|
#1
11-21-2014, 05:16 PM
|
||||
|
||||
المناجاه
السلام عليكم ورحمة الله وبركاته
اسعد الله اوقاتكم بكل خير من جديد نعود لكم بهذه القصيدة التي تحكي حروفها عن الكثير والكثير والذي ستجدونه بين ثنايا ابياتها الله من دنيا العنا والمعاناه اللي بها الانسان تكثر عناته يعيش طول العمر في فخ دنياه سن الطفوله مثل تالي حياته باول حياته عجز . ياضعف مبداه ما تحمله رجله ليلبس حذاته يبدا ضعيف وكل شيٍ ما يقواه شوف الطفل لولا هله وش حالاته واخر حياته عجز . ويردد الاآآآه يصعب على يمناه ترفع عباته مسكين يالانسان في كل ما جاه من مولده يالين حزة مماته ما تنفعه دنيا ولا ينفعه جاه ولا ينفعه طول الامل في غناته والمال ما ينفع ليا صار مجناه ماهو حلال ولا يطلع زكاته كثر الولد والاهل وقصور تزهاه وابوه وامه واخوته مع خواته ما ينفعونه كان قدم لمثواه ولاهم من اللي يشفعون بنجاته العبد ماله غير ما اخفت نواياه ولا به عمل يسوى صلاته صلاته يالعبد جدد توبتك واطلب الله قبل الوعد يدرك حزة وفاته اطلب عفو ربك وسارع بنجواه تزود من الخير واحذر فواته رطب لسانك بالذكر والمناجاه والقلب بالترتيل تجمع شتاته واعرف ترى الطاعات دايم بالاكراه اكسر هوى نفسك لا تتبع خطاته اصبر على الطاعه لك الاجر تلقاه واحذر دروب الذنب واحذر دعاته المعصيه ودروبها دوم مشهاه والادمي يتبع هواه ومناته ترى الهوى للعبد هو راس بلواه يوٌرده درب النكد والشماته هذي نصيحة جات والخط تقراه ياللي قريت الخط تحفظ وصاته من شاعر ما جات بالكيف دنياه لكن عسى الله ينفعه في صلاته وسلامتكم اخوكم / ابراهيم السلمي (صقر النوادر)
__________________
\7
|
«
الموضوع السابق
|
الموضوع التالي
»
العرض الشجري
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 10:58 AM.
