ياهجوسي ولمي

ياهجوسي والمي جزل الكلام
وتركي منه الردي واللي هزيل

تسلمين من المعاتب والمــلام
يوم بعـض الناس نسايت جميل

من شــرى له علةٍ من حر مال
الحذر من شريةٍ في جوف ليل

والله إن النور يجلاه الظـــــلام
والمصافا يشفي القلب العليل

لاتجادلني وتكثر فالجـــــدال
الرفيق لياء نصـــح ظلٍ ظليل

مانقول إنا تســـيدنا الكمــــال
كل راعي دلو في جنبه صميل

ناس تدمح صبرها صبرالجمال
وناس ماتبعـــد مثل عدٍ ضحيل

الجمال اللي يُشد بها الرحال
ماتوانا لو طال إبها الرحيــــل

والرجال انواع لو قلنا رجـــــال
الرجل مطنوخ لو جسمه نحيل

لاتحاقرهم وتنطح لك جبــال
ماتحاقرهم يكود اللي هبيـل

والذهب ماهو مثل صفرالريال
ماتقارن لو تقارن مســــتحيل

والحقيقـــــــه ماتزعل لوتقال
والمداهن فيه ظلم وفيه ميل

وياالله إنك لاتحملنا الثقـــــــال
يوم مانلقى عن الطرقه محيل

جيت بالموجز بعد جالي مجال
واعذرونا إن كان ماجبنا الحصيل

نفاع الربيقي السلمي