بـــــــــــوح شـــــــــــــــــــاعر

بسم الله الرحمن الرحيم

[poem=font="simplified arabic,6,blue,normal,normal" bkcolor="burlywood" bkimage="" border="double,5,sienna" type=2 line=1 align=center use=sp num="0,black""]
في ليلة قمرا بها الجو دافي=والكيف قندته على شبة النار
في حزة اللي من سلى الهم غافي=أطلقت أنا بيديّ عنان الافكار
وراحت تجوب بكل قَفر وفيافي=وجتني بذكر اللي له سنين مازار
قالت لقيته فالسنين العجافي=اللي تسميها لك اليوم تذكار
قلت رحّبو باللي على الفكر لافي=ضيفٍ ولو ماشوفه بعين الابصار
في ليلة حلوه حلاها خُرافي=أشب له نار الفكر وأنظم أشعار
اليوم في وقتٍ به ألامن ظافي=راحت بفضل الله معه كل ألاخطار
كلٍ يقول أنا الوحيد السنافي=اللي يقود بمفرده جيش جرّار
والناس عنده ماعليها حسافي=من خالفه بالراي مثل العدو صار
يصيح لويمشي على الارض حافي=ويدسّ راسه لويجي عجّ وغبار
في نظرته كل الشواطئ مرافي=وكل الشجر ينبت رياحين وأزهار
ما أطلقت أنا ألاحكام هذي جِزافي=جربت كل الناس صافي وغدّار
وأعرف حزّة موقفي وإنصرافي=وعلى مقادير الزمن دوم صبّار
واقنع ولو رزقي بيومي كفافي=وأموت أنا ماتبع مقفي بالانظار
ولازعل ليا طار القطا من ظفافي=يرده لي صوت الثميدي ليا ثار
ماقل دل ولوّ ماشاب قافي=أخذ الكلام اللي تحطه لك شعار
إحذر يجي قولك لفعلك منافي=ويطيح قدرك عند وافين ألاشبار
ولاكل وقتك يارفيقي عوافي=ترى الحلا دايم يجي بعده أمرار
ودعت ظيفي بعد ماقال كافي=هذا الكلام اللي عليه أكتب إقرار
وصلاة ربي اللي عليها إعترافي=على محمد خير من بالقدم سار[/poem]

وســــــــــــــــــــــلامتكم

الشاعر /المعتصم بالله


صح لسانك مليــــــــــــــــــــــوووون على هذه القصيده الرائعه


وأنا أيظا أكتب إقرار أخر مع ظيفك على صحة ومصداقية ماذكرت


(من وجهة نظري الشخصيه ) واتمنى أن يكثر هذا الظيف لك بالزياره



حتى تتحفنا دوما بجديدك .

عـــــــــــــــــــــــــــادل المحمــــــــــــــــــــــــــــدي

اخوي المعتصم يعطيك العافيه على القصيده


هناك خلل في الوزن في بعض الابيات

القصيده في مجملها جيده


تحياتي لك




من هنا



عاسف المهره

الاخ العزيز/ عادل المحمدي


صح بدنك يااخي وأشكر لك مرورك الجميل وكلماتك الاجمل وأنا احد أعظاء هذا المنتدى الشامخ


أسعى مع غيري لتقديم الجديد الذي يليق بذوق القراء الكرام .



ودمت سالما



أخوك / المعتصم بالله

أخي المعتصم صح لسانك على هذه القصيده الجميله من شاعر مبدع
تحياتي لك

أخي الشاعر / إبراهيم النقريني



أشكر لك مرورك الجميل وأشكر لك ملاحظتك ولو أنني أخالفك الرأي



وأرجو منك التجاوب معي عن طريق الخاص للفائده لاأكثر



اكرر لك شكري .ودمت بخير



المعتصم بالله

بنـــــــــــــــــــــدر آل عريفــــــــــــــــــــــان


صح بدنك ياأخي بندر ولك مني جزيل الشكر على مرورك وعباراتك التي أفتخر بها


ولك مني كل الشكر . ودمت سالما



المعتصم بالله

الشــــــــــاعر/ المعتصم بالله


صح لسانك على هذه القصيده والتي صورة لنا فيها كيف يتفاعل الشاعر مع أفكاره التي تستدعي له

في لحظه من اللحظات شخصيه معينه من غياهب السنين ويتفاعل معها الشاعر على أنها شخصيه

حقيقيه ماثلة أمامه إبتداءاً بالترحيب بها ومروراً على تصوير الواقع الذي نعيشه في هذا الزمن وبيان

تأثيره على مفاهيم الجيل الحالي والانتقال بعد ذلك للنصح الجميل من واقع التجربه والمعايشه وانتهاءاً

بالوصول بهذه الشخصيه الزائره الى الاتفاق على مادار من حوار ومن ثم الوداع .

إن هذا السرد القصصي يدل على شعريه فذه أحسنت التعامل والتصوير الدقيق للمتلقي .

إن ماذكرت يعبر عن رأيي الشخصي واعذرني على ألإطاله


أحمد السلمي

صح لسانك
يعطيك العافيه على هذا النص الرائع

تقبل مروري
حبيب القايدي

الشاعر المعتصم بالله

صح لسانك وبيض الله وجهك

أوافق أخي إبراهيم النقريني في الملاحظة التي ذكرها

ولكن تبقى القصيده جميله في مجملها

تقبل مروري