الشاعر : سمو المعآني حضّر هنا

مبدعين اثنينكم


وعلي قول الشاعر حامد زييد

اللي من أولها خراب أكيد بتاليها خراب ... والبندق اللي ماتثور في هدفها تذعره




في انتظار بن عون الله

لكن حاب اوضح للشاعر بن عون الله نريد متصفح خاص فيكم انت واحمد السلمي ومحاوره جديده بتكون هناك

شكرا للاخ العزيز والصديق سمو المعاني

وفيت وكملت يا الذيب وبيض الله وجهك وصح الله لسانك ..

وإلى لقاء آخر ..

العفو أخوي أحمد , وصح بدنك يالذيب , ووجهك أبيض يآبعدي

وبيض الله وجهك أنت بعد وصح لسانك ومآقصرت , واعذرنآ على القصور , ,

والجآيآت أكثر يالغآلــي , ,

كل التوفيق لمن مر من هنآ , ,

دمتم بخير

أحمد السلمي

يامساء الخيرات وإلا ياصباح الخير ** صابني هوجاس والليالي تشابه
جيت أطامر يابعدي عاكس السير ** جيت أطالـب من يدورللـطـلابه

سمو المعآني

يآهلآ من ألحين لين يقبل عصير , , بالشاعر اللي كن هوجآسه سرابه
لآتخلف طريقك وإنتبه درك القيـر , , يآعآشق درب العنا وش تبـى به

أحمد السلمي

يقولون الشعر أختلط بالشعير ** مير شد الحيل ياصاحبي وأرقى به
جاتك الرساله في جناح الطير ** وكلن على قده يفــصل ثيابــه

سمو المعآني

نحاول نعدل ماحصل من تقصير , , ونستشير فيه رجال خندف وشبابه
طيرك وصل وكلامك محتاج تبرير ,, نبي نعرف ماقيل وش هي اسبابه

أحمد السلمي

أحدن سعى بالشر واحدن سعى بالخير ** واللي سعى بالخير يلقى ثوابه
لاعـاد تنشـد عـن عـلـوم الـمـناعـير ** قفل على الموضوع وصك بابه

سمو المعآني

نمشي بحسن نيـه ولاندري عن الغير , , وعسى الله يتقبلها من اوسع أبوابه
جلست اتحراك قلت تسوق التباشيـر , , مير عطيتلك يم وادي كثيره شعابه

أحمد السلمي

ترى مـا أنتـه بعـنتر ولاسـالـم الـزير ** لياجاء وقت التلاقي والحرابه
يبي يصفى لك الوقت وتزين المقادير **وتغني يابو شنب على لحن الربابه

سمو المعآني

ليا جاء وقت الحرب وتحديد المصير , , تلقاني صامدن ماعرف درب المهابه
لآصفآلي زماني وارضيت الجماهير , , مـآهــمني الـلي ابليس بحياته تغوابه

أحمد السلمي

كفو ،، وأنا بيمناي سيف شطير ** ماتختلف مضاريبه وعارف نصابه
عساها تستوي وإلا تظلي سعير ** يومن بعض العرب خيب اللي هقابه

سمو المعآني

والنعـم فيك لأعلنوا وقت النفير , , مثلك وشرواك أول من ينتخابه

هونها وعند الله وحده التيسير , , وبيـجي يـوم وكلن بيآخذ عقابه

صحت اللسنتكم الله لايهينكم

اخوكم
سامي السلمي