كل ما قلت العرب فيها المحنّك والعضيد

قصيده موضوعها خارج هذا المجلس الطّيب

[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
كل ماقلت العـرب فيهـا المحنّك والعضيد=بـان مـن يطّعـن طموحـي كلـهـا ويهـدّهـا
افزعو بالحل ياهل الحـل والـراي السديد=العـرب قامـت تضيّـع ويــن مــارد عـدّهـا
ون نظرنا مالقينا بينهـم عقـل(ن) رشيـد=كلبـوهـا دحّــدرت مــن بـعـد روّح جـدّهـا
الله انــه لايـعـيـدك يـازمــان(ن) ماتـفـيـد=جـات فيـك اجّيـال مقّـروده وبـارد خـدّهـا
كنـهـا للـكـبـد عـلّــه مـاوراهــا مسّتـفـيـد=الحقايـق تجّبـر العـيـن الـصـدوق تعـدّهـا
مايعرّف الطلّع غير اللي مضرّى بالهديـد=والثقيله لا ارّتمت فـوق الحمـول يصدّهـا
الجويد اللي سلايل من سلايل مـن جويـد=والوجيـه الثانـيـه نـاظـر عليـهـا وعـدّهـا
يخّزي الله جلّ وجهه كل شيطان(ن) مريد=عـالـم الـلــي بالـنـوايـا قـبــل ماتـرّتـدّهـا
والله اني لا أفّتـل القـاف المحكّـم والفريـد=ون فتلّتـه كـل عيـن تشـوف قافـي شدّهـا
فيك ياللي في ضميرك شايل العلّم اللهيـد=ماعلـى بقّـعـا حسـافـه لــو يبـيّـح سـدّهـا
الليالـي لـو تعاقـب مالهـا عمـر(ن) مديـد=حدّهـا تاقـف علـيـه وينّقـلـب لــك حـدّهـا
دام فيك النصّح والتوجيـــه كلـــه مايفيـد=مابقـــى الا . كيت(ن) بين العيون نقدّها
البـلاده طبـع يبقـى دوم فالــراس البلـيـد=والنصيحـه مــن يبيـهـا لا لـفّـت مـاردّهـا
من يجيب اللي تغـثّ الكبـد جعلـه مايزيـد=والرشيـــد اللـــي عيونه للجزيـلـه لـدّهـا
يامـدور للسـعـاده دوم والـحـضّ السعـيـد=الثمينه بـــــدها عـــــن ماســـواها بدّهــا
خلّ عنك الاصتـدام وعـن طريقـك لاتحيـد=انتـبـه جـــزّر اللـيـالـي مـايـعـادل مـدّهــا
لايغرك وضّع راسك منت رجال(ن) شديد=لو تناطح روس بعض الروس منته قدّها[/poem]