( حمس كبدي حمس حب البن بالمحماسي )

#1 11-02-2008, 03:35 PM

\7

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
بين حرمان الوصال وغيبته وحضوره=عشت عمري في كنف مر الزمان القاسي
كيف اجاهد لي همومٍ بالحشا محشورة=كل ماساد الظلام وروّح النسناسي
جعل عيني من تدفق دمعها مآجورة=العنا مرخي هدبها والجفن حساسي
ياوجود وجد من ضيّق ودق بزوره=وحمس كبدي حمس حب البن بالمحماسي
عاشقٍ لي درةٍ بين الدرر مغمورة=درةٍ يتعب لها السباح والغطاسي
عن سواها لو تشابهها بصوت وصورة=ما إنفتح قلبي لها بالود والإحساسي
كن نفسي في هوى عذب اللما مأسورة=كل ماطالت بها الغيبة تضيق انفاسي
ماهقيت ان الهوى له دورتين ودورة=لين ضاعت شرهة المنسي على المتناسي
علموها لاتعني ساقي المكسورة=في دروبٍ تهلك المشاي والعساسي
جعل دارة من هماليل الحيا ممطورة=واحدٍ خلا الحلوق بغيبته يبّاسي
أح من حر الفراق ولو بأخط سطورة=يحترق منه القلم والكف والقرطاسي[/poem]

\7

#2 11-02-2008, 05:15 PM

\7

#3 11-02-2008, 07:36 PM

اللهم صلي على محمد

صح لسانك يافهد سلمت ودمت

على الجزاله

قصيده في غاية الجزاله

لك كل الود والتقدير

علي الزعبي

#4 11-02-2008, 11:11 PM

ابن العم الشاعر فهد ... قصيده فاخره

ابداع معاني و مباني ... إحساس شاعر من طراز رفيع

صح لسانك و علا شأنك

تحياتي

#5 11-03-2008, 03:02 AM

تسلم يافهد والله العظيم جزاله وسبك وحبك للقافيه
هكذا رجال بني سليم
دامت ايامك عامرة بالمسرات

#6 11-03-2008, 03:31 AM

أحسن قافين عجبتني,,,,,,,,

عاشقٍ لـي درةٍ بيـن الـدرر مغمـورة
درةٍ يتعـب لهـا السبـاح والغطـاسـي
عن سواها لو تشابهها بصوت وصـورة
ما إنفتح قلبي لهـا بالـود والإحساسـي

مشكور ياخوي فهد على القصيده الرائعه والجزله,,,,,,,,

تقبل مروري(ابوطلق)