محاورة القلم - زرياب ( جديد)

القلم

سلام والمعنى على المقصود
يوم الخبر يحكي به الراوي


الله عطاكم فزعة ابن اسعود
والا الكويتي راح بصراوي

زرياب

يامرحبا ماذعذع امن النود******
ساعه ونعرف منهو الغاوي


الله عطانا والله المعبود
ما للغنم منّه على الشاوي

القلم

دام البقا ياناقلين الزود
مير الجبل ذيبه ترا عاوي

لن روحت حاوي ويامردود
حذرا تطيح الا انت متساوي

زرياب

ياضلع وش حطك بجنب الطود
جابك بجنبه حظك الثاوي

ان رحت والا جيت يا مقرود
اجرح كبود الناس و اداوي

القلم

الطود من عام اولا مهدود
جاء له نجم والطود متهاوي

فرش الكرامه قدمكم ممدود
والي نوا ياويش هو ناوي

زرياب

شرّك قديم وتجحد الموجود
العين تنظر والعقل خاوي

البيت واحد والبرا مردود
تسرح وترجع يمنّا ضاوي

القلم
زرياب وش بك وضعكم مشدود
اكيد شربك صار زحلاوي

سلم على الي هو وريث الجود
خل الزوايا تنفع الزاوي

زرياب

اثرك خبير بمصنع النمرود
تشرب وترقص رقص جداوي

العام يومنك تجي مطرود
ما رد حكمك غير شرقاوي

ههههههههههههههه

يالقلم انت شاعر قوي وعنيف

وزرياب ملقوف ولا وش ورطه

تحيتي لك

محاوره قويه ومن العيار الثقيل بعد
مشكور اخوي ع نقلهاا

محاوره قمه وشعراء قمه


بيض الله وجيهكم وصحت الالسن

دمتم بود

مشعل شكرا ع المرور الطيب

شيهانه شكرا ع الاطراء الطيب ولاهنتِ ع المرور

نواف شهاده طيبه من راعي الطيب

ولاهنت ع المرور