ديوان الشاعر : سعدالله بن زايد العبيدي (الطبعة الأولى)

ديوان بن زايد

من الشعر الشعبي

شعر وتأليف

الشاعر / سعد الله بن زايد العبيدي السلمي

حقوق الطبع محفوظة للمؤلف

الطبعة الأولى 1425هـ

(نبذه عن حياة المؤلف )

الأسم : سعد الله بن زايد العبيدي السلمي . ولد في قرية العياب التابعة لمنطقة مكة المكرمة عام 1372هـ توفى والده وهو صغيراً في السن مما أثر على عدم دخوله في التعليم مبكراً .
التحق بالخدمة العسكرية عام 1392هـ في الحرس الوطني السعودي وفي عام 1403هـ انتقلت خدماته إلى قوة أمن المنشأت التابعة للأمن العام ثم انتقلت خدماته إلى المديرية العامة لكلية الملك فهد الأمنية حتى أحيل إلى التقاعد عام 1423هـ . برتبت رئيس رقباء .
وقد واصل التعليم اثناء الخدمة العسكرية حتى اكمل المرحلة المتوسطة
لديه عدد من الابناء في مقدمتهم ابنه الأكبر عدنان حيث كان يكنا به .

بسم الله الرحمن الرحيم

( مقدمة الديوان )

الحمد لله والصلاة والسلام على خير خلق الله نبينا محمد صلى الله عليه وسلم وبعد : فإنه يسعدني ويشرفني أن أقدم هذا الديوان للقراء الكرام وأعرفهم على محتوياته فهو يضم عدد من الأشعار الشعبية الهادفة والمفيدة لكل من يهتم بدينه ووطنه وتراث أمته العربية وهذا الديوان مرتب على أربعة أبواب

الباب الأول:


ويتضمن هذا الباب عدداً من القصائد الوطنية التي تتحدث عن هذا الوطن والقائمين عليه .


الباب الثاني :


ويتحدث هذا الباب عن مرور السنين والأيام حيث أنها مراحل للعمر نحو الموت وبلوغ الأجل .


الباب الثالث :


ويتضمن هذا الباب بعض النصائح العامة والتوجيه والتذكير بما ينفع الناس
الباب الرابع :


هذا الباب يحتوي على بعض القصائد الغزلية التي تتعلق بالحب العذري ويعلم الله أنني لم أكن حريصاً على هذا النوع من الشعر ولكن إلحاح فئة من الناس كانت من أسباب وضع هذا الباب في الديوان ونسأل الله أن يتوب علينا .

راية التوحيد

قصيدة وطنية بمناسبة مرور 100 عام على تاسيس المملكة العربية السعودية وقد نشرت في جريدة الرياض في عددها 11186 –22 شوال 1419هـ

[poem=font=",6,black,normal,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""]
باسم الذي نبتدي باسمه على المشروب والزاد=رباً خلقنا على الفطره وهي ساس الهدايه





عشنا على ملة الإسلام ما عشنا بالألحاد =ما نستمع في كلام اللي سلك درب الغوايه





تاريخنا حافلاً بالمعرفه والخير يزداد =نهضه ونظره لنا يحكيبها راع الحكايه





نفخر بتاريخنا الهجري على تاريخ ميلاد =نحيى ونفنا على تاريخنا حتى النهايه



تسعه وتسعين عام وعام بين اجداد واحفاد =نمشي تحت راية ما يعتليها يوم رايه




نمشي تحت راية التوحيد مرفوعه بالأعماد=عاشت بلاداً علمها رفعته ماهي دعايه



دار الكرم والشهامة من على تاريخ الأجداد =فيها سلوم العرب وصابها جزل الوصايه



هذاك عبد العزيز اللي تعلت فيه الأمجاد =اللي بنا ساسها لين اكتمل صرح البنايه



هلل وقال السعاده ما تجي في كثر الأعداد =ما تاتي إلى بقلبن لـه مع المعبود غايه



في يوم خمسة شهر شوال خامس يوم الاعياد =بالصوت قالت رياض الخير جاب الله منايه



استبشرتبه رياض الخير قالت نا د يا منا د =الحكم لله ثم للي نصاني من غلايه



فجراً سطع نور شمسه لـه مع التاريخ ميعاد =من يحمي الدين حقاً لـه من المولى حمايه



هاذي شهادة وعند الناس غيري جمله اشهاد =من يفعل الخير يشهد لـه على حسن الولايه



أربع وخمسين عام ويشهدون الحضر والباد =زالت جسور التمرد والتعصب والعصايه



واليوم في عهد أبو فيصل حسد نا فيه حساد =فيه الرخا والوفاء غنا بها راع الحدايه



عاش الفهد نظرته ما ينتقدها كل نقاد =عنده لحل المشاكل كل ما صعبت درايه



قالوا يعيش الوطن قال الوطن ماعنه مقعاد =عهداً علينا رعاية شعبنا كل الرعايه



قالوا كبير الوطن طالت ما مسافاته بالأبعاد =قال انتصرنا على هذا بدقه واعتنايه



كم من خطوطٍ سريعه مثل قود السلك تنقاد =يهوا التنقل عليها كل من عنده هوايه



قالوا صحاري وطنا ما بها زارع وحصاد =بالأمسى يوم المسافر قال من يقطع ضمايه



قال الفهد عندنا خطة ومعلومات وارصاد =نبحث عن الماء ونزرع وارضنا فيها الكفايه



قالوا حدود الوطن تبغى جموع أرجال واعتاد =قال الفهد قوة الإيمان هي ساس الحمايه



في كل ثغره عيوناَ ساهره ضباط وأفراد =يا كم عدواً رمو عينه ولأعاد الرمايه



المنحرف عن شريعتنا مصيره سجن وقياد =أما رجع وأنتهى وإلى عرف حكم الجنايه



أمن الوطن ما تزعزع ثابتاً ساسه بالأوتاد =سر ا وقرا بعد عصر السواني والسنايه



قالوا ترى العلم في الإسلام لـه مصدر وميراد =والعلم يجلى القلوب الغافله جلي المرايه



قال الفهد عندنا للعلم قدر وجهد وجهاد =تشهد صروح المعارف يوم كانت في البدايه



العلم والحلم ماهي غطرست عنتر وشداد =الجهل ولى زمانه صار في حكم النفايه



قالو بعيد الفضاء قال الفضاء لي فيه رواد =سلطان سلمان من علم الفضاء جاب الروايه



هذي براهين معروفه ومحفوظه بالأسناد =أفخر بفخر السعودية وهاذا مستوايه



يا خادم البيت في مكه وطيبه مسجد الهاد =كم زايراً في سعه يتلوا من القرآن آيه



عشتوا وعاشت معك روساً لها في الفخر مقصاد =من كان في خدمة الإسلام يعمل بالرفايه



عاش أبو متعب وابو خالد عضودك نعم الأعضاد =كم من يتيمِ اعتنوبه واكتمل قدر العنايه



وختامها عندنا للمبتدا رجعه ومعواد =باسم الذي نستعينه في البداية والنهايه
][/poem]

عشرين عاماً في عهد ابن الإيمام
هذه القصيدة سبق ان القيت في احدى مناسبات كلية الملك فهد الأمنية في شهر رمضان المبارك عام 1422هـ

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/2.gif" border="solid,4,skyblue" type=0 line=0 align=center use=ex num="0,black""]
بدينا باسم علام الغيوب امدبر الأكوان = بعونه نطلب العليا وباسمه نبدع الجابه
خلقنا من تراب وفي بلدنا نزل القرآن = على قلب الرسول اللي تلاه وعلم اصحابه
تهانينا لكم بقدوم شهر البر والأحسان = عسى من شاهده يكمل صيامه ويتهنابه
نبارك للمدير اللي لحب الخير فعله بان = نرحب في قدومه حيث ما حلتبه اركابه
هلا باللي حضر مقرونةً بالورد والريحان = تراحيب المطر يوم اختلط برقه وصبابه
باسم كلية صفت كتايبها على الميدان =تسمت باسم أبو فيصل عسى الايام تبقابه
على قمة هرمها سيدي نائف رفيع الشان =حبيب وشوفت المحبوب تظهر فرحة أحبابه
له البيضا نشرناها ولأحمد فرحة الأعيان = عضيدة في جميع اللازمات ونحسب أحسابه
ولأننسى محمد في محمد للشرف عنوان =يحفظ الأمن بافعاله عريب الأصل بنسابه
على حب الشرف هاضت قريحتنا لـهم بالحان =ولا تكفي بيوت الشعر قدر اللي رضينا به
سعدنا في بلدنا كلنا نحو الهدف عوان = بتوجيهات أبو فيصل فهدنا واعتزينا به
مضت عشرين عام وكونت علماً وراه أكيان =حقائق يشهد التاريخ فيها باوسع أبوابه
حقائق واضحة للناس والكلمة لها برهان = ليا شفنا البلد قلنا فهد للعزيرقابه
حزامه شور عبد الله وسيفه معرفت سلطان =حراراً قلدوا حراً شهر في راس مرقابه
هدفهم نصرت المسلم ونشر الأمن في الأوطان =هل التوحيد قطاعت دروب الشر واسبابه
عيال الشايب اللي عانه الله واسس البنيان=بنى بيته على حب الجميع ولا قفل بابه
دعا ربه صلاة الصبح يخزي حضرت الشيطان =وجاه النصر من عند الذي ما خاب طلابه
طلع نور الصباح وغرد القمري على الاغصان =وعم الغيث سكان الرياض ونجد وهضابه
الأيا دار كم مرت عليك من الشرور ازمان = قبل ذاك الزعيم اللي حكم بالشرع وكتابه
على هاذا الوطن قاد الجموع وقرر الميزان =غرس حبه على تربت ثراه وطلعت اشذابه
ترك حمل الأمانة عند منهو شالها باحسان =رجالاً طوروا هذا الكيان اللي نشينابه
على حكم الشريعة نجتمع والمسلمين اخوان =والأنرضى التفرق والتعصب ويش نبغابه
بحكم الله حكمنا واهتدينا في أمن وأيمان = رغم انف الحسود اللي بغيظه يفتل اشنابه
طريقاً مستقيم و ديننا هيمن على الأديان =ومن يطعن بهذا الدين يشقى ما شقينا به
هنا دين العداله والعداله مطلب الأنسان = ومن لا دان بالإسلام ما نركع بمحرابه
حما الله ديننا الإسلام لا عيب ولا نقصان =على درب الشرف بين الأمم لا شك فزنابه
وكلمت الحاسد محل الشك والحقران = كما حوم الجراد اللي تطير الريح باسرابه
حسدنا من حسدنا ما علينا من كلام افلان =ولا نصغي مسامعنا لصوت النبح واكلابه
ختمناها بذكرا لله عظيم الملك والسلطان =بعونه نطلب العليا وباسمه نختم الجابه [/poem]


  

الذود عن الوطن
ومما قال المؤلف هذه القصيدة وقد قالها عندما احتل العراق دولة الكويت عام 1410هـ وماكان لهذا الحدث من عواقب وخيمة .






[poem=font=",6,black,bold,normal" bkcolor="transparent" bkimage="" border="solid,4,black" type=1 line=0 align=center use=ex num="0,black""]

ألا يا لله يارب العبادي= تجنبنا المصائب وتحمينا

وتنصرنا تحت راية عملنا =وفي حكم الرجال المخلصينا

هل التوحيد حكام الجزيره =ذراهم يذري المتخوفينا

هل التوحيد قدوتنا رجالاً =رجال وحكمنا منا وفينا

سلفنا في بلدنا نقتديبه =تمسكنا بنهج الراشدينا

قواعدنا على حكم الشريعه =على سنة إيمام المتقينا

ومهما كثرت الأديان عداً=فلا يعلو على الإسلام دينا

إلى نادا المنادي للجهادي =تحيه لبو فيصل من يدينا

جنود الحق تطحن كل طاغي =تنال الفوز بإحدى الحسنيينا

جنوداً عندهم صبر وعزيمه =وفي موت الشهاده طامعينا

تهانينا لخو مريم وشعبه =بعودتهم بعد طول الحنينا

نشاركهم بفرحتهم ونرفع =شعار النصر في كف اليمينا

دعاء المظلوم يرفع بالإجابه =وتحرير أرضهم نصراً مبينا

حمام الورق فوق الغصن غنا =هلاً ترحيبتاً بالعايدينا

نصرنا الله على منهو تكبر =على منهو غدر بالمسملمينا

غدر بالدين وجسور العداله =جسور الأمن يهدمها علينا

أبو وجهين مكشوف السريره =بذانه عن سماع الحق طينا

كما الحرباه في كثر الوصائف =تغير لونها للناظرينا

وقع بالحفره اللي قد حفرها =حقيقة جربوها الأولينا

صدمت الحق يا صدام عمداً =تحسب أن الشعوب امغفلينا

أما تعلم بان الله حياً =وقد كونك من ماءً مهينا

أما تعلم بأن البيت آمن =وليس فيه غير الراكعينا

حماه الله من شرك وغدرك = ومن كانوا معك متعاونينا

يا هدام العرب للبيت رباً =وإنك تعلم العلم اليقينا

تشوف الحق مير اعمى بصيره =ضميرك ينكر الحق المبينا

لماذا ما نصرت البيت الأقصى =بعد ما دنسوه الغاصبينا

تجرى فوق جارتك العزيزه =وتطعنها واهلها نايمينا

تنادي بالجهاد وبالعروبه =وفعلك ينتدي منه الجبينا

وجيه القوم تعطينا بشاشه =وأثر سم الأفاعي بالجبينا

دخلت احدودنا تحت الظلاما =وبئسى القوم جونا داخلينا

تبي من بلدت الخفجي دعايه =ولكن دونها حصناً حصيناً

عليكم درات الدنيا رحاها =على روس العدا ترطن رطينا

بعد شيدت قصر أم المعارك =وقلت ان العواصف ما تجينا

هبوب النصر جات ام الهبائب=إلى هبت غدا حبك طحينا

رميت الشعب في أم المهالك =ولأينسونها عبر السنينا

تجر العار واذيال الهزيمه =شعارًًا فوق روس الصاغرينا

جز الله الشدايد كل خيراً =تطلع خافي الحقد الدفينا

حما الله دارنا من كل طامع =وجنبنا شرور الحاسدينا [/poem]




  

[color="blue"]

\7

color]




[poem=font=",6,black,normal,normal" bkcolor="transparent" bkimage="" border="solid,5,black" type=1 line=0 align=center use=ex num="0,black""]


سلام الله سلاماً مثل شرب الهيل بالفنجال =على منهو تشرف بالحضور وسارت اقدامه

هلا باللي حضر واللي حضر يلقى علوم أرجال =علوماً من شباباً يعرف الإسلام وأحكامه

شباباً باسمهم نبنى بيوت الشعر والأمثال =ليا هاضت مشاعرنا نجيب المسك واختامه

شباباً دارسين العلم ليس بيننا جهال =على درب الشرف نرفع عمود العز وخيامه

تعلمنا الثقافة واكتسبناها بد ون اجدال =سعدنا في بلدنا والرياض اترفرف اعلامه

تعلمنا الرياضه والعمل بالقول والأفعال =تجنبنا الخمول ونطرد الشيطان واوهامه

لنا تاريخ فيها يوم عصر السيف والخيال =زمان الشايب اللي خلف راسه يربط اكمامه

عليها حثنا صفوت قريش معلم الاجيال =يقوم الليل من بعد النهار ويطرد احلامه

ترى من طال نومه ضيع المكسب وراس المال =بعد نوم الضحى تلقى عيال السوس بعضامه

حيات الناس في وقتً مضى بالوزن والمكيال =لهم صبر وعزيمه في الجهاد ورفعة الهامه

سكن بقلوبهم حب الوطن حب الوطن قتال =يسلينا ليا ذعذع هواه وهبت انسامه

أبونا ما نخونه راس أبونا يحتميه أعيال =لياجات المخاطر من وراء ظهره وقدامه

نعرف اللي بنانا من بناه ونعرف المحتال =ولا نرضى نفوساً للوطن وبناه هدامه

وطنا عندنا غالي ولـه بقلوبنا منزال =ولا تفريق منا في تضاريسه وفي اقسامه

به البيت الحرام اللي بحجه تقبل الأعمال =وطيبه مسجد الهادي هل التوحيد خدامه

على هذا الوطن ما نعبد الطاغوت والتمثال =ليا لبى الملبي طايفاً بالبيت بحرامه

على هذا الوطن امن وطمئنينة وراحت بال =تواصيفاً عليها يشهد التاريخ باقلامه

تحت ضل الكريم اللي بغيره ما يفيد اضلال =فرض فرض الصلاة وحثنا لليل وقيامه

ترى من لا تزود وأنتبه في ساعت الأمهال =تندم يوم يسئلة الكريم ويعرف اكرامه

ليا خفت موازينه بعد ها يحمل الأثقال =تذكر ساعة الغفلة كان الليل ما نامه

ليا خفت موازين الفتى ما تنفع الأموال =تمنا ساعتاً فاتت وطبع النفس لوامه

يلوم النفس في دنيا تزول وفيها ميال =تبع فيها الغرور وصار من جيشه وخدامه

الايا نفس توبي قبل يوم العرض والأهوال =قبل ننضر بصفحات الكتاب ونعرف أرقامه

ختمناها بذكر الله منزل سورة الأنفال =علينا نعمته عمت ولأحدً يحصي انعامه [/poem]

العمل وحب الوطن

وله ايضاً هذه القصيدة التي القاها في أحدى احتفالات كلية الملك فهد الأمنية .







[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/5.gif" border="solid,4," type=0 line=0 align=center use=ex num="0,black""]

نبتدي باسم الذي عالماً ما في الصدور =مطلع باسرار خلقه ومافي صدورها

نزل القرآن باسمه على عبداً شكور =علم اصحابه بكلماته وصطورها

مرحباً ترحيبتنَ كنها طلع الزهور =في فياضاً شربت الوسم جت بزهورها

مرحباً تراحيبتاً حجمها عم الحضور =والجموع الحاضره نحتفي بحضورها

في كنف كلية الفهد نشعر بالسرور =بالأمان انعيش والله يديم اسرورها

كم رجالاً طوروها على مر العصور =في حقول المعرفة يغرسون ابذورها

خدمة للدين وملوكنا نبني جسور =والوطن فيه السعاده وفيه أجسورها

الوطن في كثر حبه ترى محد امعذور =والعمل ضمن الشريعه وفي دستورها

العمل ليس بعد ما نسافر للقبور =والأمم ما تدرس العلم وسط قبورها

العمل يبغى رجالاً لهم حكمه وشور =كل ما جات المهمات يؤخذ شورها

ديننا الإسلام نوراً لمن يحتاج نور =والشريعة شجرة نقتبس من نورها

مسجد الهادي عمرناه والبيت معمور =كم نفوساً تطلب المغفرة وتزورها

خدمة للدين نحماه من كل الثغور =والبلاد ابعزها حارسين أثغورها

الفتن كثرت وصارت كما موج البحور =كثرت الأمواج في برها وبحورها

تنتقل من بحر غادر إلى بحر امغدور =والنفوس العاجزه ينكسر بابورها

البشر ما تعلم الغيب والدنيا تدور =والليال السود يا جعل يبطي دورها

كم صبياً يتبع النفس وابليس الغرور =والنفوس الغافلة ما تشوف اغرورها

ما تفكر في العواقب وفي يوم النشور =تتبع الدنيا وما يحتوي منشورها

العمار مسافره والمراحل بالشهور =كل ما مرت سنة ما تعود أشهورها

من سلم من عضت الذيب تاكله النمور =ومن وقع بالقاع حامت عليه أنسورها

يا هبيل القلب خلك على دينك غيور =لا تجرك عنه كثر الفتن وشرورها

اطلب العليا بهمه ولا تمشي حدور=من طلب دار العلا يهتني بقصورها

الكرامه ما تجي بالمعاصي والفجور =مثل من يبني حياته ويهدم صورها

عز نفسك واطلب الخير في كل الأمور =والله الوالي مصرف جميع أومورها

سامحوني في الخطا واسمحولي في القصور =كل نفساً تبذل الجود من مقدورها [/poem]

\7

[align=center]التحذير من رفاق السوء

وله ايضاً هذه القصيده التي القاها في احدى الاحتفالات العسكرية .[/align]






[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=2 line=1 align=center use=ex num="0,black""]
باسم الذي فطرت الأنفس على دينه =عالم خفايا النفوس وما يلوذ ابها

عالم خفايا بني ادم وتكوينه =يجهر بما في الضمائر أو يسر ابها

رباً خلقنا عبيداً لـه وداعينه =طيات الأيام يكفينا مصايبها

يا مرحباً عد ما تمطر ودادينه =غيثاً سقى الأرض وأخضرت مساربها

ترحيب غالي وراع الحفل مغلينه =وكلية الفهد تشهد لـه كتائبها

حُييت يامن حضر ترحيب في حينه =ترحيبتاً غائبه عنكم شوايبها

في حفل تخريج واضحتاً عناوينه =والنفس بعد التعب هانت مطالبها

من قدم الخير يكتب في موازينه =ومن كان عمر بيوتاً لا يخربها


من لا تعلم عمل دنياه مع دينه =لا شك تنقص حياته من جوانبها

من يطلب العلم يرتع في دواوينه =وقوماً تبى العلم كم تتعب ركائبها

ميراث الإسلام ما حنا بنا سينه =ودواعي الشرفينا من يحاربها

هذا عن العلم في شتى ميادينه =علماً لدنيا وعلماً في عواقبها

اللي يريد الشرف والعز بيمينه =يرقى بنفسه على العليا ويطلبها

يامن لبس من شباب العمر تحسينه =دورات الايام ما تصفي مشاربها

أحفظ شبابك ولا تصغي موازينه =واحذر من اللي وجوه الخير يقلبها

من لا تغلب على فتنة شياطينه =يمسي ويصبح مسافر في مراكبها

من يطلب الخير واضحتًا براهينه =ومشارق الأرض ما تشبه مغاربها

يا جاهلاً في شهور الدهر وسنينه =تتبع هوى النفس وتلبي مطالبها

زرصحت الأمل طالع في مجانينه =تلقى شباباً مد نستاً شواربها

صدو عن الطيب ما شمو رياحينه =بصد ورهم علتا محداً يطببها

كم واحداً تصغر الأهوال في عينه =يشوفها هينة حتى يجربها

وكم من جليساً غدر باللي مخاوينه =مجالس السوء كم تلسع عقاربها

من طاح في المعتلج كثرت سكاكينه =وصحبت هل الشر ما تحمد عواقبها

جليسهم من شراب الموت مسقينه =حتى يطالع نجوم الظهر يحسبها

يصير طيراً مكسرتاً جناحينه =يوطى بالأقدام ما يقدر يجنبها

تمت وصلوا على منهو حفظ دينه =نبينا قدوت الأمة وصاحبها [/poem]
  

من افكارنا إلى دارنا

رسالة من أفكارنا إلى دارنا هذه القصيدة قالها عندما حن قلبه إلى وطنه الأم أي الارض التي تربى بها في صغره وذلك عندما كان في مدينة الرياض بحكم وظيفته .



[poem=font=",6,blue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/13.gif" border="solid,4,darkblue" type=1 line=0 align=center use=ex num="0,black""]

يا دارنا لو طال وقت الغيابي =لا بد من يومٍ يذكر بالأوطان

من عاش لابده يزور المرابي =وحب الوطن لـه داخل الصدر عنوان

يا دارنا وقت الصباء والشبابي =لو زاد حبي فيك ماني بغلطان

يا ما شربنا فيك صاف الشرابي =ويا ما رعينا في مساربك قطعان

يا دارنا لو شاب ريش الغرابي =ما ينسي ورداً على روس الأغصان

ورداً ليا شفناه يجلى السرابي =على طرف غصنٍ من الوسم رويان

ياما تعشت منه عوج الرقابي=وتسابقت ما بين عشباً وغدران

يا دار انا مليت والراس شابي =والبعد شين ولأعلى البعد عوان

يا داركم عاماَ رحل عن جنابي =عشر وثمان وعشر في عد الأزمان

قضيتها في البعد ولأغترابي =أعدها والنقص في عمر الأنسان

يا دارنا يا مال غيث السحابي =صيفاً سناء برقه على غر الامزان

يمطر سحابه فوق ذيك الهضابي =داراً بها كنا حبائب وجيران

يوم الحسد مدفون تحت الترابي =وكلاً على ما تملك النفس قنعان

ناساً لهم في الجوا نوراً وغابي =راحو على شاناً وحنا على شان

عباد لو ما يقرأون الكتابي =دائم سرايرهم على حق وأيمان

تجار لو ما يملكون النصابي=في قلت الفرقة وفي كثر الأحسان

من طاب حضه عقب دنياه طابي =يرتاح في قبراً تغطيه جدران

عقب التعب لا شك يلقى الثوابي =في جنتا تستقبله حور الأعيان

الموت ما يحداه نبح الكلابي =كم شال من ريض وكم شال عجلان

كم ميتاً شلناه فوق الرقابي =ولا بد ما نحمل على ذيك الأمتان

يا لله يا حلال كل الصعابي =تكتبلنا عندك سلامه وغفران [/poem]


  