|
#1
06-01-2012, 07:55 PM
|
|||
|
|||
نصائح من ذهب.
ياباغي العليا لهـا عشرة بنود
سجل وانا بمليك واحفظ عددها من شان مايلحقك عيـبِ ومنقود احفظ وصاتي والوصاة اعتمدها اوصيك قبل الجسم يدبيبـه الدود في حفرةِ لابد نسكن لحدها دنيا العنا فيهـا مشاريب وعـدود وكم واحدِ له حاجةِ ما وجدها عليك بالتقوى ترى العمـر محدود واردع هوى النفس الدنيـّه وقدها واحفظ صلاتك تكسب الرزق والفود تكسب مكاسيب الحياه وسعدها وصم رمضان وزك يالشامخ الطود ترى البيوت النايفه من عمدها وجالس هل التوحيد والعز والجود واترك مقاريد العباد وقردها اللي على التفريق ياتونـك حشود فصيلةِ دب الجهل في جسدها واحسن جوار الجار لو كان مقرود لو جار نفسك لاتبيـّن نكدها والضيف عطه الطيب والطيب مردود اكسـب جناب الطيبين وسندها عقب الشحم والبـن قدم له العود حيثك من اللي من لفاها حمدها وبنت الردي لو هي زلالِ وقرهود حذراك تقربها وتمسك بيدها خذ بنت قرمٍ عند الاجواد محمود لا جا نهار الهوش بيّـن ولدها وزلة رفيقك لالفت دون مقصود لا تمسك الزله وهو ماقصدها ثـلاث مررها ولا شك بشهود والرابعه شب الحطب لا وردها هذي عشر وان كـان تبغيني ازود سجّل على عشر الوصايا وزدها الظلم شين وتالـي الظلم مـردود والغيظ شيطان القلوب وكبدها والصّمت زينٍ والحكي سيف محدود. والحقد غيمه والتباغظ بردها فكر وميـّز واعرف البيض والسود واحذر قلوب الحاسدين و حسدها ياخوك بين الناس طارد و مطرود ما تجهلك بعض الحرار و هددها وان ضامتك دنياك واصبحت مضهود. فاطلب من المولى يحلل اعقدها الواحد اللي كلبونا لـه سجود اللي جميع اعمال خلقه رصدها هذي نصيحه وانت معطيني وعود واهل الوفى والعرف توفي وعدها قدمتها بالمسك والطيب والعود زرعتها لك زرع و انت تحصدها حميتها مـن دون ملحٍ وبارود خوفِ عليها المنتقد ينتقدها وختامها العليا لها شروط وبنود ياللي تبي العليا تمعن وعدها 
|
«
الموضوع السابق
|
الموضوع التالي
»
العرض الشجري
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 10:45 PM.
