جاوب معك تحقيق

معك تحقيق
جـــــــاوب معك تحقيق فيه اتهمنــاك ----- أنـك خطير ومنـك نبغــا الأفــــــــاده؟
صحيح في طبعك تجـــلى مزايــــــاك ----- صحيح ولا منـــــك نطلب شهـــــاده؟
هل تستحق من الوفاء كل ما جــــــاك ----- ولا بعـــــــــد تستأهل أعطي زيــاده؟
هل كل ما قدمت لجلك ولرضـــــــاك ----- قليل ما حــــــــــقق لمثلك مـــــراده؟
أبـا أســألك وشلون أبعرف نوايـــــاك ----- هـي حب ولا كـــــره ولا قـــــراده؟
عمرك نويت أخــــلاص للي تمنـــاك ----- ولا أنت تعرف بس خــــط العنـــاده؟
وشلون عيت نظـــــرتي لا تعـــــداك ----- ملكتني في شي صعب استعـــــــاده؟
أبا أسالك وأصدق معي لا عدمنــــاك ----- ولا يــلام المـــرء بعـــد اجتهـــــاده؟
هل فيك عن باق البشر شي يزهـــاك ----- ولعت قلـــــبي فيــك والحـــب زاده؟
لو قلت لـك عمري من اليــوم يفـداك ----- تفرح وتستأنس وترقص سعـــــــاده؟
تقـدر تخلينـي علـى طـــول وإيــــاك ----- ولا تخليـــني مــن الحب ســـــــاده؟
لوا جت لك الدنيــا على كف يمنـــاك ----- هـل تشتري ولا تبيــع الســــــــعاده؟
كيف أقدرأتحمل قسا الوقت وأنســاك ----- وعــيش من غيرك وحيــد الو سـاده؟
كيف الزمن والعين والنفس تنســـــاك ----- وأنت الذي بالقلب تم اعتمـــــــــــاده
أنت الذي بعنـا البشر واشترينـــــــاك ----- تذكر متى في ليـــل صعب رقـــــاده
الله مكبر حضنــا يـوم جبنــــــــــــاك ----- رائع وتستأهل وسام ألقيــــــــــــــاده
في ذمـة التحقيق محـد أيتحـــــــــداك ----- حـايز على نوط الشرف والريـــــاده