المعروف والمنكر

المعروف والمنكر
قصيدة للأستاذ مقبول مبارك العرابي 5-7-1433هـ
1- يامحارب الخير وأهل الخير خاف الله = ولا تشوش على المعروف بالمنكر
2- أهل العقل والحيا والحل والملة = دارين باللي بنى واللي يبي يدمر
3- والسيف دون الشرف والدين من سله = غير السلاطين وأبناهم قبل تكبر
4- رعتك دارك وغذتك الغلا كله = وحمتك وأهلك من كلاب البشر وأكثر
5- واليوم بعد الغلا والعز في ذلة = رميت ثوب الحيا والسوس بك ينخر
6- طير لحاك الجهل وافكار مختلة = واللي لنا من خلالك للبلا صدر
7- وباتت رجولتك والأوضاع منحلة = لا غيرة ولا حيا واللي خفي أنكر
8- ياهيه وين أنت رايح مامعك خله = أنته بدار بأهلْها والفخر تفخر
9- حرة أبية سنام المجد تحتله = والشرع نبراسها وسيوفها تشهر
10- تجتث كل الفتن وتداوي العلة = ودون الحيا والشرف بالروح ماتذخر
11- ما للدنس في حماها ضل ومْضلة = الشمس حية وعيدان العرا تبتر
12- وشيوخنا فضلهم الكل صاحن له = كم شر صدوا وكم عاري بهم يستر
13- وياكم بهم من تطمن في غياب(ن) له = عيونهم ساهرة والبعض يتنكر
14- والبعض يرمي هل الحسبة بعار(ن) له = الله حسبي على أهل الزيف والمنكر
15- شيوخنا تاج روس ودرع للملة = والكل منهم رفيع القدر ومْقدر

الاستاذ / مقبول العرابي

صح لسانك وسلم بنانك والتوفيق فالك والطيب عنوانك

قصيدة رائعة بروعة قائلها

شامخة بشموخ الجبال

الله يعطيك الف عافية

وتقبل مروري وتقديري

الشاعر مقبول صح لسانك على القصيده الجزله

دمت ودام قلمك في طاعه الله

الاخ الشاعر \ مقبول العرابي


صح لسانك على القصيده

الجزله في مبناها ومعناها

سلمت وسلم منطوقك

صح لسانك واعتلى شانك


قصيده جزله من عنوانها بين موضوعها

الله يكتبها في ميزان حسناته

وماعلينا وانا اخوك القافله تسير والكلاب تنبح

وفقك الله واسعدك في الدارين

ما شاء الله تبارك الله لا فض فوك قصيدة جزلة ورائعة