ـــــــــــــــــ { بعد غياب !!

ـــــــــــــــــ ،،بعد غياب { !!


جسّ نبض الباب قبل الطرقتين .. وجسّ لوحـه
قال يا كثر اليدين اللـي تقـول الـدار خالـي،،

ما صحا فالباب .. بعد الطرقتيـن إلا الملوحـه
والغبار اللي على الدرفه حثـا وجـه الليالـي،،

صاح ياهل الدار.. وأشعل فـ الفراغ الشرس بوحه
وانمحى في دمعتين وحس شي مـن التعالـي ،،

في يدينه كان مفتـاح الغيـاب يشـد روحـه
للغبار وخندق الجـدران حـول البـاب عالـي ،،

قال غاب الدار مدري غاب عني في وضوحـه
هو أنا اللي جيت صوب الدار وإلا الـدار جالـي ؟!

والغبار اللي على المدخل تقضّب فـي جروحـه
ما لفيت إلا علـى ريـح تـذرّه فـي سؤالـي ،،

أسمع أيام تردد مـن ورى البـاب السموحـه
ما نعرفك .. من تكون .. وليش ثاير وانفعالـي؟!

كم ذبل فالروح نجم وضاقت النفـس الطموحـه
والحياة اللي طوتك هنـاك صلفـه مـا تبالـي ،،

وانمحت فيك الدروب وصارت الخطوة شحوحـه
وجيت لا حادي ولا خيـّال ، مَظْهَـْرك ارتجالـي ،،

هزّ راسه في برود وصمت و أوغل في نزوحـه
قال يلقى الـدار بعـد الطرقتيـن أحـدٍ بدالـي ،،

كان وجه الباب راكد مـا عليـه إلا الملوحـه
والغبار اللي على الدرفه يقـول الـدار خاااالـي .


للشآعر :عوَّاض العصيمي .

.

صح الله لسآن الشآعر
قصيدة بمنطوق حزين
تألق ~ في الأنتقاء
سلمتي على الطرح المييز

\7

صح الله لسان الشاعر وتشكري على الاختيار

تحيتي

صح لسان الشاعر
ويعطيك العافيه يا سحآبه على الانتقاء

سحآبة ..كوردة لآ تعطي إلآ عطراً..

مميزة

دمتِ

\

صح لساان الشاعر ابيات جمييله وكلماات اجمل وأرقى

من ذوقك سحابه على الطرح الرائع ,, فلا أروع من الشعر



جوليآن

\7

يعطيكِ العافيه وبيض الله وجهكي. شـكــ وبارك الله فيك ـــرا لك ... لك مني أجمل تحية .

صح لسان الشاعر وسلمت ع النقل الجميل

اجمل تحية