واقع شباب وبنات ...

بصراحة جاني ايميل ومرة عجبني وحبيت انقله لكم
هو عبارة عن كلام كتبه واحد عاش واقع شباب وبنات جدة
ولمست شيء من الحقيقة في كلامو لأني شايفة الواقع هدا قدامي
كلام بسيط بس رااااااائع

كيف أخش في الموضوع هادي شغلة وانا انسان ما اعرف اعمل مقدمات -
بالعربي انسااان دغري

اول حاجة ماحينفع اتكلم وانتو او بعضكم مايعرفني ..

أنا اسمي محمد في الجامعه وزي اي شاب في جدة .. ماحسوي الولد البرئ
والمؤدب بس خلوونا نقول الولد الصريح

في مواضيع كتيرة كان نفسي توصل لكل شباب وبنات جدة وشفت انو احسن طريقة
الايميلز لانو ماحقدر

اطلع على سطووح التحلية سنتر واتكلم ؟؟؟

اوووول شي ابغا اتكلم
فيه وهادا الموضوع اللي طبعا مررررة ماحيعجب
الكتير هوا (( احنا ))


مجرد سؤال اسأله لنفسك (( هل انا مقتنع بنفسي ؟؟ - هل أنا كل شي بسويه
صح ؟؟ ))

** ملاحظة : معليش بس لو ( انت / انتي ) مقتنع بنفسك 100% مافي داعي
تكمل ...!!

خلوونا نتكلم بصراحة ونبعد شوية عن العبط <-- سوري على الكلمة (( بس
مافي داعي الواحد يكدب حتى على نفسوو ))

(( افتكر شي واحد بس انت بتقرا الايميل مع نفسك يعني مافي احد غريب
تنافق او تكدب قدامو فخليك صريح مع نفسك ))

*****************

مو شرط انو انا بقول الكلام دا يصير انا انساااان مابسوي ولا
شي من دا
بس انا بقول ليش انا كدا ؟؟ وانتوا كمان لازم
تقولو ليش احنا كداا ؟؟


أسئلة بيني وبينك :

1- علاقتك مع ربك ..

انا : انت تصلي ؟؟
انت : ايوة طبعا .
انا : اكيد ؟
انت : الصراحة مو كل الفروض احيانا الفجر والظهر احيانا المغرب والعشاء
واحياناً لأ ولا فرض ...

ليش ؟؟؟؟؟؟؟ ترا والله ياجماعه شي يقهر ..
ممكن تقولي ليش مابتصلي ؟؟ ماعندك وقت ؟؟ خمسة دقايق حقت كل فرض حتخرب
يومك ؟؟؟
وفي ناس تقولك ( انسى ) باللهي بتنسى جوالك ؟؟ اصلا مصيبة دي لو كنت
طالع الجامعه او خارج وبعدت عن البيت حتلف وترجع
تاخد الجوال .. بس عمرك لفيت ورجعت عشان نسيت تصلي فرضك ؟؟
لاتلف ولا ترجع وقف عند اقرب مسجد . بلاش اكيد المكان اللي بتروحو تقدر
تصلي فيه بس
انت هل اول ماتوصل بتدور فين تصلي ؟؟
طبعا لا ليش ؟؟؟؟؟؟؟


ليش ماتحافظ على صلاتك ؟؟
والله والله والله لو كل 1 يحافظ على صلاته حتتغير فينا اشياء كتير
- ان الصلاة تنهى عن الفحشاء والمنكر ):-



2 - احنا في رمضان

تصوم ؟؟ طيب كم يوم فطرت ؟؟ طيب ليش فطرت ؟؟ عندك عذر شرعي ولا لا ؟؟
مريض ؟؟ مسافر ؟؟
شوية مايصومو مررررة .. وكتير يصومو بس صيام كيف ؟؟ ماناكل ولا نشرب بس
عادي نسمع اغاني وعادي نرقم وعادي نتكلم
وغيرو وغيرو وغيرو ؟؟ طيب بتصوم ليه ؟؟ ياخي بتتعب نفسك على الفاضي ..
في اشياء كتير استغربهااا .......

مثال :
يوم من ايام رمضان الساعه 2 الظهر :
فلان : فين رايح ؟؟
علان
: والله الجيرل الفرند حقتي تخلص دحين ورايح اشوفهاا
فلان : ليش ؟؟
علان : ليا يومين ماشفتها ومرررة زعلانة ..


ياخي ليش ؟؟؟؟؟؟ خايف على زعل الاخت ومنت خايف من غضب ربك ؟؟؟؟؟؟؟؟
ماتخاف في يوم فضيل زي دا ربنا يقبض روحك .. الناس صايمين وانت مديت

لا حول ولا قوة الا بالله

الله يهدينا جميعاً
---------------------------------
أذكر الكلام موجه للبنات والاولاد ..
---------------------------------

3- نرجع لـ 11 شهر باقية من السنة ..

كل يوم ايش بنسوي ايش بنعمل ، ماني مطوع عشان اقول حرام الدشرة في
الاسواق واللفلفة في التحلية عشان انا بسوي كدا
وماحتفلسف واقولك اشغل نفسك بشي مفيد
..


بس نشووف ايش بيصير وانت احكم .

كل يوم بتخرج التحلية لفة عند كل مول وطبعا لفتين عند البساتين وخمسة
عند التحلية سنتر نشوووف امكن بنت هنا ولا هنا
يعني نديها الرقم ولا اقلها تدخلنا التحلية سنتر نشوف رزقنا <----- قلك
اكل العيش

هادا غير الناس اللي تتلطع عند الابواااااب وانتو عارفين مافي داعي
اكتر كلااااام

بس انا عندي سؤال واحد بس بعد ماترقم وتفلهااا وتصير ماشالله اشهر ولد
في جدة وكل بنت تعرفك ؟؟

ايش حتستفيد ؟؟ شهرة صح ؟؟ طيب شهرة في ايش

يقولك ماشالله اشبك (( فلان الفلاني ادشر ولد في جدة )) والبنت

الفلانية ماشالله عليها الله يعطيها العافية (( كل تلوت
في البساتين وكل ربوع في التحلية سنتر والخميس في الدرة )) يعني لاتخاف
ازا ضيعت البنت دا الاسبوع حترقمها الاسبوع
الجاي ...


صح ولا انا غلطان ؟؟؟

انت او انتي ايش حتستفيد لما كل يوم تكون في التحلية ؟؟؟ نفكر بعقل
((((((( والله ولا شي ))))))))
بس اهوو بنضيع وقت ..

طيب نجي في الناس الاخطر ..

فلان : ياعمي الناس الضعيفة اللي كل يوم تلفلف وتدور ومني عارف ايش .
علان : طيب انت ايش تسوي ؟؟
فلان : ياعمي انا كل يوم مديت مع وحدة .

باللهي من جد خلاص على اساس انك انت دحين الانسااان اللي وصلت قمة
الجبل زي مايقولو
طيب وبعدين ياخي ؟؟؟؟
ايش حتستفيد ؟؟؟؟؟
طبعا الله اعلم انت ايش بتسوي في الديت <-- يقولك من ديت لديت يفرق


شوف يا اخ افتكر حاجة وحدة بس (( الله يمهل ولا يهمل ))

في النهاية كل دا حيجي على راسك والله مو سعادة ولا بسطة ولا شي ..

باللهي انت خلاص كدا راضي عن نفسك ؟؟؟؟

-------------------------------

وانتي لما كل يوم تديتي مع واحد .. ماتخافي على نفسك ؟؟ ماحتتزوجي
وتخلفي كيف حتربي عيالك ؟؟؟

في كتير من البنات ماشالله شهرة اسم كامل باللقب كمان .......

باللهي ماتنكسفي من دا
الشي .. ايش زنب ابوكي اللي مو داري عن اللي
بيصير والناس يقولو شوفوا ابو فلانة الفلاني (( ماعرف يربي بنته ))


ولا مامتك اللي كان نفسها يقولو (( شوفو اخلاق بنت فلانه كيف ماشالله
عليها ))

والله من جد حسبي الله ونعم الوكيل

------------------------------

انا اسف ازا طولت عليكم بس والله كلام كتير نفسي اوصلكم هو محد يدري
امكن الايميل هادا يكون سبب انو الله يغفرلي ولا يتوب عليااا

------------------------------

((((( الهيئة )))))

كلنا شايفين انو
الهيئة هادي طريقتهاااا غلط وناس همج ومرررة مافي
اسلوب واتيكيت


يعني تخيل انا ماشي مع اختي ويوقفوني ويبهدلوني ويقولو مين دي ؟

بس في النهاية فشلتهم وخليت وجههم في الارض


طيب ياخي طبعا اكيد لازم يسوو كدا انت امكن الوحيد اللي مسكووك وغلطو
فيك مع اختك لاكن غيرك بالميات مسكووهم مع بنات (( مررة مو اخواتهم ))
وتبغوووهم مايشكووو فينا ؟؟؟
احنا اللي خليناهم يوصلو لدي الدرجة
بالله لو مافي هيئة انتو تفكرو حنرتاااااااااااااح ؟؟؟ والله انا شخصيا
ولد زي باقي الاولاد ما اطيق اشوف هيئة قدااامي بس لو مافي هيئة
ماحرتاااح
ترا السعودية البلد الوحيدة اللي فيها ( هيئة الامر بالمعروف والنهي عن
المنكر ) ..
باللهي اسال نفسك ..

يعني احنا كدا والبلد مو بس خربت ؟؟؟
الفسااااااااد واللهي شفت اشياااء
انا ولد استحيت منهاااا


حكوون صريح معاكم ماحلف ولا حدوور ..

مواقف التحلية سنتر .. سيارة فيها ولد وبنت وياريت قاعدين ؟؟؟؟

مادري على اساس انو في البيت يعني ؟؟ مرررررة لدي الدرجة مافي حيااا
؟؟ طيب الولد وقلنا وجهه زي قفاه
البنت خلااااااص يعني مرررة مافي اخوان تخافي منهم مافي حيااا ماتنكسفي
يشوفك احد بعدها ويقووول اووووه دي البنت اللي كانت مع الولد في
السيارة

اهااااا

يعني لو مافي هيئة كان والله مو بعيد تشوف اتنين في زاوية في اي موول
وعاد انتو عارفين ايش حيصير

طبعا محد
حيقولهم تلت التلاتة كم ؟؟؟



واللهي انا صرت استحي اروح مع ماما واختي مووول من حركات الشباب
والبنات صرت اخاف لما اسمع ماما ولا اختي يقولو رايحين سوووق

باللهي كيف شعورك ومامتك تشوف دي الاشياء ولا اختك تشوف كدا ؟؟

عادي ؟؟؟ مافي غيرة ؟؟؟

وانتي لما بابتك يشوف دي الاشياء حيخليكي تخرجي من البيت ؟؟؟؟؟؟ ((
والله اقل شي يقولك لما تحتاجي شي انا اروح معاكي ))

يعني انتو اللي حتتبهدلو في النهاية ....

مو تقولو ماتبغو هيئة ؟؟؟؟

لا والله انا عن
نفسي ابغا هيئة ازا الهيئة حتحمي اخواااتي من حركات
الاولاد الغبية


يعني لو البنت راضية تاخد الرقم بادب خلاص اما بالقووووووة ؟؟؟؟ ترا
مرررررررة قلة حيا ؟؟؟

شي واحد ابغا اقوله ..


تبغوا الهيئة تخف عليكم ؟؟؟ خفوا عليهااااااااا

لو الهيئة حست انكم عقلتو والله حتلاحظو انتو اختلاف كبير (( اللي
يحترم الناس يجبر الناس انهم يحترمووه ))

وعلى فكرة ترا مرررة صار معايا موقف مع الهيئة ماحنساااه طول حياتي كنت
عند التحلية سنتر ومشغل اغاني وقاعد في السيارة ادخن

جا (( المطوع )) قالي لو سمحت ممكن توطي الصوت ؟؟؟
<--- والله احرجني
بالاسلووب


وطيت الصوت قالي انا عارف انك مستني اهلك يخرجوو <---- ماحب يقولي
مستني بنت مديت معاها تخرج ولا جاي تسوي الولد الكووول

بس ممكن توطي صوت المسجل مو عشان شي عشان لاتاخد اثم كل اللي يسمع
الصوت ، يعني خد اثم على شي انت سويته

اما هما يسمعوو والاثم عليك ليش ؟؟؟؟؟

<----- والله فكرت فيها قلت صح كلامووو واسلووبو مررا جيد

ومرررة احترمت الرجااال وقالي اتفضل هادا رقم جوالي ازا تبغى اي شي
تسال عنه او كدا لاتستحي وخلينا نسمع صوتك اتصل سلم على الاقل

يعني في ناس في الهيئة متفاهمين مع انو كان
يقدر يسوي عباطة ويقولي
تعال واركب الجيب ويسويلي هرررجة من تحت الارض




وصح في ناس اسلوبهم الله لايوريك بس احنا لانحكم عليهم كلهم بكدا


------------------------------------------------------



لله يهدينا كلنا وينور بصائرنا ويورينا طريق الحق ويبعدنا عن الشر

معليش اسف على انو الكلام مررررة مو مرتب انا مني كاتب ولا حتى معبر
جيد

انا مجرد واحد يبغا يقول كم كلمة كانت واقفة في حلقووو انشالله تستفيدو

منهاااااااا


ياريت تدعوولي وتدعوو لانفسكم بالهداية


ياريت تنشرو دا الايميل امكن ربنا يهدي احد . اخد انا اجر الكتابة وانت
/ انتي اجر التوصيل
وماتعرف امكن ربنا يدخلني انا وانت / انتي الجنة بسبب الايميل هادا

قال الرسول - صلى لله عليه وسلم - (( لئن يهدي الله بك رجلا خير لك من
حمر النعم ))


-------------------

** اذكر للمرة الثانية مو عشان انا كتبت الايميل هادا يعني انا انسان
ملتزم او مطوع او حتى مابسوي بعض الاشياء اللي فيه
بس بحاول اعدل نفسي وانصح اللي يبغاااااا

وانا اسف اذا جرحت احد بكلامي بس والله مو
عن قصد لاني والله اتمنى انو
كلنا نتغير للاحسن

\7

أختي/ندوش

السلام عليكم ورحمة الله وبركاته

الله يصلح حال بناتنا و أبنائنا

الله يهديني ويهديك ويهدي شباب الأمة

يعطيك العافيه على الوضوع



أخوك/ابو انس




تقبلي تحياتيــــــــــــــ......................

تعالي يا ندووش


خلينا من الموضوع رغم اهميته

وبناقشك انتي شخصياً


انتي قلتي انها رساله ايميل وصلتك


ابي اسألك هل قريتي الموضوع اكثر من مره بتمعن وتركيز ؟

طيب اذا الاجابه ب( لأ ) فهذا يعني انكي مخطأه خطاء كبير جدا

واذا كانت الأجابه ب(نعم) لماذا لم تقرائي المحتوى وتستخرجي منه المهم والمقصد والهدف

وتصيغين الموضوع بطريقتك ، ثم تضعينه لنا .

لماذا ؟

لأنكي لو عملتي هذا مع عدد من المواضيع سوف تلاحظين نمو موهبه النقاش وطرح

المواضيع بأسلوب جميل ، ومن ثم تجدين نفسك بعد فتره من الزمن . انتي من يصنع الفكره والموضوع . وهذا ما اتمناه .


موضوع رائع

والنقل ذوق

احسنتي الاختيار


اتمنى ان تقبلي نقاشي برحابه صدر

والله العالم اني اناقشك من محبه

كلنا اخوان نريد ان نطور بعضنا البعض

كنت هنا

فهد العبيدي

مشكورين على ردودكم الرائعة

وبالنسبة لرأيك أخ فهد على راسي
بس طبيعي أكون قريت الموضوع ولا كيف رح أنقله

وعجبني زي ماهوا هشان كدا ماحبيت أتصرف فيه
ولو إني اختصرت الفايدة منه ورصيتها كان حيسير
ممل ومارح تقدرو تكملو قراءة
بس كدا زي كأنو مخاطبة للنفس
يخليك تتابع

مشكور على رأيك وهدي وجهة نظري

لله يهدينا كلنا وينور بصائرنا ويورينا طريق الحق ويبعدنا عن الشر

أنا قريت
الإيميل كامل

رغم إننا لا نعايش مثل هذي
الأوضاع فمكه ولله الحمد

لكن كلامه عين العقل

والله يحفظ لنا الهيئه


اللهجه الجداويه
طاغيه على كلامه
لحد إن بعض الكلمات غير مفهومه

( الديت - تديتي - ديت )



مشكوره
يا ندوش
على الموضوع
الرائع


نقل موفق

يعطيــك.العافيه.خيتو.ع.الموضوع.المهم
منجد.الناس.الحين.متهاونه.بالصلاه.بقوه
الله.يهديني.ويهديك.ويهدي.المسلمين.كلهم
اهم.شي.الاخلاق
تقبلي.مروري

اختكـ/الــقـــــــــ.الحــزيـن.ــــــــلـب

يسلمو عالمرور

والله يحفظنا من كل شر

وبالنسبة لبعض الكلمات زي ماقال أخ حسن

ديت - تديت

هيا أصلا جاية من كلمة انجليش
date
يعني موعد غرامي بين اتنين

السلام عليكم ورحمة الله وبركاته

شهر مبارك عالجميع

والله انا لحس مخي الولد قعد يدودي علي لين فهيت

كلامه حلو عن الصلاه وعلاقة الانسان مع ربه وهذا الموضوع مهم جدا وكل شخص لازم يفكر فيه ويعدل الوضع

اما باقي كلامه ما اعجبني لانه يوضح اشياء يمكن مختفيه على كثير من الناس خصوصا من اهل جده من القبائل المحافظه

لان اغلب كلامه يخص الحضر والا ما اظن ان ولد قبيله وحموله يترك اهله ينزلون السوق بدون محرم او قريب رجل مع مجموعة نساء كبار

عموما ترى فيه أوطط مغمضه اتمنى ما تفتحون عينهم على هالخرابيط اللي بعضهم يمكن اول مره يسمع بكلمة ديت تحلية سنتر

**ملاحظه:
قال ان الهيئه مسكته مع اخته ومدري وشو...الخ.... ماعلينا بس حبيت اوضح انه السنين الاخيره اخوكم كاتب الحروف مايفرق بين اخت الولد وخويته ماهو بعاد الهيئه

لاني بصراحه اشوف الولد واخته كنها خويته لابسه لبس غريب ونظراتها وتصرفاتها غريبه وهو بعد يضاحكها ويقز بالبنات يعني بالعربي ماتفهم الا انها خويته وتنصدم اذا عرفت انها اخته فلا احد يلوم الهيئه لو مسكوه هو واخته

بصراحه في جده والغربيه عموما تشوف الواحد مع اهله تحس مافي غيره عليهم ولاكنهم اهله وللاسف الشئ هذا بدا ينتشر في قبائل عايشه في جده وضواحيها والله يخرجنا من هالبلد ودنا نرجع الديره اصرف


شكرا عالموضوع اختي