يارزن طولت المغيبه عسى خير

نفـــــــاع تمنعني ظروف ومقاديـر000لولا ظروفي والقـــدر ما تونا

ابشر بعـــزك والرجــــال المناعير000نقطف بيوت العز من كل فنا

عسى البقا باهل الوجوب المشاهير000اهل الدلال ونجرها اللي يدنا

اهل الكــــــرم ودلال صفر مباهير000من شوفها قلبي من الوجد ونا

حنا سليــــم سليـــــم قوم مغاويــــر000عدونــــــــا في ديرته ما تهنا

ما نجهل الملـــــه ولا نظلم الغيـــر000حنا حماة الشــرع والدار حنا

لا روحوا فالجــــو قــــــوم الدنانير000حنــــــا نحقق للوطن ما تمنا

عاداتنا ما نحتمــــي فالمعاذيـــــــر000ارواحنا ترخص ويغلى وطنا

وكل القبايــــل ما تحسب المخاسير000وعزومهم عن مجدهم ما تثنا

هاذي مشاعرنا محبـــــه وتقديـــــر000جتكم على ميعادها واحتزمنا

والله يحفظ اهل الوجيـــــه المسافير000اللي لفونا بالسعـــــد واغتنمنا

المدير العام يقول استمرا

جده تراها يارزن صيفها غير
ونكان عودنا لها نبي اهلنا

سلم على ديارٍ لوتها المعاصير
عسى يجيها الغيث يروى نخلنا

نرجعلها لو دربنا به مسامير
في حزة فيها نولم ضعنا

فالصبح نسرح ثم نضويلهاعصير
قبل مغيب الشمس ندخل وطنا

نسمع مكاينها وصوت المواطير
فلة حجاجً وكيف هيلً وبنا

والما نسوقه في حلوق المواصير
نسقيبه الضميان لين يتهنا

من جمة تنبعبها قاعة البير
اللي طويناها بحرفه وفنا

وضيوفنا الخطار تلفي قواطير
نملا لها غرسة سمن في صحنا

والدخن كن عذوقها في بواكير
في ديارنا نزرع وماحد زحلنا

هذي حقيقه مانجيب التصاوير
ماهي كما جده بها الومد اكلنا

من مالنا ناكل ونصرف دنانير
واللي يعادينا عيونه كحلنا