مرثيه زياد (ياليتني يا زياد ما جيت للريف)

عفت المنام وكن في القلب طاعون
واحس في قلبي كما طعنه السيف
والله لو ما الصبر لصير مجنون
واصيح بين الناس يا حيف ياحيف
يالله يا مهلك من الناس فرعون
ونجيت يونس دون يخت ومجاديف
ترحم صغير وانت ياربنا العون
صغير راحت به سيول مجاريف
يسلى ويلعب بين رشات ومزون
مايدري ان السيل غدار ومخيف
تبكي عليه الدار وتبكيه العيون
وله صيحه بين الضلوع المراهيف
اشوف زوله في كل ناس يمرون
والقلب من فرقاه مثل لاهب الصيف
يا سيل ماتلقى من الناس ملعون
تدعي عليه الناس تشيله مصاريف
شلت الذي في داخل القلب مكنون
والله ما يسلي عن فراقه الضيف
يا زياد فيني حزن وهموم وطعون
ياليتني يا زياد ماجيت للريف
مكتوب والمكتوب يا قلب بيكون
نسالك له دار الشهاده يالطيف
رضيت بالاقدار من خالق الكون
مرحوم يا الشهيد في سيل الغريف