قصة حياااة ببسي

#1 05-26-2012, 02:41 AM

قصة حياااة بيبسي+ميرندا

سبحان الله وبحمدة .. سبحان الله العظيم

وربي فآآآيق آللي سوآ هآلقصه

بدأت أحداث قصتنا عندما ولد بطلها عام 1898

ظهر الى الدنيا وأحبه الجميع صغار وكبار
كان أسمر اللون وطيب القلب

عرفتوه؟؟

إنه الببسي

دارت الأيام
الولد كبر وكبرنا أحنا معاه

وصار عنده أخوان وخوات

في يوم من الأيام كان البيبسي تعبان شوي وارتفع عنده الضغط وكانت فايره غازاته

فقرر انه يروح للمستشفى عشان يتعالج
وراح وحجز موعد وجلس ينتظر بغرفة الانتظار
وشوي وتيجي وحدة برتقالية اللون انيقة
تتمختر في مشيتها والناس تقول ياأرض احفضي ماعليكي

طبعا أكيد عرفتوها
هي الميرندا
جت وجلست جنب البيبسي في غرفة الانتظار

الولد خف عقله وخفق قلبه
وكان يحوس الشيطان في راسه يرسل رقمه بالبلوتوث وإلا لأ
لكن الحمدلله ماتهور وسواها

ماقدر البيبسي يتحمل ان يشوف كل هالجمال ويسكت
فخش عرض و سألها :سلامات وش جابك عند الطبيب
هي: فيتامين سي متعبني من وصف لي اياه الطبيب وانا اعاني من آثاره الجانبية
هو: سلامتك عسى ما العوار شديد؟
هي: لا بس دايما ارجع

هو: اها ماتشوفين شر (ويقول في باله ياليته فيني ولا فيكــ)
هي: الشر مايجيك

وقامو يسولفون لين ماجى دور البيبسي يدخل عالطبيب
وقبل لايدخل قال للميرندا ممكن اشوفك مرة ثانية؟
هي: متى؟
هو: الليلة
هي: اسمح لي ما أقدر
هو: أفا ليش؟
هي: الليلة عمتي بينتهي تاريخ صلاحيتها ونبي نكون كلنا عندها نودعها
هو: أها احسن الله عزاكم مقدما
هي: طول الله تاريخ صلاحيتك
هو: الله يسمع منك يارب ، طيب متى تحبين الموعد؟
هي: خليها بعد العزاء أحسن
هو:على راحتك

وجاء الموعد المرتقب وتواعدوا في ثلاجة(اسواق الرايه)
ودار بينهم الحديث التالي

هو: ممكن أسأل سؤال وتجاوبيني عليه بصراحة؟
هي: تفضل
هو: معقوله كل هالجمال وماتزوجتي للحين ياترى وش السبب؟
هي: حكم القوي عالضعيف
هو: كيف؟
هي:قصة قديمة
هو: ممكن أعرفها

هي: قبل سنة عشت قصة حب مع بيبسي مكينة وجا وتقدم لي عند أبوي عشان يخطبني
لكن أبوي رفض
وقال مانزوج بناتنا لعيال المكاين
وقام وفرض الاقامة الجبرية علي في الثلاجة
الين انتهت صلاحيته ومات

هو: آسف ذكرتك بالماضي
هي: لا عادي خذ راحتك تذكرت لو ماتذكرت هذا الماضي موجود وماراح ينتسى
هو: ليش؟ ان شاء الله يجيك اللي ينسيك هالماضي
هي: تعبت وانا انتظره والظاهر اني بعنس ولابشوفه
هو: انتي تشوفينه قدامك الحين
هي: منهو؟؟ <<<<< تستهبل
هو: أنا..تقبلين تتزوجيني ياميرندا؟
هي: هاه << دلــع بنــات
هو: انا تقبليني زوج؟
هي: روح اخطبني من عمي
هو: ان شاء الله

----------------------------------

اتصل على عمها واخذ موعد انه يشوفه عشان يخطب بنت اخوه
وراح لهم وشربوا القهوه << قهوه وبيبسى خخخخخ

هو: طالب يد بنت اخوك
عمها: لنا الشرف ياولدي بس لازم نشاور البنت
هو: شاور ياعم

وافقوا على الزواج واتفقوا على الملكه وكلشي
والزواج يبي يكون بثلاجه (عبده حسن)
تـم الزواج وكان فيه حضور كبير ومن بينهم سفن آب وميرندا فراوله وبايسن وحضور كبيير

وهاذي بعض الصور لحفل الزواج

-----------------------------

وقرروا يسافرون شهر العسل الى ثلاجات (دبي)
وسافروا واستانسوا ورجعوا
وبعد سته شهور أكتشفت إنها حامل
وفرحوا فرح كبير لأنه بيجي ببسي وإلا ميرندا صغنطوط وبيقول لهم ماما وبابا

جات وقت الولاده والبيبسى كان خاااايف وجت الممرضه وقالت له:
مبروووووووك جاتك ميرندا صغنونه

وعاشوا حياه سعيده وجاهم بيبسى صغنون

وانتــهـــــت القصــــــه

ههههههههههههههههههههههههه ه

اعطوني رايكم
تحياتي

#2 05-30-2012, 02:26 PM

حلــــــــــــوة

والغريب أن تاريخ صلاحيتهما طويل !

شكــــــــــــرا أخي ناير قصة طريفة

#3 05-30-2012, 08:24 PM

ههههههههههههه

حلوه يالغالي

وياليت المره الجايه تجيب لنا قصة عيال النعمة والهاي هاي:

الريدبول لما تزوج البيرة باربيكان ..

ثانكس

#4 06-04-2012, 10:56 PM

ههههههههههههههاي
أضحك الله سنك
حلوه كثير
ننتظر جديدك لاعدمناك

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

تسجيل دخول