القســــــــى

أشرقت شمس الفرح فوق الوجيه المستهمه
غبت ياعهد الحزن حييت ياعهد السعاده

ربي اللي رادها وارسل سناها عقب غمه
لأجل يجلا نورها ظلام يغشاها سواده

القسى لا صاب قلب الآدمي وازداد همه
استوى لابليس ملعون الثوى نبشه وزاده

هيه لو قلبك حجر مثل الحصاة المستصمه
ذاب بأسرع وقت لا قامت على سطحه عباده

هاضني ذاك الصغير اللي مسح دمعه بكمه
من يوقف عبرته حين اختفى غاية مراده

مايبدد حسرته لو بين خال وبين عمه
الكدر ما كنّه الا صايرِ شربه وزاده

إن سأل ماحداِ يجيب ولن سكت محروق دمه
منكسر وسط الهموم اللي تكابر في عناده

رايحِ فكره شتات وما قدر لحظه يلمه
حالته يرثى لها واحزان قلبه في زياده

لو مقسوم البشر على البشر جات المطمه
مابقى فوق البسيطه عالمِ فيها رشاده

البلاء من صاحبِ يهديك فالمعسول سمه
ماتوانا عن ذهابك لا غدى موتك مفاده

مادرى ان الدور قادم والقدر لازم يزمه
لو ما جاء اليوم لابده يجي بكره وصاده