ديوان الشاعر حمدان بن عامر الشكري (ابن مقحــص)

( ماني على من صد ملزم ومحتد )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
من صد عني عنه والله لاصد = لوكان مهما كان حضرت جنابه
ماني على من صد ملزم ومحتد= بالله غني ولي عزوه ولابه
ومن جاوز الحد له خصيمٍ وله ند = اللي على الزلات يشعب ركابه
دون الكرامه اجبر النفس واضد = واحدها عن كل نذلٍ زلابه
ومن مدلي يمناه يمناي تمتد = طيب ووفا حشمه وقدر ورحابه
واجنب اللي يجتنبني ولاالد = يمه ولاني بشتقي واعنابه
اشرب قراح وصافي الماء من العد= واترك خثاريبه لخبلٍ عثابه
افرق مابين الهزل والمزح والجد = واعرف علوم اللي علومه تشابه
وافرق مابين الناس بالجزر والمد= واثمن اللي لي يثمن جوابه
لي موقفٍ من دون ربعي لياقد = شفت الردي والخبل ينسل حرابه
ربعي سليم اللي لهم ماضين جد = من عهد سيدنا النبي والصحابه
وحاضر يشرف كل رجلٍ بها يعد = فيها الكرم والطيب والها مهابه
قبيلةٍ وسط الجزيره ليا عد = تاريخهم بين العرب ينحكابه
ماقبل علاهم وارتضي قول مرتد =من دونهم باثني فعول وطلابه
اعتز فيهم وارفع الراس واعتد = في لابتي لاعد للرجل لابه
[/poem]

( بقلوب شعبك ياملك )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
شوفتك ياخادم بيوت الله في صحه وخير = سعادةٍ تجلا عن الشعب المواجع والهموم
صح الوطن فيه الكثير رجال لكن انت غير = انت حبيب الشعب وانت مزبنه وقت اللزوم
سلامتك ياسيدي ياصاحب القلب الكبير = سلامتك من كل باس وشر ياالحر العزوم
بقلوب شعبك ياملك حايز على الحب الوفير= محبتك بين الحنايا في شرايينه تحوم
ياسيدي عقبك تري حنا تألمنا كثير = الله وعلم وش كثر نسألك عنك في كل يوم
انت يابو متعب ذرا للشعب من حر الهجير= وانت يابو متعب ذاره من الهبايب والسموم
قلبك وطن للشعب ماله به شريك ولاخشير = وكفوفك اللي تحمله فوق السحايب والغيوم
فيك احترامٍ للكبير وفيك حبُِ للصغير = وفيك حب الخير للاسلام والعالم عموم
بذلت واعطيت الارامل واليتاما والفقير = فتحت بعد الله لابواب الامل باب مختوم
وهذا هو شعبك يكن الك الولا والحب غير = ويقول لك تسلم لنا نبع العطاء والخير دوم
[/poem]

( ابيات )


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
في عيوني للرجال أهل الوفا منزالي = وجوف صدري قدرهم دايم رفيع وسامي
والردي والخبل والمبدول والانذالي = ما حسبت ألهم حساب وصفر فالارقامي
[/poem]

( ابيات )


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
ااه ياليل السهر ماطاب لي ياليل نوم = كيف يهنا النوم عيني والحزن ليه وكيل
أستباح الصدر وامسى في شراييني يحوم = مابخل حزني علي ولابخل حتى البخيل
أن بغيت الصمت فاح الصدر من كثر الهموم = وان هجرت الصبر مالصبر فالواقع مثيل
[/poem]

( صوت القصيد )




[poem=font=",6,,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
صوت القصيد اللي كتبته يناديك = بقصد مدري داعي الشوق هزه
لجيت ابكتب من بحور الشعر فيك= تأتيني أبيات الشعر كل حزه
كل الحروف الابجديه تحاكيك = وتكتب لك ابيات القصايد معزه
ولو مرني ياصاحبي بس طاريك = ارفع لك أشعار المحبه وارزه
تستنفر الاحساس فيه معانيك = وجميع عرقٍ بالجسد تستفزه
مابين ساعات الفرح يوم الاقيك = مشاعري حزن الضماير تجزه
تكبر بعيني وين ماحل لافيك= ويكبر شعاري بالغلا لك واكزه
لاشك لي عندك غلا مثل مااغليك= شخصٍ تعلق فيك وأنت تعزه
هاذي حقيقه ماهي مجامله فيك= غالي وتبقى غالي بكل حزه
[/poem]

( البارحه ياسعد )


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
البارحه ياسعد حلت بي الضيقه = واصبحت والهم مسهرني ومقلقني
والشعر ياخوك ما مرت طواريقه = حتي خيالي وهاجوسي مفارقني
أسباب فرقا الذي فرقاه مااطيقه = اللي بطيبه ومعروفه مغرقني
ماجد عسى في سما الامجاد تحليقه = الطيب اللي على الطيبه مرافقني
يالله عسى فالسفر يلقى توافيقه = ويعود باعلا الشهادات ويوافقني
[/poem]

( خبيث الهناديب )


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
الناس تسعى للمعالي وللطيب = ما همها من خالط الحقد دمه
اللي قصر وقت الطلب والمواجيب = يوم المواقف والامور المهمه
يوم أن صاح الذيب للذيب ياذيب = تجرع من الحقد موته وسمه
مايعرف الواجب خبيث الهناديب = عند الرفيق ولد عمه وعمه
انشهد ان الذيب وقت المطاليب = والا السعه كلٍ ينفذ بكمه
اللي يعدي في علو المراقيب = يهمني امره وامري يهمه
صقرٍ ولد صقرٍ عطيب المضاريب = ما ينهزم دايم على راس قمه
والاالردي يبقى لشذب العراقيب = لو شاف فوقك غلب ما فار دمه
يلمٌع اهروجه مابين الاصاحيب = وعند الجماعه كن ملجوم فمه
لو صاد له فرصه يشب المشاهيب = ولع مابين الرجل وابوه وامه
[/poem]

ياالله

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
يالله ياجالي الكربات عن من دعاك =
ياللي بيدك الفرج وانته بخلقك عليم

ادعوك يارب ياللي مالغيري سواك =
أنت الذي يإإلهي بي رؤوفٍ رحيم

أنا دخيلك إلهي واحتمي في حماك =
من شر نفسي وخلقك واللعين الرجيم

ويالله ياللي ماخاب اللي طلبك ورجاك=
أطلبك مدت يدينك ياألكريم العظيم

ابسط عليه برزقك واغنني من غناك =
واجعلني بديني اعمل واجتهد واستقيم

وامددني بجود عفوك عن سخطك برضاك =
والبسني الثوب ثوب العافيه يا كريم

وارزقني الجنه اللي من وهايب عطاك=
ودلني واهدني على الصراط القويم

أنت قديرٍ على هذا و ذلك وذاك =
وانت الغني الحميد اللي بحالي عليم

وانت الذي مايخيب اللي طلبك ودعاك =
الواحد المرتجى على عبادك حليم

يارب اجب دعوتي يا معتلي في سماك=
عبدك ولا بيني وبينك وسيط وكليم

ارفع يديني اليك بكل صبح ومساك =
قاصد لبيبان فضلك تحت عرشك مقيم
[/poem]

( ياقلب )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""] ياقلب لا تشره على من يعاديك =أصبر على ماقد حصلك وما جاك
مادام للشرهات بك ما يكفيك =أنس الذي فالوقت صد وتناساك
ماكل من تلقاه فالوقت يبغيك =ولاكل من سمعك من الناس لباك
ولاكل عينٍ تذرف الدمع تبكيك=ولاكل من يضحك يبي يكسب ارضاك
كم واحد من الناس فالبعد يغليك=وكم واحدٍ لوهو ماشافك تمناك
ًوكم واحدٍ لو بس يسمع بطاريك =وده ولد عمك يمينه بيمناك
وكم واحدٍ لو هو قريبٍ معاديك =ولوكنت مبعد عنه بالظلم يبلاك
ياكثر ماهو بالمناوي يمانيك =لكن لاحدتك دنياك خلاك[/poem]

( يارب عجل في نهايات بشار )


[poem=font=",6,black,bold,italic" bkcolor="burlywood" bkimage="" border="none,4," type=2 line=1 align=center use=ex num="0,black""] يارب عجل في نهايات بشار =فرّح قلوب السوريين بوفاته
واجعل مصيره ياإلهي إلى النار=واقطع رجاه ومابقي من حياته
واقصر حبال الفتنه وكيد الاشرار= الفرس والروس وأوربا دعاته
وانصر بنصرك جيش سوريّا الاحرار=واجمع لكلمتهم وقويّ ثباته
واحرس وطناالمملكه دار الاخيار= اللي بها المسلم خشع في صلاته
من دونها حنا وحنا لها أسوار =خدام للدين الحنيف وحماته
[/poem]