|
#11
03-18-2010, 03:40 AM
|
||||
|
||||
رد: ديــوان الشاعر:ابراهيم السلمي
هل التقدير يازين نفحات الهوا يوم نسنـس يشفي ضميري لاشعرت بنسيسه وخوة هل التقدير في كل مجلس هذا دوا قلبـي وهـذا ونيسـه من طيبهم لاجيتهم يوم نجلـس من شوفهم تشفى النفوس البئيسه والكيف لاجا الضيف بنٍ محمس وريح العويدي فالدلال النفيسـه ماهو بمجلاس الوجيه المعبـس الي من التنباك يـوذي جليسـه واحدهم ليا قام كنه معـه مـس من ضيقته لاقام تسمع ضريسه من خوة الاشكال ذولا تحـرس تراهم أشبه بالنمل في حسيسـه شم واحتشم عن دربهم لاتدنـس مالك ومال اهل النوايا الخسيسه أما بمجلاسٍ تجيـه وتنومـس الطيب ذخره والمعرفه عريسـه مجلاس قومٍ لشهامـه تنافـس مابينهـم كـذاب ولانطيـسـه خويهم لاحده الوقـت وافلـس قاموا معه وقت الليال التعيسـه ولا بلاشي من مجالس هل الدس أهل الحكي وأهل العلوم الدسيسه مير الزمن تال الليالي تعكـس وأعوذ بالله من خـزاه وبليسـه والوضع مزري وألاوادم مبلس راحوا لصكات الليالي فريسـه والليل عسعس والصباح يتنفس والمسجد الاقصى تحول كنيسـه وغير عوايدنا راع ok مع yes نتبع خطاهم لو خطاهم دنيسـه وأصل الشجاعه في وطنا تدرس والمرجله والطيب فينا غريسـه وختامها عداد مالليـل عسعـس صلوا على راع الخصال النفيسه نبينـا ألـي لشريعـه مـدرس
صلواعلى آله ومنهـوا جليسـه
__________________
\7
|
|
#12
03-19-2010, 11:59 PM
|
||||
|
||||
|
رد: ديــوان الشاعر:ابراهيم السلمي
العقول المساقيم يلـي تشمـت فـي تعـامـل براهـيـم كل ولـه حاجـه فـي نفسـه قضاهـا ماغيـروا مـن هيبتـي قـوم الاكاليـم الـي تسولـف بالعـرب فــي قفـاهـا ولاهمني قولة هل السين والجيـم تبـي تـمـوت وغيـهـا فــي حشـاهـا انــا وانــا ذخــر الـرجـال الشغامـيـم ألـــي مـــع العـلـيـا بـعـيـد مــداهــا ماني وكيل اهل العقول المساقيـم الــي مـــع الـعـربـان بـيــن خـفـاهـا وان كـان جـات الواجـبـه والمـلازيـم والله لتـبـطـي ماتـحـصـل عـشـاهـا والنـاس واجـد والمراجـل تقاسـيـم وكــل يحـسـب خطـوتـه لا خطـاهـا ولولا اختلاف الارض حسب الاقاليم ضاقت بهلهـا الارض واقلـع سماهـا مير الكلام الي جلى صحـوة الغيـم النـاس يفـرق عـن بعـض مستواهـا سـنــه لـنــا والمعـتـبـر بالـخـواتـيـم
والله يـعـز الـنـفـس لامـــن خـذاهــا
__________________
\7
|
|
#13
03-21-2010, 06:21 AM
|
||||
|
||||
|
رد: ديــوان الشاعر:ابراهيم السلمي
سطوة ذراعي يانفس لو تكثـر عليـك الهواجيـس ما للحـزن والهـم يانفـس داعـي ولو انها ضاقت عليـك التضاريـس وضاقت عليك فجوج الارض الوساعي وسجت بي الافكار مع وادي بليـس وسارت بي اقدامي بكـل المساعـي انا من اهل الطيب واهـل النواميـس واحمـا مواقيفـي بسطـوة ذراعـي على الـذراع ولا انحنـي للمتاريـس واحيـا وامـوت ولا تغيـر طباعـي مثل الجبال اللي حصاهـا مراويـس اللي بها تلجـا الذيـاب السواعـي لو انهـا هبـت عليهـا النسانيـس يبقـى حصاهـا مامـنٍ للسباعـي ولى كما احرار الفضـا والقرانيـس اللي ماتقبل فـي هددهـا القناعـي والوقـت علمنـا جميـع المقاييـس من بعد عشنا بـه حيـاة الصراعـي واليوم فقنا مـن حيـاة الكوابيـس وعشنا الحياه اللي بها النـور شاعـي وعداد ماخـط القلـم بالقراطيـس
صلوا على اللي بامر ربـه مطاعـي
__________________
\7
|
|
#14
03-28-2010, 06:38 PM
|
||||
|
||||
|
رد: ديــوان الشاعر:ابراهيم السلمي
البدو ياهاجسي عجل وسوق المطاريش
عطني علوم الطيب واسعد بها الجاش اركب على متن الفضا وابرق الريش كل العلوم الغانمه هاتها كاش واسرح بزوغ الفجر وقت المغابيش واقصد ديار البدو راعين الادباش من دون تنشدني ولا اقولك ليش حب البدو في خافقي صارجياش وألي كفل للادمي لقمة العيش لولاه كان العبد ميت ولاعاش إن الضماير للبداوه معاطيش مطراشنا ألي غير عن كل مطراش الماضي ألي فيه عاشوا هل الجيش عاشوا بعزة نفس واحوالهم ماش سلم البدو ماهو بسلم الدراويش اجدادنا واسلافنا مابهم لاش منقوش ماضيهم بالامجاد تنقيش هذي حقيقه ماتبي فحص ونقاش ولله ليسقي دارهم بالرشاريش ويعم كل الخيير والبدو تعتاش
__________________
\7
|
|
#15
04-01-2010, 07:18 AM
|
||||
|
||||
|
رد: ديــوان الشاعر:ابراهيم السلمي
احضان الرصيف يارياح الشوق في ليـل الخريـف ياهوى المشتـاق بالقلـب النـدي من عنا الاشواق انا مالي حليـف غير دمعـي والقصيـد وموقـدي كم سهرت الليل باحضان الرصيف مثل طفـل ينتظـر ضـم الثـدي غابت امه عنه واعطوه الرغيـف واصبح يعانـي وليلـه سرمـدي وانت يالغالي غيابك وش يضيف غير همٍ حاضنـه فـي مرقـدي طالت الغيبه وطيفك صار ضيف كل ليل اهديـه وردي مـن يـدي والغلا بالقلب لـه بـارق رفيـف ينتظر صوت الحبايـب يرعـدي آآه منك ومـن غيابـك يالوليـف وآآه من ليل سـرا بـي للجـدي اشهد ان القلب في حبك ضعيـف وانت صدك مارحمنـي يابعـدي وسيف هجرانك على قلبي رهيف كل ماحنيـت لـك جانـي عـدي ياحبيبـي لاتقـول الحـب كيـف ارحم اشواقـي وميـز مقصـدي واعرف اني كل وقت وكل صيف مارجيـت الا وصالـك يابعـدي والنهايه ياحبيبـي وش نضيـف
ماتشوف القلب مـن حبـك نـدي
__________________
\7
|
|
#16
04-07-2010, 10:50 PM
|
||||
|
||||
|
رد: ديــوان الشاعر:ابراهيم السلمي
الغزاله لحظه علـى الايميـل جتنـي رسالـه مرسولـهـا سـيـد الـدلـع والجمـالـي بـنـت خــذت زيــن البـنـات وجـمـالـه حتـى غـدت للـزيـن مـضـرب مثـالـي قالـت ياشاعـر قـلـت شـاعـر جـزالـه يابنـت انــا مــا اقــول غـيـر الجـزالـي انا من اهـل الطيـب واهـل الشكالـه واهل الشعر مـن ماضياتـي الليالـي قالـت مـادام الشعـر عـنـدك مجـالـه تكفـى تغـزل بـي وعطـنـي مجـالـي قـلـت ابـشـري ياخوخـتـي يالغـزالـه لايــا بـعـد كــل ا لـظـبـى والـغـزالـي يـاسـيـدة كـــل الـحـسـن ياجـمـالـه يـاأم الجمـال اليوسفـي والشمالـي يالبـرتـقـالـه كـــــان بـــــه بـرتـقـالــه ياأجمـل بـنـات الـكـون بــأول وتـالـي الـزيـن فيـهـا جـامـع احـلـى خصـالـه مـالاطـرا فــي بــال غـيــري وبـالــي في وصفها الجاهل يعشـق الجهالـه من خوف يخطي في وصوف الدلالي وفـي وصفهـا العاقـل تجيـه الهبـالـه ويحـتـار بـيــن الـواقـعـي والخـيـالـي بنـت لـيـا غــاب القـمـر هــي بـدالـه حـتـى لــو أن الـبـدر مـالــه بـدالــي تسـتـاهـل التـقـديـر بـنــت الاصـالــه غالـي ولجـلـه مـرخـص كــل غـالـي حـتـى الـغـزل فيـهـا قـصــار حـبـالـه يـقـول انــا مـعـذور يـاابــن الـحـلالـي هــذي تــرى للـزيـن صـــارت وكـالــه حتـى رقــت بالـزيـن روس المعـالـي عــز الله انـــي مااعـتـمـدت الاطـالــه لــكــن هــــذا يــاعـــرب مـاجــرالــي اهـتـز بـالـي عـقـب ذيــك الـرسـالـه حـتـى كتـبـت الـيـوم مــاذا طـرالــي
__________________
\7
|
|
#17
04-11-2010, 07:28 AM
|
||||
|
||||
|
رد: ديــوان الشاعر:ابراهيم السلمي
رحيل الشمس حزة رحيل الشمس وقت الحمارا في يوم جمعه والذنوب مغفوره منـهـا بـنـات الـفـكـر جـتـنـي حـيــار
ولسان شاعرها عجز عـن شعـوره يـوم اقبـلـت صـوبـي تـزاهـى تـمـار كــن الـبــدر فـــي وجنتـيـهـا بـنــوره تـمـايــل يـمـيــن وتـمـايــل يــســـار منها غصون الـورد صـارت غيـوره اليـا اسدلـت فـوق العيـون الخـمـارا تـلاعـب بقلـبـي كـمــا لـعــب كـــوره مــن حسنـهـا فيـهـا القصـايـد تـبـارا والفكـر وجِّــه صوبـهـا كــل امــوره يـاجـعـل تـفـداهـا الـبـنــات الــعــذار اللـي معاهـا الـزيـن يفـقـد حـضـوره قـلـبـي بـعـدهـا مـالــه ايـــة خــيــار الا الـصـبـرلاصـار فــاقــد ســــروره حـال الهـوى وانسـامـه الــي تــذارا والبـحـر وامـواجـه بـداخـل بـحــوره هــذا تــرى حـالـي بـعـد مـااسـتـدارا واقفـى وراح ولابـقـي مـنـه صــوره واخـذت انـاظـر طيـفـه الـلـي تــوار وكتبـت فيـه الشعـر باحلـى سطـوره وعزّمـت انـا واخـذت عهـد وقــرارا لاانسى المحبه والهوى في حضوره
__________________
\7
|
|
#18
04-18-2010, 05:53 PM
|
||||
|
||||
|
رد: ديــوان الشاعر:ابراهيم السلمي
ياصايد افكاري يالـيـل فـارقـنـي ويـمــم رحـالــك
يمـة عيـون الفجـر لرخـت هدبـهـا كم لي وانا ساهر نجومك لحالـك وانــا لحـالـي والنـجـوم احسبـهـا مالـي عشيـر الا ظلامـك ولا لــك غيرعشـيـر لــك دمـوعـه سكبـهـا يامـا ذرفـت دمـوع عينـي خـلالـك وسط الظلام الموحش ألي غلبها هـذا تـرى حالـي مـن اول هلالـك لتلـى الليـال ألـي ذبحنـي تعبهـا تعـبـت انــا يـازيـن انـاظـر خـيـالـك في غيبـة منكـم ولااعلـم سببهـا ابكي ليالـي وانـت تضحـك ليالـك حتى الليالي وجهـت لـي عتبهـا واشعلت نار الوجد واطلب وصالك لكـن صـرت بجـوف نـاري حطبـهـا عطنـي عـذر يازيـن يمنـع سؤالـك وشلـون روحـي ماتحقـق طلبـهـا وانــا الــذي يـازيـن درب المهـالـك لجلـك وطيتـه والصعـاب اغتصبهـا كم من زمان يمـر اداعـب جمالـك بابيـات شعـر خافقـي لـك كتبـهـا ياصايـد افكـاري قصـيـدي غـزالـك لامــرت الفـكـره جـمـالـك نهـبـهـا انـا الاسيـر الـي قصـيـده حـلالـك لامـن كتبهـا شاعـرك لـك نسبهـا لـكــن تـكـفـى لاتـقـصـر حـبـالــك عن وصـل روحٍ فيـك زايـد شغبهـا امـا تعـال وقـول روحـي فــدا لــك ولـى ارفـق بـروح جمالـك جذبهـا ولــى النـهـايـه لاتـزايــد جـدالــك عطني عهد روحـي تهـدي تعبهـا
__________________
\7
|
|
#19
04-23-2010, 02:49 PM
|
||||
|
||||
|
رد: ديــوان الشاعر:ابراهيم السلمي
العيون المظاليل
ياهاجسي لاهنت ود المراسيل هات العلوم وهات معك البشاره ماعادلي قوه ولاعادلي حيل والزين طال مع الحياه انتظاره صار السهر عادة عيوني مع الليل ليل عسى المولى يعجل نهاره ولاجا الصباح اشعلت نار المعاميل ودموع عيني تنهمر في غزاره العين مزنه والدموع الهماليل والفكر موج واظطرب في مساره عييت اسلي خاطري بالمواويل ولالي سوى ذكر الحبيب ودياره مافادني كثر الحكي والاقاويل طال انتظاري عقب صدر قراره عزم على فرقاي من دون تأجيل حسبي على قلبي وشين اختياره غرتني عيون الغنوج المظاليل انا اشهد ان الزين فيها خساره اخذت من درسي عبر للمقابيل والرجل ماتشبه يمينه يساره طال الزمن والفايده والمحاصيل جنيتها ودونتها في عباره الرجل مايتبع هل القال والقيل والي تبعهم راح عمره خساره
__________________
\7
|
|
#20
07-27-2010, 04:09 PM
|
||||
|
||||
|
رد: ديــوان الشاعر:ابراهيم السلمي
بركان القصايد هنا تبختـر يـا قلـم فـوق الاوراق
واكتـب معانـاة الحـدث بالدقيـقـه مادام انا سلطتـك لجـوف الاعمـاق وسط الحشا مثـل البحـور العميقـه الفكر نورك والمعانـي لـك تسـاق واللي معه نـوره مايجهـل طريقـه عبر عن احساسي وعن جرح الاشواق باحساس شاعر فيـه حـزنٍ وضيقـه انته لسـان الشاعـر اللـي ليـا راق يكتـب شعـوره للمـلا والخليـقـه شاعر وشعره راق لا اصحاب الاذواق بستان شعره يقطـف احلـى رحيقـه يقرا شعور الناس من كـل الاطبـاق ويراعـي شعـوره بقـول الحقيقـه احساسه الصادق مع النفس لا ضـاق يشـب بركـان القصايـد حريـقـه في داخله كـن المشاعـر لهـا سـاق تاقف معه مثـل الصديـق لصديقـه وتشرق على قلبه كما نور الاشـراق لا شع وقت الصبـح وسـط الحديقـه زحمة مشاعر بالحشا والحشا ضـاق منها عيـوني والمـدامـع غـريقه وش حيلة الولهان لا صـار مشتـاق اليـا تحمـل فـووق مـالا يطيقـه وانفاس شوقه كنهـا مـووس حـلاق اليا ازفرت جوف الضلـوع الرقيقـه ما للقـدر حيلـه وهـو لـم وفـرااق غير الصبر يااهل القلـوب العشيقـه والوقت ماله مع هل الطيـب ميثـاق حتـى لـو انـه غـر كـل الخليقـه
__________________
\7
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 05:49 PM.
