ديوان الشاعر / عبــــدالله الصــــالحي

بــــــريــــــــــق الســــــــــــراب

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
بعد صبري تغذّى سٌقم جرحٍ عميق=مات بي كل جرحٍ كان مايرحما
وجيت أبطرد سرابك بعد جاله بريق=قبل لاترمقه نظرات عين الظمى
جيت أبنقذ من الاوهام نفس الغريق=وأرفعه فوق غيمه في عنان السما
جيت أبسلك لرجلي فالمتاهه طريق=وأستلف من بصر عيني لعين العمى
نظرتي للحياه بعين حٌرٍ طليق=كل ماشان وجه الارض عنها سما
والبحر ماهجر موجه عشان المضيق=ولا شال هم الجبال اللي عليها طََمى
والمطر في علو المزن مابل ريق=ولايفيد السحاب اللي تعدّى الحمى
والنفس تستدرج اللي في نظرها يليق=ولا كل شمسٍ تبدد ليلها المظلما
عذرت حال الزفير اللي يتابع شهيق=وغفرت ذنبٍ على كفين طاعه نما
لعل من شب ناره في يدينه يفيق=قبل تصبح عيونه للندامه فمى
ولو فعل الصواب من الخطأ مايضيق=كان الخطأ من العداله بالصواب إحتمى
الورد من طيبته يغري النحل بالرحيق=ولا سأل من عبث في غصن ورده لما"؟
[/poem]

ربــــــاعيــــــــات (2)

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
من بحر جودك جاتني اليوم موجه=لولا دعاي بخير لك أغرقتني
ماجزاك فيها لو معي مال خوجه=ولاقدر على نسيانها لو نستني
ودعاي لله شوفني سقة فوجه=يعطي يمينك خير مما عطتني
ويعدل أيامٍ بلتني بعوجه=لولا جميلك ردها حيرتني

[/poem]

************************************************** *******************************

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
من طيبتي صدّقت ماجا بالامثال=وضحكت للدنيا لكن ماضحكت لي
ولا زادني ضحكي لها غير بهبال=وطيبتي غير الشقا ماجابت لي
أبغى يمين الدرب وتردني شمال=وتطرد تباشير الفرح لابدت لي
يعني كذا ولا كذا بكل الاحوال=لا أنا مناسبها ولا ناسبت لي
[/poem]

************************************************** *******************************

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
في مسلسل درامي البطل مالبث=كان عينٍ وصار اليوم للناس أثر
والعفو والتسامح ماشمل من عبث=ولا رفع من ترك درب الرجال وعثر
وطاعة الله تنفي من القلوب الخبث=لو ران المعاصي في نظرنا كثر
ولا كل علمٍ نعرفه جايز انه يبث=ولا كتبنا القصيد الا عشان النثر
[/poem]

روح الأمل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
رُوِيت من سمعتك من قبل لا شوفك=وفديت ذكرك بحب الصاحب الغضي
ومن قبل أشوفك نويت أغوص في جوفك=بالمعرفه لين جمع الجهل ينفضي
الطيب ثروه وحاجات الملا ضيوفك=وطير جودك لها بالحل ينقضي
عرضت لك حاجتي في لحظة وقوفك=لعل يجهز عليها سيفك الفضي
وناض ليه أمل في زحمة حروفك=لكن ما سقى سحابه جرهدي حظي
ولا لفح نار شوقي برد معروفك=في ليلةٍ حالكه منها يخاف الظي
واليوم روح ألأمل فاضت على كفوفك=غدر بها الياس غيله والوفا غضي
إن كان في طيب قصدك بارت ظروفك=نصيب كفي من وعودك سقم عظي
[/poem]

المـعـنـى الجــزيـل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ابيات شعرٍ قلتها بطيب نيه=مالي وراها من المطاليب حاجه
وارسلتها لك من ضميري هديه=بعد المصارح عزّ عند المواجه
أبغاك تقراها بعينٍ رضيه=وتاخذ مع المعنى الجزيل إدراجه
عين السخط عن شوف مثلي عميه=لو شافت الكون الوسيعه فجاجه
والشك تجفاه القلوب النقيه=ويكثر على القلب المريض اعتلاجه
ومن لاجعل صبره لهمه مطيه=هبت رياح اليأس واطفت سراجه
ومن لاجعل عقله لجامٍ لغيه=تلبّسه طبع الخطأ والسذاجه
ومن حد نفسه للدروب العظيه=زرعٍ زرع بذره ويحصد نتاجه
والفك يبرى لو يعالج بكيّه=ويزيد سقمه كل ما أبطأ علاجه
وشربه من الميّ القراح العذيه=تغنبك عن عدٍ تبين هماجه
والجو دربٍ للمزون الرويه=والارض موطن للغبار وعجاجه
وانته تخيّر بين هذي وذيه=والقلب مع حبه سريع اندماجه
[/poem]

طــــــــــــايــــر الاحـــــــــــــــــــلام

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
كل ماشفت حلمي لاح لي من بعيد=شلت حيلي على متني وبديت المشي
علّ ليل الشقا يولَد بفجرٍ جديد=وترُدّ شمسه لحيلي روحه وينّتشي
ويندمل جرح همه نزف دم الوريد=ويتغذّى على جوعي ويرَوى عطشي
وتعّزف عروق قلبي للسّعاده نشيد=يغرّد بها طاير الاحلام صبح وعشي
لكن لا شلت حيلي قامت ارضي تميد=وغاب حلمي وكني منه ماشفت شي
وطيحتي للعذاب إعلان هل من مزيد=وتْغشاني رياح الياس والله غشي
واجبر شفاهي على تكرار عذر البليد=ظروفي القاسيه من صبري ماتختشي
مدري أشيل حلمي بعد جهدٍ جهيد=والاّ الاقدار تسبقني بجلب نعشي
[/poem]

مـنـــاحـــي

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ياطالب الجيب مني دوك مفتاحه=علمٍ اقوله ولاني فيه مزّاحي
تلقاه في موقفه والم لمرواحه=جاهز لمثلك وله يومين مرتاحي
إنحر ظلام الطريق بنور مصباحه=والاّ ابياظه تنصى نور الاصباحي
كنه سفينة فضا لك وانت ملاحه=والاّ تلفريك وسط الجو سباحي
ومابين طايف ثقيف ومصيف الباحه=من بين كل العرب مقصودك مناحي
قالوا يسج القدم في رحلة سياحه=تنسيه غم الحياه وهمها الماحي
تلقاه في راس عيطا منزح مراحه=للضيف واضح يشوفه حيث مالاحي
اقلط على دلةٍ بالهيل فوّاحه=في مجلس الطيب له مضوى ومسراحي
وليا تبسّم وتكّى وفرّ مسباحه=هذي ترى فرصتك خلك لها صاحي
بلّغ سلامي عليه بنفس مرتاحه=من غير ماينخفض صوتك ولا صياحي
قلّه ليا عِد راس المال وارباحه=تراي انا حاسبه من غالي ارباحي
ولو كان عينه لسر القلب فضّاحه=تعمى عيوني وسر القلب ماباحي
واهل الشعر دايم لمعناه لمّاحه=وصاحبي خابره شاعر ولمّاحي
فِكره بعيد المدى والقلب له ساحه=عطيب رايه في خصمه كنه سلاحي
وليا انتهى لازمك وأخذت لك راحه=وصلف التعب زال عنك وهمه انزاحي
وقّف لي الموتر مقفل بمفتاحه=لاهنت ياصاحبي وهات مفتاحي







[/poem]

غـــاص وأبحـــر

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
زعلك في بحر الخطأ غاص وأبحر=ورياح سؤ الظن قامت تلوفه
وسود النوايا حقدها بقلبك أثمر=كيد(ن) له أفكار الخديعه معسوفه
ومن الغرور اللي بنفسك تمخطر=طبعك يغني من القطيعه معزوفه
وبرق الجفا اللي لاح في جوّك أمطر=على وصالك بالندم والحسوفه
هذا هو حالك وأنا أعرفه أكثر=مماتظن وتعتقد أو تشوفه
ومهما تحاول يختفي عني السر=أقرأ على صفحات وجهك حروفه
وثوب السعاده لو فيه (إ) تستر=واضح براءة ضحكتك مخطوفه
ماهمني حالك بعد صبحي أسفر=كل (ن) يحصد اللي زرعته كفوفه
[/poem]

هــــــــــاجــس قصـــــــــــيدي

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
شعري يابو . . . . . ماجاني وراثه=جبته انا بالموهبه والتعلّم
أبغاه يجلى عن ضميري غثاثه=ما اقدر بغير الشعر عنها أتكلّم
ويجتث هم (ن) صار صعب (إ)جتثاثه=من بعد ماطوّل وفالقلب علّم
وأوفي يمين(ن) مانويت بحناثه=المستحيل أبنيه للمجد سِلّم
والشعر بيت (ن) والقوافي أثاثه=وبدون معنى الشعر بيت (ن) مظلّم
أخذت منه اللي يوافق ثلاثه=ديني ومفهومي وهاجس مولّم
وجنبته المعنى الهزيل وحداثه=منها جزيل الشعر يا ما تألّم
وهاجس قصيدي لك ماهرول عباثه=ولا له مطامع فالعتب والتظلّم
راع الوفا تلقى لخلقه دماثه=لو ينجرح قلبه بسيف (ن) مثلّم
وحلم الفقير يموت بحب الاغاثه= وحلم الغنا من سابغ الجوع مانلّم
والغدر يجري في عروق الخباثه=لا تامنه لوجاك يضحك وسَلّم
[/poem]

منـاجـــــاة

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
لو الذنوب تشاف والاّ لها ريح=عافتني الاحباب من كثر ذنبي
ولو الذنوب ترد نور المصابيح=عشت بظلامٍ دامس وضاع دربي
ولو الذنوب تخالط البحر وتسيح=معاد يصفي للمخاليق شربي
لكن سترها من جرى بأمره الريح=ماتشوفها عيون الملأ وهي بجنبي
يارب لو احيان عن أمرك أشيح=ما أسجد أنا لغيرك ولا أرجيه طبي
اجعل دعاي لباب عفوك مفاتيح=أنته رجاي وخالقي وانت ربي
يارب قدّر لي بتوبه وتسبيح=قدّام لايشتدّ من الموت كربي
واغفر ذنوبي في نهارٍ به تبيح=جوارحي بأعمالها وتغدربي
[/poem]

عــديـــل الـــروح

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
صبري عليك اليوم بي وصل ماده=وطويت حبل(ن)للوصل كنت مآدّه
من يوم صار الهجر لي منك عاده=وحبك عديل الروح انا كنت عآدّه
يوم الوفا ياصاحبي منك سادِه=قنعان به قلبي وعن الغير سآدّه
واليوم حب(ن)ظمنا في وهاده=هجرك هو اللي عابث(ن)به وهآدّه
وطول الصبر مني أشوفه بلاده=وعين(ن)بلاي شوف ماهي بلآدّه
من لاعرف حرّ الزمان وبراده=كُثر العتب والنصح ماهو برآدّه
ولاكل رامي لارمى ظبي صاده=والنفس ماتشقى لامر عنه صآدّه
[/poem]