معاناه ونصائح

بسم الله الرحمن الرحيم

الحمدالله والصلاة والسلام على رسول الله وبعد

من الماضي والحاضر والآمال والآلآم وأختلاطي ونضري فيما حولي ومايجري ويدور جادت قريحة الأفكار بالعطاء الآتي :

(معانآة ونصائح ) شرحها في ابياتها والله المستعان 0

للشاعر الاستاذ/عبدالله زيد السلمي

(معانآة ونصائح )

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
1) ياونة ونيتها تالي الليل = خلت دموعي مع خدودي هماليل
من عقبها اهتميت ياحيل بلحيل = واللي جرى ليه على الرب مشكاه

2)قمت اتفكر في زمان مضالي = واللي جرى للناس واللي جرالي

وانا هواجيسي على قد حالي = تقفي وتقبل كل واحد بطرياه

3)قلت اصبري ياعين لاتذرفي دمع = كثر النظر يزريك في الطرح والجمع

قالت بلاي الفكروالقلب والسمع = كل يجر الصوت من حر ما جاه

4)السمع قال الهرج شك الكبودي = اسمع من الصدقان والا من الحسودي
والناس ماتعرف ردايه وجودي = كلن على فكره بنى بيت معناه

5)والفكر قال انا معاني هواجيس = كن العدى قدامك متاريس

خل الكلام وماتضم القراطيس = مير البنادم حسبته عند مولاه

6)ياقلبي اشبك محتطي والنظر شين = عول عليك الفكر والسمع والعين

وآنته ياقلبي عارف الشين والزين = هذا كلام منك ما قد ولفناه

7)ادرب الاعضاء على راحة البال = وليا وزنت افعالها صرت عدال

وان تعت عنها قلت يا ساتر الحال = من قدم الله ما يخيب رجاياه

8)اخذت ليلة عشر لين القمر غاب = وانا مابين الأربعه عد وحساب

الكل منهم قال لي حق غصاب = هذا تراه اسباب لكل المعاناه

9)قال اسكتي ياعين مالي ومالك = حوفي وشوفي وأذكري ما بدالك

تصبري والجسم والعمرهالك = يبقى العمل له وقت فيه ايتحراه

10)مرت علي أوقات فيها همومي = شي لزوم وشئ ماله لزومي

قلت بوضح للجماعه علومي = لعلهم يصلون بالعلم منهاه

11) الريس الاول واللي يواليه = واللي يشيع العلم واللي يداريه

قالوا كلامك مانبي نستمع فيه = اصبر على حالك ولك يوم تلقاه

12)قلت الخوي والأخو عند المواقيف = اخواني وان صكت على المحاريف

اليا غزيت ابديبهم في المشاريف = على طريق الصدق والصدق منجاه

13)ازريت ما أحصل له علاج ونتيجه = ما غير فكك له جدال ولجيجه

يالله تكافينا العلوم الحريجه = ان كان واني مانويت المعاداه

14) واحسرتي لن مكان مالي من الناس = احد يناصحنـي علـى فكـر وقيـاس
شابت رموش العين مع قنـة الـراس = وأنـا مابيـن الهجولـه والـمـداراه
[/poem]

صح لشان الشاعر على الابيات الراائعه

مشكور يابعيد الهقاوي على النقل

لك تحياتي

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
15)اغدو عيالي يا ثمرة الفوادي = أنتم شفى قلبي وغاية مرادي
أووصيكم الطاعه لرب العبادي = واللي يطيعه جنة الخلد مأواه

16)صلاتكم واصيامكم والزكاتي = والعفو عند المقدره حين تاتي
ترى لها مردود بعد المماتي = رضوان للخالق وتجزل عطاياه

17) ادرو عيال العم عن كل مكروه = لو شعبو بالعلم وأخطو واصابو ه
ترى لهم ميقاف غصبن تشوفوه = ماحل وقته بالصبر والمناداه

18) الضيف ترى له حقوق كثيره = آتقيمها العربان في كل ديره
يستاهل أغلى المال والا البصيره = أكرم وجوده ولا تغير حظاياه

19)والجار لا تأذونه الله يصونكم = ابجنبكم والا وراكم والا دونكم
حفظ على جيرانكم يحفظونكم = ترى حقوق الجار وصابها الله

20) والحذر ! من هرج القفا والنميمه = ومقابل النذال أكبر جريمه
والحسد بيح بالبيوت العظيمه = والنذل هجو عنه مع كل مجهاه

21)بنت الري أحذركم تأخذونها = لو العجب في شكل مقرن عيونها
دايم على الأخيار تشكي شجونها = ويجي ولدها مثل جده وشرواه

22) ترى الأمانه قولها شي مطلوب = لاصرت أمين تصان من كل عذروب
حمل ثقيل وفيه غالب ومغلوب = كلن تشاهد نيته في رواياه

23)حذرى شهاده حق لا تنكرونها = لو قالو العربان لا تكتمونها
وليا خلطها زور لا تقربونها = ترى المزور له جهنم تحراه

24) الأمر بالمعروف له دور فعال = والنهي عن المنكر يبينك رجال
والسمع صونه عن حكي كل جمال = والطرف طبع المكرمه من سجاياه

25) والوالدين اوصابهم قاضي الشأن = ابذل على معروفهم كل ما كان
لن كان تبغى جنة الخلد مسكان = ما دام قلبك يذكر الخير يمداه

26) اقضو لزوم اللي يجيكم امعاوز = لن صكيت الدنيا عليه الحواجز
ترى الزمن مابين خاسر وفايز = يشبه حضور الملعبه والمباراه

27) هذا كلامي يا اهل العرف والشار = بعد عرفت من الزمن حلو وامرار
أبيع واشري فيه وأدير الأفكار = ذكرتها فابياتي اللي مسماه

28)وأختم كلامي بالصلاة الجزيله = على النبي هدى للدليله
ووضح دروب الخير لأهل الجميله = صلوا على مختارنا اللي عرفناه
[/poem]

مشكور والله يعطيك العافيه

صح لسانك لاهنت على ماقلت
تقبل تحياتي