دنياك لو تســــقيك صافي شهدها

احبتي الافاضل اقدم لكم هذه الابيات المنتقاه

واتمنى ان تنال استحسانكم



دنياك لو تســــقيك صافي شهدها
وتغدق عليك انواع صفو الملذات



وميثاق منهـــــا ماتغيرعــهــدها
تبوق صاحبها وتخـــــدع بغرات



هي الغـــــرور اللي تغر أبوعدها
طبعه تخون وله على الناس غارات



خســــــران حـيٍ في حياته عبدها
ومضى العمر لاهي بسجه وغفلات



راجع احســـابك والفضيلات زدها
وتبع خطايا النفس توبه وحسنات



قدام روحك ترتحل عن جســدها
له موعد(ن) محتوم مافيه حيلات



حتماً إحياض الموت قدمك تردها
وتسكن في اللحاد وقبور الاموات



أرواح تلقى في لحــــدها سـعدها
وأرواح تلقابه ندامه وحســــرات



اما عـــــذاب وخيبةٍ في لحـــدها
والا نعيـــــم وفوز ورياض جنات



تبقى رهينــه في عملهـــا وحدها
لما الولي يحيي العظمام الرميمات



اللي خلق خلقه ومحصي عــددها
كلٍ يعيــــــده حي من بعد مامـــات



في موقـــــفٍ تنسى الحنونه ولدها
فيها الخلايق كلها احفـــــــاة اعراة



كلٍ اعمـــاله محضــــره ويحصدها
مثقــــــال ذره محصيه بالســجلات

أبيآت رآقت لي كثيراًُ

صح الله لسسآن الشاعر وعلى شأنك .،

يعطيك آلف ع ـأإفيه ع الانتقاء الرائع

ودي وتقديري ...

أجدت الانتقاء وأحسنت النقل سلمت ولا هنت

ابيات رائعه موفق بإذن الله ... لك مني أجمل تحية .