ديوان الهيل والزنجبيل (للشاعر عبدالله العطافي)

ضحك سن

\7

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

إذا بغيتو ا شعر صافي لحالـــه = أصغوا دقيقة وأسمعوا بعض ْ الأبيَات
الشعر عندي حيِن يطرق مجاَله = للشعر ناس وللقصائد مقامات
وانا اعتبرني واحدٍ من جباله = وقطعت في دربه فجوج ومسافات
رفعت راسه لَين ميل عقاله = وان كان ما عندي على قولي إثبات
حرام ما عاد اقترب من مجاله = ولا عاد يسمعني ولا اسمع له اصوات

وارميه في هداٌج واقطع حباله = ان كان عوّد ضحك سن وعلاقات

والرجل يوجد بين عمه وخاله = وان راح ما يبعد عن الخال بالذات

رجلٍ إذا ما مات يوجد بداله = ورجّال ما نلقى بداله إذا مات
في كل وقت من الزمن له رجاله = واليوم جاء بعد الجماعة جماعات
كلً على كيفه ومطلق عقاله = لكن ليه احزن على فائتٍ فات
قديم يوم الرجل يلزم كفاله = ثم احتمى وجهه بعيد وقرابات

واليوم جاء شئٍ جديدْ بداله = راحت قوانين العرب مع عربسات
والعلم قًل و قل فيهم جماله = والناس زادوا والتهوا عنه بالشات
لو أن كلٍ دون حاله وماله = للمال دور والرياجيل وقفات
ما كل رجل اذا نوى علم طاله = كم غايةٍ قال ازهلوها ولا جات
والعلم لو انه تمدّح وقاله= ياما ابعدت عن راعي القول غايات


[/poem]

خلك بقربي

[frame="11 98"]

\7

[/frame]

فوق الحديدة

حلمت حلم ولا تحقق من العام
وانا مثل غيري حلومي عديدة

والحلم طار وقلت خلوني انام
لعلي القالي حلومٍ جديدة

وحلمت واليا ان الشهر عشرة ايام
وان البشر تبدو بحالة سعيدة

زاد الرصيد وباقي الخير قدام
والناس محدٍ صار فوق الحديدة

وتدرون وشهو حلم تحطيم الأرقام
بعد فقدنا من عربنا فقيدة

حلمت بالشيعة ؛ تحت رجل صدام
نسل المجوس محرفين العقيدة

رِجَالهم مثل الأرامل والايتام
وتفكيرهم حول الجزر والجريدة

والحلم الأكبر بارقٍ لاح بالشام
البرق يبرق والمخايل سديدة

بالديرة اللي من على فجر الأسلام
ميلاااتها فوق الاعادي شديدة

في صدر الأمة فعلها فخر ووسام
صحيح من قال أنها أمه مجيدة

وحنا من اولنا لها درع وحزام
من الشمال الى سراة العبيدة

كم قايدٍ منا محطم الأصنام
وكم بأرضها منا شهيد وشهيدة

وان كان مثبوت النسب بين الأيام
ايامنا لأيام خالد حفيدة

وآخر حلم مريت تفسير الآحلام
جالس على كرسي ويبدو وليدة

وبعد عطيته قصتي عض الأبهام
ولا جاب لي تفسير جملة مفيدة

قلت انت يازينك دفتر ومرسام
الا تفسر لي حلومي !! بعيدة

وانا ادري انك مانت للغيب علام
قال انت جيت بحلم والا مكيدة

قلت انتبه لاعاد اشوفك بالاعلام
وانا ما عاد اكتب بعدها قصيدة

حبات بردي
___________
سلام تسليم الوفا والطيب وأبشر يا بعدي
قدمت لي دعوة وشفني جيت بعد اوحيتها

أبوك مثل ابوي وانت اخوي واخوك ولدي
والدعوة اللي من ُسليم أموت لو زليتها

والله يبارك للعريس الله يبارك ويهدي
وتكون له بنت الحلال الجوهرة في بيتها

اليوم جيت افرح وأشاركّم وهذا مقصدي
واجب وانا عارف مواجيبي ولا خليتها

هذا انا قدامكم موجود وأوفيت وعدي
والا ترى يامكثر الاعذار لو عديتها

وانتم سليم سليم بن منصور ربعي وسندي
وافعالكم بلسم على جرحي اذا حطيتها

وانا اذا قالوا سُليم الأصل طاولت الجدي
بطاقتي لو كان ما فيها سِلَمِي رديتها

ماهو غرور اكثر اسامي الناس ما فيها ردي
لكنها آخر كلمةٍ بأسمي وانا حبيتها*

وانا اذا جيت اكتب الجزله تقويت جهدي
تى اذا قامت على الاربع سوى غنيتها

ازهم هجوسي في مجال الشعر وتجيني تعدي
سحائبٍ تمطر على اوراقي اذا ناديتها

مثل خِيالٍ فأوله وابل وحبات بردي
ألمها وتذوب في كفي إذا لميتها

جمعتها بيضاء كما الؤلؤ وسالت من يدي
على غروسٍ كل ما حل الجفاف اسقيتها

قصائدي ما احرص على بيتين وبيوت تغدي
واخاف لأٓ ملأ عينها بالكحل ثم اعميتها

اما على ماقيل تبشربي وتبشر بسعدي
والا أحترمت عقول خلق الله ولا سويتها

اخوكم /عبدالله العطافي السلمي

جمع المحاصيل

سبحان رب نزّل الوحي تنزيل
على رسوله والشرائع شرعها

رب حمى الكعبة ومكه من الفيل
اهلك هل الباطل ومكة منعها

ارسل على جيش ابرهة طير ابابيل
ترميه بحجارة وفيله صرعها

ونفس الفتى تأمر. ب بعض الدواليل
ان كان ما شد العنان وردعها

كم واحدٍ جرّت عليه الغرابيل
من طاعها في غيها ما رفعها

والناس كلٍ في طريقه عراقيل
احدٍ سلم. واحدٍ حياته دفعها

وان كان ماتقدر لبعض المواصيل
الكلمة اللي ما تجملك دعها

ترى السكوت افضل لبعض الرياجيل
من كلمةٍ عيبٍ على من بدعها

سقط الكلام وكثرة القول والقيل
كم جر شر وكم علاقة قطعها

اما كلامِ يرفع الراس لن قيل
والبعد عن شوك الكبود ووجعها

حتى نقفّل باب عوجٍ مقابيل
ما عاد يرجى فايدة من سنعها

كلمة غشيمٍ من صنوف المهابيل
عيبٍ عليه وتوجع اللي سمعها

ليته تركها ما لحقها بتحليل
والا قبل تأصل لسانه بلعها

يحط في صدره من الحقد وشيل
خبلٍ اذا جات المبادي صفعها

اما الرجال الغانمين الحلاحيل
هرج الخنا تنفيه من مجتمعها

والأدمي نهار جمع المحاصيل
يندم على اللي فاتته ما زرعها

اما ندم على دراسة وتحصيل
والا على ثروة رحل ما جمعها

وأكبر ندم ساعة توفى المكاييل
على سجود وركعةٍ ماركعها
اخوكم / عبد الله العطاافي

الرحيل

يامقفية والدمع ماخلى تحت رمشي سواد
ساعة رحلتي واغرق الثنتين واخفيته وبان

قلت امنعه بالصبر لكنه غلب صبري وزاد
صبري نفذ بعد تركتيني لقسوات الزمان

آمنت في رب العباد وماكتب رب العباد
واتآمل الموقف ولحظاته ودمعي والمكان

اذكر تركتيني صلاة العصر وثيابك جداد
بيديني اوراق السفر ثنتين واسمك فالبيان

وانا عرفت ان السفر مكتوب والرحلة وكاد
وان الحنان اقفى معك ماعاد باقي لي حنان

كانت حجاجينك سماي وكانت كفوفك بلاد
كنتي امان لغربتي وبغيبتك غاب الامان

كنتي لعبدالله سند كنتي بعد ربي عماد
كنتي لنا جنة بها الدنيا ودعواتك ضمان

ياباسط ارضك للانام وفوقها سبعٍ شداد
يالواحد المعبود يالرب الكريم المستعان

تكتب لها في جنة الفردوس مُتكأً وزاد
يارافع السبع الشداد ومنزل السبع المثان

يار ب تجمعنا بها في جنتك يوم المعاد
برحمتك نطمع وفي بيبان جنتك الثمان


عبدالله العطافي

هل الطالات




مرحبا بضيوف ابو خالد عداد خطاهم
من مشوا من دارهم حتى لفوا في داره

ذِكرهم قدامهم قبل نعــرف اسمــاهم
وطــيبـهم مثل الحـيـا كل يعد اخباره

الرجال اللي على سلم العرب ممشاهم
حـيــن مقـدمـهم تـلألأ حــيــنـا پـأنـواره

مرحبا والعود الازرق والشحم للحاهم
عـنـد شـيـخٍ للـكـرم كلٍ يشاهد نـاره

والله انا مـن سمعـنا سَـرنا ملـڤـاهـم
جالهم تقدير من طيبه ومن مقـداره

نعرف ان اللي حمود اعزهم واغلاهم
ونعرف ان اللي حمود لصحبته يختاره

روس قوم وكاسبين الطيب من مجناهم
ولا نـقـول الا نـعـم بحـمـود واللي زاره

والعـزيـمـه فالهـم بكـرة تـرى نـدعـاهم
باسم جيراني ويسلم راس منهو شَارْه

الـرجـال اللي متى نحتاجهم نـلـقــاهـم
كـن واحـدهـم ذراء للجـار بـعـد جـداره

قلتها ماني بلا احسنهم ولا ب أكـفأهـم
واحدٍ منهم وكم واحد وقف مع جـاره

من رجال اذا حضر منهم رجل كـفّاهم
يحتمي مآقف هل الطالات في محضاره


خوكم / عبدالله الطافي

سلام والطيب مبداء والوفا والكمول
ياهاجسي للوجيه الغانمة ودها

ربعي هل الراية اللي من زمان الرسول
اهل البلاغة سلاطين الادب والدها

مبروك مليون يا ذخر الرجال الزحول
ياشبل قومٍ مناقبهم ماحد عدها

لو نذكر افعالهم كان القصيدها تطول
والا ترى افعالهم مإحدٍ وصل حدها

وان قلت خالد. وجيت ابمدحه ويش اقول
تعجز بحور الخليل وجزرها ومدها

مذخور شيخٍ نعرفه بالكرم والأوصول
مزبان قومه وعدوانه وقف ضدها

رجال شهم وكريم وله مواقف تهول
لوتعترضه الجبال الشامخة هدها

اقول والا حروفي بالنيابة تقول
الطيّبة للرجال اهل الوفا بدها

جيت أطلق عنان فكري والقوافي خيول
ساعة تلافا على المضمار من قدها

هذي نحاول نطوّعها والأخرى جفول
إن ما تغانمت صهوتها رمت يدّها

وانا اذا شفْتها ما أحب أجيب الكسول
احرص على اللي تسد النوب وارْتدها

أختارها ثم ادنيها لشد الحمول
وأربط عليها حبالٍ. مأرتخى شدها

لو أنها في المحافل بنت ريحٍ عجول
ان كان ماشفت جودتها على خدها

اردّها حيد ثم أنسج عليها حلول
حتى تباها بحلتها على قدها

وأهديلها عقد لول. وكنها عقد لول
كلٍ يبها مثل حرصي على مدها

هذي حروفي بعد ترحيبكم والكمول
اقولها و الوفا والطيب في سدها

لعلها مع هل الطالات تلقى قبول
اهل البلاغة سلاطين الأدب والدهاء

سلام من قلبي وقول لساني
ومشاركة ومباركة لإخواني

حمد وناصر والعريس وزوجه
الله يوفقهم مدى الازماني

يارب تجعل هالزواج مبارك
يا واحدٍ مالك شريكٍ ثاني

بارك لهم يالله وبارك فيهم
وبارك على بقية العرساني

جتني عزيمتهم وجيت اشارك
بالتهنئة والشعر والاوزاني

وحضرت في حفلة عريب المجنى
اللي تعنى بالكتـــــاب وجاني

حشـــمة وتقدير لمقام اصحابي
اصحابي اهل السيف والقراني

روس الرجال وحرب يوم اطريهم
مع العـــرب لهن مكان وشاني

الاسم وافي والمكان الوافي
ياهي قبيـــــلة تجمع الاثناني

اقولــها صادق وانا عبدالله
ابن وصل شاعر من السلماني

حنا سُليم العزوة المعروفة
كيد العداء ربعي وامان العاني

اهل الدهاء والشعر والفصاحة
واهل التقى والعلم والإيماني

وكل الرجال اليوم فيهم مثلي
واجدادهم فيهم مثل جداني

ثم اعذروني واسمحو تقصيري
ان جاء خطاء والا بعد نسياني

واذا نسينا فابن آدم ينسى
والا لمــــاذا سُمي الانساني

وانا ترى التصفيق ما يصلح لي
اللي يبي التصفيق شاعر ثاني

انا تكفّي بيـــــــض الله وجهــــك
واحسنت يا شاعر وصح لساني
وختامها عــــــدد حروفي صلوا
على الحبيب المصطفى العدناني

السلام عليكم ورحمة الله وبركاته

جديدة آمل ان تنال اعجابكم وتحوز على رضاكم
[poem=font=",6,darkred,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/22.gif" border="none,6," type=2 line=0 align=center use=ex num="0,black""]



بيض الله وجه من طَاع ربه واستقام=واغتنم شئ من الليل تسبيح وذكر

يشهد ان الله مولاه ومحمد إمام=غاية في الدين جنة وبالدنيا ستر

بعدها صلى وزكى على المِلة و صام= ثم حج البيت ما فيه ذره من كبر

واشتغل بإصلاح ذاته قبل ذات الانام=شخص في قلبه مخافة وفي راسه فكر

ابتعد طيلة حياته عن المال الحرام =سيرته يُثنَى عليها اذا جاله ذكر

شايفٍ من كان في نور واصبح في ظلام=بيته الثاني بعد بيته الاول شبر

وبيض الله كل بيتٍ تقلّدته وسام=ان كتبته جمّل الشعر وان قلته شعر

كل ما احتجته لقيته على اليمنى حسام=صاحبي ماجيت ابيعه عشان اطلب سعر

يوم ارحب بالقوافي واعظمها سلام=في محلٍ فيه فنجال ودلال ونجر

كان ماهي في المجالس تنال الاحترام = حالفٍ ما اتعب عليها ولا اعيطيها عِبر

ما لها عندي مكانه إذا ماهي تمام =نظمها نظم الجواهر وفكرتها بكر

ان كتبت الشعر للشعر عطرت الكلام=وان كتبته للجماهير رشيته عطر

وان كتبته للمحبين ولعت الغَرَام =وان كتبته للمعادين صبيته صبر

وان فتلته للمهمات شديته حزام =وان بغيت اعبربه البحر مديته جسر

اكتبه من شان يروي ظماء كل الحيام = وأتركه حالة وجوده على اوراقي حبر



[/poem]