قصيدة الشاعر نماء السلمي

الاخوة والاخوات الاعضاء والزوار الكرماء

في منتديات بني سليم بن منصور

السلام عليكم ورحمة الله وبركاته

يشرفني ان انقل لكم هذه القصيده

للشاعر نماء بن فارع الجفيني السلمي

في ابنه عندما كان قد ذهب للدراسه

في دولة بريطانيا فنظم هذه القصيده في ابنه

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="ridge,4,black" type=1 line=0 align=center use=ex num="0,black""]
يامل عينٍ مايجيها المنامي = تسهر كما يسهر من السقم مكسور

واسهرت من حولي بكثر الكلامي= قالوا علامك قلت ياناس مقهور

قالوا عسى ما بأس يابو مرامي= ومن الدهر عساك ماتشتكي جور

قلت امس انا ويا صديقي ليامي= واليوم من دونه مسافات وبحور

ومن لامني عسى يجيه الملامي= يصبر كما صبري سنيات وشهور

والله يا لا لا الصبر لارمي حرامي= وقالوا ترا المؤمن على الصبر ماجور

اصبر كما يعقوب جيعان ضامي= وبعد الحزن وانه معافى ومسرور

الله عقل يوسف بعد كم عامي= مؤمن مقرب في السجلات مذكور

وانجاه ربه جوف جب ظلامي= من تحته الجمه ومن فرعه صخور

وعافاه من درب الردى والحرامي= ولو اهرجوبه راعي الحق منصور

ويالله ياراع الكرم للكرامي= يامنزل القرآن بكتاب منشور

انك لتحفظ لي حلي القطامي= اللي بعد غيباته القلب مشعور

حر شهر دونه يحول العسامي= يابعد نظراته وانا فيه مسحور

تكفى محمد ياشهير الاسامي= افزع عساك تجيب ليه عنه نور

احجز على لندن وشد الحزامي = وغيرك يوصى وانت منته بمحقور

وليا وصلتوا دورولي غرامي= وليانشدتوا قول ظابط ودكتور

وان كان جبته لك عليه وسامي= وان كان ماجيتوا به الروح مخطور

واودعتبه منش اللحم والعظامي= يعلم مقره وين ماراح مأمور[/poem]