ديوان الشاعر/ عبدالوالي سعد السلمي

إنّا لله وإنّا إليه راجعون
ارفع أحر التعازي إلى مقام سيدي / خادم الحرمين الشريفين الملك عبد الله بن عبد العزيز
والأسرة المالكة والشعب السعودي .
بوفاة الأمير نايف بن عبد العزيز "رحمه الله "
هالني الخبر فجاشت مشاعري بهذه الأبيات .

[poem=font=",7,royalblue,normal,normal" bkcolor="burlywood" bkimage="" border="double,3,red" type=3 line=1 align=center use=ex num="0,black""]

يا هاجسي لا تبخل اليوم بالقاف = هات الجزال اللي بالاعيان تنشاف
واكتب لنا مرثية بجزل الأوصاف = يا رب ترحم نايف اللي فقدناه
قلبي حزين ومكثرٍ بالحسايف = ودموع عيني فوق خدي ذرايف
تنعاف دنيانا بعد موت نايف = يا رب ترحم نايف اللي فقدناه
والشعب كله مثل حالي حزينا = يالله على مكتوبك إنك تعينا
واجبر عزانا في ذريف اليمينا = يا رب ترحم نايف اللي فقدناه
باسمي وباسم الشعب نرفع عزانا = للقائد الأعلى وحامي حمانا
واخوانه اللي بعد ربي ذرانا = يا رب ترحم نايف اللي فقدناه
ولي عهد وكل شعبه يحبه = قائد هل السنة على شرع ربه
والمجرم الشيعي بعد مات سبه = يا رب ترحم نايف اللي فقدناه
نايف سليل المجد صافي سريره = بين الدول والا بوسط الجزيره
حامي بلاده من طغاة الذخيره = يا رب ترحم نايف اللي فقدناه
يعجز لساني أن يعدد مزاياه = لكن ابدعي من جزيله عطياه
يجعل له الجنه مصيره ومثواه = يا رب ترحم نايف اللي فقدناه

[/poem]

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
قالو اكتب من قصايدك لو خمسة بيوت = واغتنم في فرصة العيد فوقك لا تفوت
قلت أنا لن جيت ابكتب لبست افخر بشوت = علّم اللي يضرب الأرض لا يشقر عصاه
ما طلبتو غير شيٍْ يسير ونقدره = بإذن منهو كل كسرٍ بحيله يجبره
رغم ما نخفيه والصدر ما احدٍ يسبره = علّم اللي يضرب الأرض لا يشقر عصاه
نحتفل في عيدنا مثل باقي المسلمين = والثناء والشكر لله رب العالمين
ما نسينا وقفةٍ للرجال الغانمين = علّم اللي يضرب الأرض لا يشقر عصاه
مؤمنين بربنا عالم احوال العبيد = حدّد اعمار البشر لو نحاول ماتزيد
راح ابو عبدالوكيل اللي لنا دايم عضيد = علّم اللي يضرب الأرض لا يشقر عصاه
واقتفاه الشايب اللي بحسبت والدي = تعرفونه طول عمره لربه عابدي
شيخ قومٍ ما حسب في ورود الواردي = علّم اللي يضرب الأرض لا يشقر عصاه
ما نسينا مشعل اللي خذا قلبي وراح = مشعل اللي ما يفارقني مساء والا صباح
يالله إنك تجعله ليه من أسباب الفلاح = علّم اللي يضرب الأرض لا يشقر عصاه
نطلبك يارب رحمه للجميع = والطلب في ظل رجواك ربي ما يضيع
ما يلام اللي بذل جهد فيما يستطيع = علّم اللي يضرب الأرض لا يشقر عصاه
والختام اطلبك يالله في حسن الختام = طالبك يارب تقبل لنا شهر الصيام
يالحضور امسو وصلو على خير الأنام = علّم اللي يضرب الأرض لا يشقر عصاه
[/poem]

بمناسبة اليوم الوطني 82 لبلادنا الغالية ...

جاشت مشاعري بهذه الأبيات علّها تحوز على رضا الجميع ..

وهي بعنوان *** أغلى وطن ***

[poem=font=",6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بسم من يعلم خفيات الضمير = أبتدي نظم القوافي في الوطن
في صدى الذكرى على حسن المسير = نعلن الأفراح في كل المدن
الكفيف أصبح من الفرحة بصير = والبصير أمسى يغني له لحن
نحمل الراية في الأول والأخير = راية التوحيد في طول الزمن
طالبك يا منشي المزن الغزير = تحفظ بلادي من شرور الفتن
عاش أبو متعب لنا دايم بخير = عشت يا سلمان للدولة حصن
واحمد الموهوب يا نعم الأمير = يا رعاه الله صمام الأمن
للوطن في قلوبنا قدرٍ كبير = ما تغيّره الشدائد والمحن
يا ملكنا كل ما تطلب يصير = أنت تأمرنا وحنا لك رهن
كل شعبك من كبير الى صغير = ترخص الأرواح للموطن ثمن
والله إنا ما حسبنا للحقير = لو تغفّلنا وبالخنجر طعن
نكسره و نذوّقة مُرٍ مرير = تحت راية جيش أبو متعب نحن
ما تضيع حقوقنا بإذن البصير = لأجل شبر من الوطن نلبس كفن
طائر المشرق سمعنا له صفير = غرته دنياه واشقاه الشجن
ما درى إن الكون في حكم القدير = والليالي من يعاندها حزن
والله انه ما يخيب المستجير = دامت ان الروح في جوف البدن
حكمة البحّار في الموج الخطير = تنقذ القارب من اخطار السفن
شعب واحد في الحياة وفي المصير = و إنتشابه في الفرائض والسنن

[/poem]

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
آه يا ذكرى تكدّر خاطري = كل ما مرّت على بالي بكيت
هلّت دموعي سواة الماطري = وانتهى ليلي بنومي ما اهتنيت
الحزن خيّم وشيّب صابري = لو نسوا بعض الاوادم ما نسيت
فوق ما ربي كتب لي صابري = وارتجيه بجنة الفردوس بيت
وارتجي وجهه يشوفه ناظري = وارتجيه بعفو ذنبي كمبليت
بعد ما عبرّت عن مشاعري = وانتقيت ابيات عن الفين بيت
اسمعوا مني لحكمة شاعري = من سليم اللي لهم هيبه وصيت
واجب المسلم يكون الشاكري = لو جُرح قلبه مثل جرح الكويت
قلتها وارضى بحكم الهاجري = يمكن إنه يعرف إني وش نويت

[/poem]

بمناسبة زواج الأستاذ / خالد عبد العزيز العلوي السلمي
أحببت المشاركه بهذه الأبيات علّها تحوز على رضى الجميع .
وكان ذلك في 25 / 4 / 1434 هـ بقاعة درة الأفراح بجدة .

[poem=font=",7,blue,normal,normal" bkcolor="transparent" bkimage="" border="none,4," type=3 line=1 align=center use=ex num="0,black""] من هجوس الشاعر اللي لا وقف يحمى وقوفه = يـا سلام الله على خالد وربعه مع ضيوفه
ردةٍ مثل القمر في نورها كلٍ يشوفه = يقتدي فيه المسافر لا نوى له في سفر
جيت ابا أشارك خوالي وأتغنى بالقصايد = أنظم الجزلات منها وأتخير في الجدايد
في حفل خالد وخالد من جويدين العوايد = يا لعله بالسعادة والهناء طول العمر
القصيد اللي يشرّفني ليا مني بنيته = جيد السيسان يا أهل العرف ما ينهد بيته
لأجلكم يا ذي علي هاجوس شعري ما ثنيته = اسمعوا في قول أقوله وأشهدوا يا من حضر
قلتها وأنا من العجفان والعجفان قاده = خصمنا في طول عمره ما تهنا في رقاده
محتمين اشدادنا في حر وألا في براده = ما نهاب من المواقف بر وألا في بحر
وأختم أبياتي بذكر اللي بهديه نقتديه = يا عسانا نارد لحوضه ونشرب من يديه
يا حضور الحفل لا تنسوا صلاة الله عليه = فضلها فضلٍ عظيم وذكرها عز وفخر[/poem]
كلمات الشاعر / الأستاذ عبدالوالي سعد العجيفي السلمي

[poem=font=",6,blue,normal,normal" bkcolor="transparent" bkimage="" border="double,3,orangered" type=2 line=1 align=center use=ex num="0,black""]
ياالله يالمعبود يا رب الأرباب = يا مسخّر المهره لمنهو عسفها
انك تسخّر لي من الشعر محراب = انظم به اللي صايبه في هدفها
من شان اغلّق في طلب كل طلّاب = واسقي عطاشا الشعر واطفي لهفها
واللي طلبني من هل الطيب ما خاب = يبشر بمملوحه ينومس شرفها
ما توضع الا من على رمش الأهداب = والا بوسط القلب يروي شغفها
قصيدةٍ تفتح لها كل الابواب = وتشرّف اللي فالمواقف وقفها
في حفل تكريم لعريبين الأنساب = النخبه اللي تعجز اللي وصفها
يفخر بهم قائد و مشرف وطلاب = عمله صعيبه ترهق اللي صرفها
كُلٍ يحييهم على طيب واعجاب = مثل النجوم اللي نظرها عرفها
في ليلة التوديع والقلب منصاب = ونفوسنا تِكثر عليكم حسفها
لابد ما نرضى ونأخذ بالأسباب = سنة حياة ودايره في خلفها
صلاة ربي عِد ما خِط في كتاب = على الشفيع اللي كربنا كشفها
[/poem]

[poem=font=",6,black,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
بسم ربٍ يفرّج بالسعه كل ضيق = ابتدي نظم قيفاني واغني بها
حاير الفكر في دنيا زهاها البريق = ما تميّز خبيث الناس من طيبها
همهم جمع دنياهم بطول الطريق = والعواقيب ما تحسب عواقيبها
خيرهم للبعيد وشرهم للرفيق = مختلف يا رجال العرف ترتيبها
والبلاء يا عرب في مدّرق ما يويق = وإن صفت بينهم خثرب مشاريبها
ودّه الناس تغرق مثل ما هو غريق = حجته باطله بانت ملاعيبها
والله انّا من اللي يكرمون الصديق = لو نشوف العرب شانت هناديبها
لو يدور الزمان ولو تولع حريق = كل ديره ترى حنّا معازيبها
قالها الشاعر اللي لا نشف كل ريق = ينتقي من جزيلاته ويبدي بها
ما يهمه ولو يسمع دنين وصفيق = دامت ان اللحى تحمى لأشانيبها
ما يهاب البحر لو كان قاعه عميق = درّة البحر خابرها وضاري بها
من سليم وسليم اصحاب مجدٍ عريق = تاج راسي ليا هبّت ملاهيبها
كل قاسي ليا حضروا يعوّد دقيق = ما تهاب الخطر ربعي واماري بها
يا صلاتي عدد ما أزفر وما اشهق شهيق = والسعيد الحكيم اللي يصلي بها
فوق من مرسله ربي بعهدٍ وثيق = هادي الناس للجنة واساليبها


[/poem]