فرحة زماني

مساء / صباح

الخيرات


قصيدتين متواضعه

يسوقني في بحـر حُبك شراعي
... وأنظـر لشاطي فرحتي و المواني

أنتي قريـبه وألا أنـا في ضياعي ؟
... يافرحةٍ مآ ذقتهآ في زماني



غبتي .. وزآدت لوعتك و إلتياعي
.. يمكن لأن الوقت منك خذاني !




وجيت .. أكسر الوقت وعليك إندفاعي
.. تشتالني يمك عروق المحاني


حطي بقآيــا لوعتك في ذرآعي !
.. أنا عشآن أشيلها جيت ... عاني


جرحٍ تجدد في محطة / وداعي
.. لآ تلحقينه يا (. . .) جرح ثاني


في غيبتك مآ لـ للحزن فيك دآعي
.. أنا عليّ أحزنّ بدالك و أعاني


صرخة حنينك~ صوتها فـ إستماعي
.. و أسمع صدآها في جميع الأغاني

عليك جنّ الشوق بـ إحساس واعي
.. و ذكرآك في كُل الصور والمباني


جيتك ضمآ .. كلّي شقآ وإرتياعي
.. دلّـي على مـيّ الغرآم السوآني !

أسقي خفوقي من غرامك ورآعي
... أنتي أمل عمرٍ مع الوقت فاني !

جيتك بـ أماني كُل الأحباب.. ساعي
... ورحتي وراحت معك كُل الأماني



الاخرى ..


في عيونك ليل وبـ وجهك نهار
تُشعر الأنظار بـ إحساس العجب

كل شيءٍ من طرف عينك يغار
مِثل ما كحلك يغار من الهدب

ياصباح العيد بـ عيون الصغار
يا لحون النود بـ إحساس الطرب

فِتنتك .. ترسم على الأرض الدمار
لو مطاليعك على حشمة وأدب

حسنك الطاغي .. حكاية بـ إختصار
تروي الأشواق لـ قلوب العرب

نورك الوهاج مِن تحت الخمار
عن فسوح العشق يبطي ما غرب

ونارك اللي دآخلي تقدح شرار
جمرها ( غيبتك ) وأشواقي ( لهب )




نرجوا العذر على قلت المشاركه يا اخوان لعدم التفرغ

علي الدملوكي

قصيدتان جميلتان لا فض فوك

حياك الله ياشاعر علي السلمي
وصح الله لسانك وبيض الله وجهك قصيدتان
رائعتان من شاعر جزل ومن أهل الشعر
وياليت أخرت القصيده الثانيه
لوقت لاحق حتى نستمتع
بها على حده
عموما صح
لسانك
وسلمت

صح لسانك أخي على السلمي على هاتين القصيدتين شاعر جزل
لاعدمنااااااك

صح لسااانك وسلم بنانك

علي طولت الغياب وجيت بالجزل الثمين
ومثل ما قال المثل .....

كان بودي ان اتيت بقصيدة واحدة وتركت الثانية واتيت بها فيما بعد

ولكن .... اجبرك على الكاش

ولكنه كاش جميل ومنتدى القبيلة يستاهل كل جميل

اخي علي نحن بأنتظار جديدك

لاعدمناااااك

ونارك اللي دآخلي تقدح شرار
جمرها ( غيبتك ) وأشواقي ( لهب )
.
صح لسانك

الشاعر

علي الدملوكي

بيض الله وجهك مرتين على القصيدتين

\7