رحلة سعيدة

بسم الله الرحمن الرحيم
السلام عليكم ورحمة الله وبركاته

إخوآني أعضاء منتديات بني سليم بن منصور
صبــــــــآحكم / مســـــــآكم خيـــــــر


مدخل > > >

سلآم يا أهل المنتدى اللي شعركم دايم جديد
لكّن حنّــا نرسل الموجود لـــو إنه قديــــــم

الشعر ينظـر للشبــاب ولآ يطــالع يـــم عيــد
واللي ما يقرآ الانجليز الناس تعتبره غشيم





~~ رحلـــــة سعيـــــدة ~~

هذه القصيدة كتبتها عــــ 1424 هـ ـــام
عندما ذهبت في رحلة إلى ضواحي نجد مع زملاء العمل
وهم :

عوض فالح الجهني ~ رئيس رقباء ~
ذياب هاجد الجعفري المطيري ~ رئيس رقباء ~
عبد الله ظافر الأسمري ~ رئيس رقباء ~
( أبو متعب ) سلطان عامر العضياني العتيبي ~ رئيس رقباء ~


بدأنا الرحلة يوم الثلاثاء الســـ 12 ــاعة ظهراً إلى قرية العضيان ( عِمره )
وهي بعد عفيف بــ 15 كيلو تقريباً وكانت الأجواء ممطره ...

وصلنا القرية ( عِمره ) الســـ 11 ـــاعة مساءً وكان في انتظارنا الأخوان
قاسم العضياني العتيبي و قزعان العضياني العتيبي
واستقبلونا أحسن استقبال وهذا ليس بغريب عليهم أهل كرم وجود ...

وفي اليوم التالي الأربعاء
دعآنا الأخ مطلق العضياني العتيبي على حليب البل والعشاء ...

وفي يوم الخميس مرّينـــا على قرية الرفايع
ثم تعشينا عند الأخ ( أبو بدر ) مرزوق مبارك المورقي العتيبي بقرية ( المورقية ) ...

وفي صباح يوم الجمعة عدنا إلى جدة وكانت رحلة جميلة وممتعة ..

وأثناء عودتنا كتبت هذه الأبيات
وأتمنى أن تنال استحسانكم > > >

[poem=font="hesham alsharq,6,darkred,bold,italic" bkcolor="transparent" bkimage="http://www.solaim.com/vb/mwaextraedit2/backgrounds/150.gif" border="groove,3,darkred" type=0 line=1 align=center use=ex num="0,black""]
تذّكر علّيه رحلة (ن) بعد رآسي شآب=تعيد الشباب لواحد (ن) طالع (ن) شيبه
مخآوي رجال (ن) من تعزوابهم ما خآب=تعز الخوي وتقدّره حسب أساليبه
وأنا لو مالزّم عليّه عوض وذياب=وعبد الله اللي يشرح البال من طيبه
وأبو متعب اللي لن مشى يبدي المرقاب=خوّيه ليا خآوآه يكمل مواجيبه
بنيخيه وإخوانه ويا نعم بالأقراب=رجال الوفاء والضيف دايم تهليبه
وقاسم على اسمه يقسم الحق للأجناب=وقزعان روحه دون ضيفه يفاديبه
ومطلق وأخوه مجّود أبوهم الأنساب=رجال (ن) كرام وفيهم الخير ترهيبه
ومرزوق وإخوانه سيوف (ن) لها مضرآب=ليآ أهوت على المخطي تحشش عراقيبه
أبو بدر دايم دون ربعه ذرى وحجاب=كريم وحليم وكلّها من هناديبه
إ له حِب وسط قلوبنا لن حضر وإن غآب=محبة وفا في القلب تصبح وتمسيبه
يكرّم ضيوفه لآ تكّبر ولآ نصّاب=عن الزاد والمشروب تكفي ترآحيبه
ولو أبى أعبّر عن كرمهم بدون حساب=رجال (ن) كرام وكل ما تآجد تجيبه
يا سلطآن وصّل لي سلآمي ليآ الأصحاب=سلآم (ن) على وضح النقا أرسل مكاتيبه
وأنا من سليم اللي تواريخهم بكتاب=مسجّل لهم تآريخ والناس تدريبه
ولآذم القبآيل كل نار (ن) لهآ شبّاب=وكل (ن) يميّز حسب فعله وترتيبه
وصّلوا عدد ما لآح برق الحيا الجذّاب=على المصطفى عداد فرض (ن) نصليبه[/poem]

مخرج >>>

رآجعت بنك الشعر قال ارتآح ما عندك رصيد
لكّن صل وصوم واطلب رحمة الرب الكريم

وسلآمتـــــكم ،،




أخوكم

أبو متعب الفقيه السلمي