أخلاقهم دمثة

بسم الله الرحمن الرحيم

لا أعلم من أين أبدأ ولكن تقبلوها كما هي ، وهي نصيحة أخوية

يالله ياخالق عبادك من الطين
ادمح لنا الزلات واغفر ذنوبي
دنيا دنية تجمع الزين والشين
والشر فيها صار وسط الجيوبي
يازين رفقة كلبوهم على الدين
مانجني منهم غير زين الدروبي
اما حديث المصطفى والنبيين
والا الصحابة فعلهم مايروبي
أخلاقهم دمثة وطبع الميامين
مايذكرون اللي رحل بالعيوبي
واللي يدور قول ياليل ياعين
والا على سفرات وخد رعبوبي
سهل الملاقى عند ناس(ن) مقفين
مايعرفون الشرق حين الغروبي
تخيل إن الموت ياتيك ذالحين
وتفارق الاحباب وأجمل عذوبي
مكان نومك متر واحد في مترين
تحت الثرى مافيه نسمة هبوبي

دنيا دنية تجمع الزين والشين
... و الشر فيها صار وسط الجيوبي

يازين رفقة كلبوهم على الدين
... ما نجني منهم غير زين الدروبي

/

ما شاء الله تباركـ الله
صح لسانكـ و إعتلا شأنكـ و سلمت يمينكـ و الدسم حناها
نصيحة معبرة و أبيات جميلة تمنيت أني قائلها
الله يجزاكـ خير يا عبدالصمد
في إنتظار جديدكـ
حفظكـ الله و رعاكـ

واللي يدور قول ياليل ياعين
والا على سفرات وخد رعبوبي
سهل الملاقى عند ناس(ن) مقفين
مايعرفون الشرق حين الغروبي

انا اشهد وبيض الله وجهك ياعبدالصمد

مكان نومك متر واحد في مترين
تحت الثرى مافيه نسمة هبوبي

بيت عن قصيدة كاملة .. صح السانك ياحجيري ولاهنت على النصيحة الله يجعلها بميزان أعمالك الطيبة

\7

صح لسانك
ابيض وجه

كفو

الاخ المشرف \ عبدالصمد الحجيري



صح لسانك وسلم بنانك


على هذه القصيده الرائعه


التي تحمل بين طيتها


النصح والارشاد

سلم بنانك

وجزاك الله خير

الله الله الله

ماهذا ياهذا

كتبت واحدة من أجمل ما قرأت

اهنيئك على هذا النص قصيدة محكمة وابيات لا يجيد صياغتها الا الكبار مثلك وشرواك

بيض الله وجهك ياعبد الصمد

وصح لسانك وسلم منطوقك

تقبل مروري وتقديري واحترامي

منتظرين جديدك بشغف

قصيده جزله بيض الله وجهك وصح لسانك والله المستعان على هالوقت وصفته