نصيحه لكل مبتلى

يالله دخيلك من وزر مانطيقه
وذنوب خلق الله وحلف اليمينا

بعض العرب لاحس فالصدر ضيقه
روح يدور عثرة المسلمينا

يلهث وينبح لين تنباح ريقه
مايالف الاجواد والغانمينا

هذا ولد عمه وهذا شقيقه
ماله خوي ولا صديقاً يعينا

يمشي وكبده كن فيها حريقه
مدري حسد ولا مرض لابلينا

وبعض المعادن لايغرك بريقه
يظهر خفاه الوقت حتى يبينا

واللي غداء فالوقت ضيع طريقه
يا حامي مراح العرب لاتجينا

وإغراب ينعق لايغرك نعيقه
يالصقر يالي منزلك مايهينا

وقراد في خف الجمل مايعيقه
والذيب مايدري عن ابلحصينا

ولاتحفرالحفره وتصبح غميقه
وتطيح فيها ياقصير اليدينا

هذي حقيقه لإن تبون الحقيقه
يالله عسانا فالوطن سالمينا

الشاعر/ نفاع عواض الربيقي السلمي



******