعر الغالي يوسف الشنيني

صح لسانك على الابيات الجميله

راقت لي كثيرا ويطيب لي ترديدها في كل مناسبه لمالها من وقع في النفس

حياك الله

اخوي يوسف والله يسلمك

وما شاء الله تبارك الله

حكم وامثال وابداع منقطع النظير

لا يكتب مثل هذه الابيات الا شاعر متمكن ومتمرس ولديه موهبه تلهمه ذلك

بصراحه قصيدة راااااقت لي كثيرا

بمعنها ومبناها ومحتواها

صح لسانك وكلك

ودمت بهذا العطاء الباذخ

قصيدة تستاهل التقييم *****

\7

صح لسانك ملياااااااااااااااااااار

وبيض الله وجهك

راعي المرجله من يومك

وفقك الله واسعدك في الدارين

المشاركة الأصلية كتبت بواسطة ابو بيادر

\7

صح بدنك ابو بيادر الأخ والحبيب والغالي ( نايف )

ووجهك ابيض وجعلك دووم فالوجود

الإبداع هو مرورك بهذا المتصفح والأروع من ذلك هو ماسوف ترد به من قصيدة

وعدتنا بالرود ونحن كلنا شوق للإبداع القادم

دائما الرد يأتي اقوى من البدع الله يستر منك يانايف هههههههههههههههه

وجعلك على القوة يالغالي

تحياااتي لك
( محبك ابو يعقوووب )

المشاركة الأصلية كتبت بواسطة مشعل الهميعي

\7

صح بدنك مشعل

وتسلم على المرور العذب

لك مني خالص الود والتقدير والإحترااام
تحياااتي لك

المشاركة الأصلية كتبت بواسطة مضحي السلمي

لن كان ساقك صوب صاحبك حاجه

وقام يتمرى في عيونك ويعتاش


فلا بارك الله فيه لا اطلق حجاجه

وقت الرخى وفالضيق حدك على الكاش


الشاعر الغالي يوسف الشنيني

صح لسانك على الابيات الجميله

راقت لي كثيرا ويطيب لي ترديدها في كل مناسبه لمالها من وقع في النفس

الشاعر المبدع والمتألق دائما مضحي السلمي

صح بدنك وشهادة بحق افتخر بها

وترديدك لقصيدتي في المناسبات شرف كبير لي

نهتم دائما لأراء المتميزين في الشعر امثالك يالغالي

لك مني خالص الود والتقدير والإحترام
تحياااتي لك