اهدا لشيخ عبدالرحمن بن عبدالله المدلشي

بسم الله الرحمن الرحيم
بدر المدلشي _السلام عليكم ورحمت الله وبركاته

هذي قصيده ب مناسبة تعيين الشيخ عبدالرحمن بن عبدالله بن جبر المدلشي شيخً على ذوي مدلش
اهداء من الشاعر / عبدالرحمن بن رويض الروادي المدلشي يقول:

يا هاجسي غوص البحر جيب الأثمان
من شأن شيخٍ يرتكي ل الثقيله

نسل الشيوخ اللي طويلين الايمان
مداتهم بالطيب ماهي قليلة

من روس قومٍ حامية كل ميدان
نهار ماينفع عميل(ن) عميلة

والله وسبع أنعام يا طير حوران
مواقفه تشفي الكبود العليلة

وريث عبدالله جبر راعي الشأن
رأع الكرم رأع الصفات النبيلة

وربعه ذوي مدلش ليا ثار دخان
أهل المواقف بالسيوف الصقيلة

روس الرجال اللي على مر الأزمان
تثبت على طول السنين المهيلة

وحنا ذوي رواد للعز عنوان
نسل الرجال أهل البيوت الظليلة

للطيب والوقفات والعرف عنوان
مداتنا لهل المواقف جزيلة

يالله توفق شيخناا رأع الإحسان
شيخٍ على الوقفه مانبغى بديله

وختامهاا وإعداد همال الأمزان
صلوا على المبعوث باحسن وسيلة

والله والنعم بالشيخ عبدالرحمن بن جبر وبذوي مدلش كافة ..

صح لسانه وسلمت يدك اخوي ..