ديوان الشاعر حمدان بن عامر الشكري (ابن مقحــص)

الكبرياء "


[poem=font=",6,,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
الارض قفرى والمطر توه على الديره نزل= مبطي وهيه مجدبه مشتاقه لسيل ومطر
يمكن بعد هذا الحيا يحيا الهشيم من النخل= والله ليا منه نوى بالخير لعباده ومر
سبحانه اللي يعطي ويمنع 00ولعباده كفل= مازاد ملكه من عبد مانقُصه من هو كفر
الله هو المعبود ما تعبد مناة ولاهبل = الواحد المعبود له كل الفضايل والشكر
الأدمي وش هولوانه على المنصب حصل=يعيش فالدنيا عمر يقضيه وأخره السفر
متاع دنيا لايغرك في زمانك يابطل= تراك توك فاول المشوار واصداء الخبر
جاتك بكاسٍ من ذهب والناس تعرف بالفعل= الله يبارك فالرجال اللي يجيبون الدرر
انته على البيدا ترى مانته على الكوكب زحل= مخلوق من نطفة علق مالك على غيرك امر
انظربعينك واستعيد الذاكره لاتنهبل= عشرينك اللي قد مضت من بعدها فوق العشر
يمكن تصحي قلبك اللي عن مواجيبك قفل = والا على اقل الحوال من السوابق تعتبر
غافل وغفلك الزمان اللي على مثلك تكل = ترى هلال العيد يالاجواد باين من عصر
لاتفرح وتغتر بالدنيا وتفقد للعقل = الله قدير يغير الاحوال في لمح البصر
الامر لله خالق الاكوان من بعد وقبل= والادمي يبقى بشر مهما تعلا او كبر
والكبريا لله ردا\ سبحانه عز وجل= والأدمي مهما تكبر ما يعادله صفر
من نازعه في كبريائه خاب فالدنيا وذل= ومن نا فسه في عظمته خايب وفالاخرى خسر
استغفرك لن كان شعري فيه شطحات وزلل= واعوذبك يالله من شر التعالي والكبر
وختامها صلاة ربي عد همال الوبل= على محمد خاتمٍ للانبياء سيد البشر
[/poem]


وسلامتكم ..

( سوريا راحت جحيم )

[poem=font=",6,black,bold,italic" bkcolor="burlywood" bkimage=""
border="none,4," type=2 line=0 align=center use=ex num="0,black""]
البارحه بين الاسى والحزن والهم المقيم = قمت استدير افكاري اللي مستهل اخيالها
يسري خيالي فالفضاء بالغيم والجو العتيم= لين اكتمل معنى القصيده واكتمل موالها
وانا سريت بجوها مابين سين وبين جيم = اتخيل اوضاع العرب واشوف سو احوالها
وشلون يهنا المسلمون وسوريا راحت جحيم=بيدين مجرم طاغيه بألات حربه طالها
قتل وجرايم ترتكب في حق شيبان وحريم = وبيوت تهدم فوق روس اعجٌزها واطفالها
مجازرٍ ماسلم منها لارضيع ولا فطيم = حتى بيوت الله هدٌمهاعلى نزالها
بدم بارد يسفك ادماء الارامل واليتيم = ويستنجد بقوات فرس وروس لجل اقتالها
ياشعب سوريا تناودا كبروا بسم العليم = أنتم حماة الدار وانتم مجدها ورجالها
توكلوا على الله اللي دوم بعباده رحيم = وادعوه في جنح الظلام انه يبدل حالها
وياسوريا حنا معك وانضمد الجرح الأليم = الدين واحد والهدف واحد لعز اجيالها
والطاغيه بشار هذا الحاكم النذل اللئيم = ماعاد له من حيلةٍ في شعبه ويحتالها
يبي يغادر سوريا بأذن الله الرب العظيم = ذليل صاغر والهزايم له تجر اذيالها
نصرة إله الكون والمعبود والرب الحليم = أكبر واعظم من وفود الجامعه واموالها
[/poem][/quote]

(يالله انك تقتضيلي من هذاك الجاني)



[poem=font="simplified arabic,5,black,normal,normal" bkcolor="burlywood" bkimage="" border="none,4,gray" type=2 line=0 align=center use=ex num="0,black""]
شوفني بين الحقيقه والخيال اعاني= وشوف حلمي ماقضاه الاعذاب سنيني
وشوف كل الهم والاحزان هي عنواني= وين ماوجهت من كل اتجاه اتجيني
القهر مع السهر مع الكلام اعياني = والحسود وحظي اللي قام يشمت فيني
أن شكيت الوضع للصاحب قطع ماجاني = وان شرحت أله الحقيقه قال ماتعنيني
مالي الا الصبر والتطنيش والكتماني = ولالي الا الصمت واحظان الحزن تؤيني
يازماني لاتبسم وانت من عدواني = اعرف انك ماضحكت الا تبي تبكيني
منك ما حصلت غير الصد والحرماني= ولاجنيت الا الطعون اللي بها ترميني
كلما طابت جروحي عودت لي ثاني = كنها ما حصلت غيري وهي تبغيني
يالله انك تقتضيلي من هذاك الجاني = هو سبب همي وغربالي وظلم سنيني
[/poem]


وسلامتكم

( ابــــــــــــــيات)


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
مادام ظني في سمو حظرتك خاب = وانت الصديق اللي أقدرك وادراك
ماعاد لي علاك شرهات وعتاب =مادام شرهاتي تمر وتعداك
كان الصداقه عندك فلوس وحساب = لاعاد تطريني وانا بعد مابغاك
[/poem]



(البيت اليتيم)


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""] ياللي تقول انك على الطيب سباق = حنا قبل لاتعرفه سابقينك[/poem]

( الاجيال للاجيال تورث فعايلها )


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
ابقلط على بحر الشعر والمشاعر فال = واترجم شعوري والهواجيس منهلها
تفضل يافكري واسكب الكيف بالفنجال = وسوقه شعر والاوله لا تبدلها
صحيح الزمن يجري ويمضي ولاينطال = والاجيال للاجيال تورث فعايلها
عيون السهر نامت وناموا بها العذال = وانا سرمدي الليل عيني تطاولها
أدور على المكسب ويالله براس المال = سواليف للعقال يصعب تخيلها
ما هو بالغريب ان طوح الوقت له رجال = ولاهو غريب ان جن فالناس عاقلها
ولاهو غريب ان قالوا افلان قال وقال = لكن الغريب ان الحقايق تجاهلها
تطول العمار وفعل بعض العرب ماطال = ولاكل من يبغى الجمايل يحصلها
ترى الطيب كايد والجمايل تراها ثقال = ولا كل رجلٍ قال يفعل وطايلها
عن الذم والتقصير ومجادل الجهال = ابا اصد واغض البصر عن خمايلها
[/poem]

خيال الفكر والجنوب


[poem=font=",6,,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
ياخيال الفكر غادر للجنوب = زورها لو كان لحظه ثم عود
لاتضيق ابك المسافه والدروب = روح زاير واخترق كل القيود
زورها وانا على حد الغروب = واخذ فكره عن هواها والورود
ذوب في وجدان اهلها والقلوب = وازرع لحلم الامل فيه وجود
احتظن فيها شذاها والهبوب = واستمع لصوات دندنت الرعود
والسحاب اليا اجتمع من كل صوب = صافحه واستقبله مثل الوفود
واغتسل من ماء بردها لو تذوب = عانق غيوم السماء والغ الحدود
والضباب ان مرك البس منه ثوب = وارسم الصوره من البارق شهود
صور الواقع عن اجواء الجنوب = وودع اجواء الجنوب ولي عود
[/poem]

وســـــــــــلامتكم

الحب خالص والمشاعر حقيقه





[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
في زحمة الدنيا وفي رتم الايام = تواردت للنفس والصدر ضيقه
ومع أختلاف الوضع واصدار الاحكام = وموت الضماير واختناق الحقيقه
صارت حقايق وضعنا كلها اوهام = وعشنا على زيف الزمان وبريقه
نزعم نقول انا على خير ما يرام = لو بعضنا متضايق ونشف ريقه
نصبر ونحسب صبرنا درع وحزام = للي تعاظم في عيون الخليقه
ونقول ظرف يمر والخير قدام = لو كان جور الوقت ماحدٍ يطيقه
يحرم علينا ما نطاوع بها اقزام = من دونها نغدي شبايب حريقه
عشنا ولازلنا ونبقا لها اقلام = تكتب لها كل الحروف الرقيقه
نعزها ونحبها عشق وهيام = ونعيشها حزن وفرح بالدقيقه
ماهمنا المرجف ولازيف الاعلام = الحب خالص والمشاعر حقيقه
[/poem]


وسلامتكم

( الطــــــــــــواغيت )


[poem=font=",6,black,normal,normal" bkcolor="burlywood" bkimage="" border="none,4," type=2 line=0 align=center use=ex num="0,black""]
كم من طواغيتٍ على الارض جارت = جارت وجالت بالحرام وغياها
الله وكبر شوف الايام دارت = دارت عليهم بين ليل وضحاها
شعوب بوجيه الطواغيت ثارت = وحروب حريات دارت رحاها
الشعب نادا بالله أكبر وصارت = نارٍ على الطغيان حامي لظاها
سبحان من لا عنه حاجه توارت = المبتدى مــنٌه 000وله منتهاها
مافيه حاجه في هذا الكون سارت = الابها يعلم ويعلم خفاها
كم من طواغيتٍ على الارض جارت = مجموعةٍ راحت والاخرى وراها
[/poem]

(تكــــفا )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
تكفا ترى زودت بي الغرابيل = وبيٌنت دمعٍ في عيوني مخفا
ليه الجفا والصد ليه البهاذيل = ليه التمادي بالهجر ليه تكفا
بيني وبينك ماتجوز المحاييل = خل العناد وما مضى منك كفا
ياصاحبي ياباالرموش المظاليل = ماهو بجايز في حبيبك تشفا
اولع بدربك شموع وقناديل = وتشب نارك في حشاي وتخفا
واسقيت حبك من عروقي هماليل = مالي هوى في حب غيرك وشفا
وجازيتني بُعد وجفا مثل ماقيل = وتقول راح الحب ولاَ وقفا
تساوت بعينك جميع المكاييل = اللي وفا بالحب واللي ماوفا
خلاص يكفي ما حصل من غرابيل = والحب ما بيني وبينك توفا
[/poem]

قصيدة دفاع عن الرسول
(صلى الله عليه وسلم)

[poem=font=",5,,bold,normal" bkcolor="burlywood" bkimage="" border="none,4," type=2 line=0 align=center use=ex num="0,black""]

تخضع الروس لله والرسول وتشرق الافاق=أمام المسلمين وكلمة التوحيد محسوبه
سطع وجه الظلام بلااله الاالله البراق=وايدها رسول الله بسنه فيه مرغوبه
تعالى الله سبحانه ورسله والحياه اشراق=محمد خاتم الرسل ويدين الكفر مصلوبه
رسولٍ كرمه ربه بحسن الوصف والاخلاق =وصانه من دنوس الجاهليه والنقا ثوبه
مسمى بالامين ولايخون العهد والميثاق=لربه يغضب ودينه وهذا جل مطلوبه
جعله الله نورٍ يقتدابه والله الخلاق=بهديه يهتديبه من هدي للحق والتوبه
صدوقٍ صادقٍ مهدي منزه سامي الاعراق=خسى من في رسول الله ولف فلم بكذوبه
عليه من الله اللي يستحق للف ساق بساق=بساعه ما يفيده جاه والا اموال مكسوبه
يذوق من العذاب اصناف لاتحصى ولاتنطاق=ونارٍ يصطلي فيها وعنه الناس محجوبه
ويكرم سيدي دايم وحبه داخل الاعماق=يموت الحاقد بحقده وله نيران مشبوبه
رسولٍ ورث لكل البشر مبدا وطيب اخلاق=تعلمنا الكثير من النبي بطيبة اسلوبه
فداه امي وابي يكرم عن الفساد والفساق=عليه افضل صلاة الله بتسليمات مصحوبه

[/poem]