#171
|
||||
|
||||
رد: ديوان الشاعر حمدان بن عامر الشكري (ابن مقحــص)
( يابوي )
يابوي فيّ أطعون برماح وحراب عيت تطيب وصعب فيها الطبابه يابوي بعدك صارت همومي أسراب اللي لجا فالقلب واللي سرى به يابوي صدر أبنك من الهم مرتاب مما جراله في زمانه وصابه يابوي ماعاد الزمن يعرف أقراب وأكثر طعوني من يدين القرابه يابوي صرنا اقطاع واوصال واحزاب كلن على اللي منه صوب حرابه يابوي لو صاح الزمن ضيق وعتاب ما احدٍ سمع صوته ولا أحدٍ درابه يابوي من جور الزمن صرت منصاب حتى توشحت 00 الألم والكآبه يابوي صار الصدق في وجه كذاب حتى على سطح البسيطه رسى به يابوي كل الظن في عالمي خاب وكلٍ على ليلاه جر الربابه يابوي عذراً واكثر الناس نصاب وراع الوفاء والطيب طيبه غدى به يابوي نغضي ونتسامح بلاحساب ونفك باب الوصل ويِصْك بابه يابوي راح الطيب سطرين بكتاب واللي قراها مافهم للكتابه يابوي مادام الجفا ماله اسباب أنا استخير الله وارجي ثوابه يابوي ناقوس الخطر دق الابواب والصدر ضاعت به رموز الخطابه والوقت يركيني على نار مشهاب حتى وسم في وسط قلبي شهابه يابوي لاتنشد عن أحضور وغياب اللي غدا ماعاد يحسب حسابه يابوي ماعدنا مواليف واحباب حتى وجيه الخلق صارت تشابه يابوي صبري والحكي داخلي ذاب ذوب الحديد اللي على النار ذابه يابوي مابه فالزمن ربع واصحاب والوقت كشر لي بضرسه ونابه يابوي أنا صامد ولازلت ما اهاب الا من اللي كل خلقه تهابه يابوي شكوايه على رب الارباب اللي خلقنا و نندفن في ترابه حمدان ابن مقحص التعديل الأخير تم بواسطة حمدان بن مقحص ; 11-20-2015 الساعة 12:43 AM |
#172
|
||||
|
||||
رد: ديوان الشاعر حمدان بن عامر الشكري (ابن مقحــص)
( لاتهقوى )
لاتهقوى0بالردي 0والخبل 0والنذل0الذليل الهقاوي في كماهم ضايعه ياابن الحلال ولاتدور0للعطاء 0والبذل0من0يد 0البخيل القناعه0 كنز0تبقى 0والكرامه0راس0مال ولاتعزوى في ضعيف الحيل مشقوق الصميل العزاوي في رجال0العرف0وافين0 الخصال ولاتدور0 للجمايل 0عند 0منان 0الجميل الجمايل كايده تصعب على بعض الرجال ولاترافقلك 0جبان 0ولاتخاويلك 0هبيل رافق وخاو الرجال اللي يحملون الثقال ولاتخاطب0جاهلٍ 0ماعنده 0ألا قال0قيل ولاتعلق0شرهتك0في0واحدٍ0رمث 0الحبال ولاتدرى0في0رفيقٍ0للعدو0صاير 0عميل جنبه. لعل ما يكثر كماه من العيال ولاتدني هامتك ألا لمولاك الجليل الله اللي يقضي الحاجات في عسر الليال والمواقف0والليالي 0درسها0مع0كل0جيل يفهمه من يفمه في كل وقت وكل حال |
#173
|
||||
|
||||
رد: ديوان الشاعر حمدان بن عامر الشكري (ابن مقحــص)
( بوح)
ودي اعبرلك عن اللي فالضمير وابوح لك باللي يكنه خاطري لنك مثل ظلي معي دايم تسير وغلاك في قلبي وذكرك عاطري أغليك واقدرك 00 واحبك كثير والدمع في غيبتك مثل الماطري انساك واتنساك لايمكن يصير أشتاقلك لك واغير لاسمك لاطري انت ألأمل والشوق والحلم الكبير والشوق لك والقلب دايم ناطري صدقني لك وحشه وأنا عندك أسير وانت تعرف اللي يدور بخاطري |
#174
|
||||
|
||||
رد: ديوان الشاعر حمدان بن عامر الشكري (ابن مقحــص)
سو الجميل ولاتضيع الجمايل
وازرع وتحصد مابذرت وزرعته وابذل لفعل الطيب كل الوسايل واعرض عن الهرج الردي لوسمعته |
#175
|
||||
|
||||
رد: ديوان الشاعر حمدان بن عامر الشكري (ابن مقحــص)
إنكان جالك من زمانك غرابيل
والمال قصر معك والحظ مايل كثير غيرك قد حصله بهاذيل وذاق الامرين بحرور القوايل لاتحسب الايام دايم تساهيل كم واحدٍ منها مضاله غلايل |
#176
|
||||
|
||||
رد: ديوان الشاعر حمدان بن عامر الشكري (ابن مقحــص)
لاتجعل النفس للاوهام منكسره
ولاتبني من التعاسه قصر لاوهامك ولاتلحق اللي مضى ندامه وحسره انظر لقدام في مستقبل ايامك خلك مع الوقت في لينه وفي عسره وارفع على الساريه بالطيّب أعلامك والود لأهل الوفا لاينهدم جسره ولاتستمع في كلام اللي بهم لامك ولاتجر صوتك مع اهل الدان والكسرة ترى الليالي تبين منهم حزامك ولاتقول كسر الزمن ماينجبر كسره ترى العفو والتسامح تبري آلامك ولانجعل النفس للأوهام منكسره وتضيع بين المتاهات أكثر أحلامك ابن مقحص |
#177
|
||||
|
||||
رد: ديوان الشاعر حمدان بن عامر الشكري (ابن مقحــص)
( طال الأمل )
طال الأمل واستيقظ الجرح فيني وارسلت لعيون المواصل مناديب وطالت بي الوقفه وطالت سنيني وتاهت بي الخطوه بروس المراقيب حاولت أقرّب والحزن يعتريني وارسل حمامه للسلام ومكاتيب وحاولت افسر كل حلمٍ يجيني والدمع ليله يوقد الشوق ويغيب وحاولت اولع شمع صبحه يبيني وازرع أمل بين الضلوع المحاديب وحاولت أسافر بين صمت وأنيني واعدل بوجه الزمان ألأساليب واقول لطعون الزمن ريحيني دام الوفاء مفقود بين ألاصاحيب وانادي أشعوري واقول أسمعيني كافي عذاب وظلم زايد وتأنيب لاتجرحين أعيوني وتجرحيني دام الامل حلمٍ طوته المكاتيب ابن مقحص |
#178
|
||||
|
||||
رد: ديوان الشاعر حمدان بن عامر الشكري (ابن مقحــص)
(ياالخميني)
ياالخميني لاتشدق بالكلام والله إنا بالفعايل طايلين من بغاها سلم يبشر بالسلام ومن بغاها حرب حنا جاهزين الملك يأمر وحنا له حزام نتكل بالله وبالله نستعين حكم حد الله تنفيذ الحسام حسب شرعه والقضاه منفذين العهود لخادم البيت الحرام الحكيم اللي لقوله طايعين المليك اللي لشرع الله أقام واستمد العون بالله المعين يامليك العُرب يالرجل الهمام سم ياسلمان وإحنا حاضرين كلنا دون الوطن صفٍ أمام شعب واحد دين واحد مسلمين لانصيريه ولاشيعة إمام ولامجوسيه ولارهبان دين ولا ولايه للفقيه إبن اللئام الولا لله رب العالمين الإله اللي خلق كل ألانام واحدٍ له راكعين وساجدين الوحيد اللي عيونه ماتنام عالمٍ بالخائنين الماكرين نعتصمبه من فعول اهل الحرام ونحتميبه من شرور الكايدين حمدان بن مقحص |
#179
|
||||
|
||||
رد: ديوان الشاعر حمدان بن عامر الشكري (ابن مقحــص)
( بترجي )
تقول كافي عليكم تتعب الدوله خمسين عامٍ وهي تتعب وتعطيكم شعبٍ مدلع ولاتعرف وش اوصوله وانت عطاك البلد خيرٍ مغطيكم كنك حكمت البلد والشعب من حوله من وين ماحطت الارض بمساعيكم ماتدري إنه ذراك ودرع بفعوله يحمى الوطن من عدو الله ويحميكم سم يابترجي وقول اللي تبا تقوله دامك بحكم الزمان اللي مذريكم حنا على الحد جندٍ نكسب الجوله ولا فيه يومٍ سمعنا ذكر طاريكم قصوركم دونكم بالقفل مقفوله عن الشظايا وموت الحرب تؤويكم وحنا لصد العدا ذرعان مفتوله كل يوم فينا شهيد يموت يحميكم تنبيك الايام عن قولك ومحصوله لامن سود الليالي ولعت فيكم للدوله حقوق وإلنا حق بالدوله لاكثر الله خيرك في مساعيكم والحكم لله وآل سعود مسؤوله ماأحدٍ بحاجة نصايح من معاليكم حمدان ابن مقحص |
#180
|
||||
|
||||
رد: ديوان الشاعر حمدان بن عامر الشكري (ابن مقحــص)
(حسن نصر الله )
يامدعي الاسلام كذاب كذاب والله ماانت ياحسن ناصر الدين تقتل هل السنه بلاذنب واسباب وتولع الفتنه مابين المسلمين محتال ومنافق وخاين ونصاب وتقول انا ناوي احرر فلسطين للفرس والماجوس خادم وبواب واداه في ايدين اليهود الملاعين الحزب جمعته مليشا للارهاب ماهو بحزب الله حزب الشياطين في خاصرة كل العرب صرتوا أحراب خنتوا عروبتكم والاسلام والدين |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|