محاوره رباعيه بين الفيس بوك وتويتر .... والتلفاز والرادي

السلام عليكم ورحمة الله وبركاته
هذه فكرة محاوره الهدف منها اثراء النقاش
والحكم عند سليم فالمطلوب من الجميع الحكم
ومن شعراء المحاوره الرد بمحاوره افضل من هذه وشكرا

يقول الفيس بوك
سلام الله على التلفاز والرادي سلام رجال
رجال تاخذ الكلمه مع الصوره وتعطيها
يقول تويتر
دخلنا الجو وانتم في عيون الجاهلين رجال
وصرتوا خردة مابين بايعها وشاريها

رد التلفاز
هلا يا مرحبا بالفيس بك الخاين الدجال
واخوه تويتر الملعون لص الدار حاميها

رد الرادي
رجولتكم رجولة من يصب التوت فالفنجال
ولا يدري عن الدنيا ولا يحس تواليها
.................................................. ................................
فيس بك
مبادينا نجيب الطيب ولا نحجب البطال
بني حوا وش اللي بس يعجبها ويرضيها
تويتر
حفظنا العلم وانتم ما حفظنا غير قيل وقال
وزلات الملا ما تكتب الا فوق راعيها

رد التلفاز
مبادينا نخدم الدين مانجني ذهب واموال
ولا بعنا مبادينا وعشنا من رشاويها
رد الرادي
الا ياحافظين العلم لجل تكثرون المال
جزاكم فالحياه وجنة الله مالكم فيها
.................................................. ...........................................
الفيس
طرحنا القايد المصري وخلينا الشعوب اوصال
سوايانا من اللي قبلنا يقدر يسويها
تويتر
نبي معدالكم وخذوا على معدالكم معدال
وحكم سليم يرضينا ونار الشر يطفيها

رد التلفاز
تخيرتوا قبيله حكمهم حكم الني والآل
قبيله يحفظ التاريخ حاضرها وماضيها
رد الرادي
رضينا حكمهم في منتداهم والله الحلال
ودعوتنا ليا جيناك عند سليم توحيها