من قال أنا أبخص

من قال أنا أبخص
قصيدة للأستاذ مقبول مبارك العرابي 19-12-1435هـ
1- لا شيً في شيً والا شيً في لا شيً = الناتج الصفر يا من قلت أنا الأبخص
2- أعمى ومغرور في هذي وفي هذي = من دون في دون تبغى الزود بالناقص
3- ليلك تشوفه نهار ولا تحب الضي = والجدي وسهيل من حالتك متنغص
4- لا شور يقبل ولا لك حول حيًك فيً = وتصيح وانته على هد البنا ترقص
5- الله كم حيً ميًت يحسب إنه حيً = ويقول مافيه مثلي فالعوارف خص
6- ليته تمعن بحاله والحياة شْويً = ومْن العبر من جميع عْيوبه تخلًص
7- ماعضْو بالجسم يبقى دون الأعضا حي = والجسم لو به مرض لابد ما يفحص
8- وإن كان ماطاب عضْو آخر دواه الكي = وإن طاب يامرحبا وإن دب داه يْقص
9- والصقر من دون جنحان وبصر لا شيً = وكف(ن)بليا الأصابع كيف ماترخص
10- وخْيال مافيه أنانية وأخو ووْخي = غيثه يغيث وعليه النومسي يحرص
11- وضلع(ن) بساير شعابه .حي سيله حي = فيض(ن)دياره وعزه زاد ماينقص
12- والختم حتى الملك ياعايش(ن)فالغيً = في كل شي له مستشار بشي متخصص