محاوره ناريه عوض الله السلمي (ابومشعاب)وحبيب العازمي ومبروك ابوناب وعتقان السلمي

#1 04-28-2008, 08:10 PM

بسم الله الرحمن الرحيم

عوض الله ابومشعاب

هلا يا مرحبا ترحيب نستقبل بـه الأجنـاب
نظام اللعـب نمشيبـه وحنّـا مثـل الأخوانـي
أبدهن لحية الروقي وباامسح لحية ابوناب
وبعدينـه باسلّـم كـل واحــد لحـيـة الثـانـي

مبروك العصلاني (ابوناب)

لعلك للبقا واصحاب جوكم في مقام اصحـاب
تـرا مـا فـيـه جِنـبـه كلـنـا فـالـدار صدقـانـي
يقولون العرب من ينقز الطاقه و يكب الباب
مثل من ياخـذ الفاضـي و يتـرك كـل مليانـي

عوض الله ابومشعاب

ألا يالله تحيي أصحابنا الحضّار و الغيّاب
ولا يعرف أصول الصحبة إلاّ كل ديقانـي

عتقان السلمي

تراكم حيث ما رحتوا و جيتوا حاضر المشعاب
بعـد ربـي رماكـم بيـن عـوض الله و عتقـانـي

حبيّب العازمي

تـرا مشعابكـم مـا فيـه لا طلبـه ولا طــلاّب
هذا مشعاب عوض الله وللسلمان من داني

مبروك ابوناب

من أول يالبقيلي مثل رمح ذياب ما تنصاب
لكن الله يشافي صاحبي بالحيل تعبانـي

عوض الله ابومشعاب

على طيب و سعد جيتوا سوى في طيّب الهنداب
وهــذا مــا جنيـتـه غـيـر لعتيـبـي و عـصـلانـي

عتقان السلمي

أنا مابي السبب و إنتم تراكم فيكم الأسباب
تراكم فيكم الأسبـاب فـي حربـي وعتبانـي

حبيّب العازمي

لقينا الحيّه الرقطا تلوّى عند جنب الداب
ومشعابك على علباك وانت رقم مجّانـي

مبروك ابوناب

يابومشعاب حطّه فوق رأس العود أبوهِلاب
أبوهِـلاب لا مسلـم ولاهـو رجـل نصـرانـي

عوض الله ابومشعاب

يابوفيصل علامك يوم قمت تفتل الأشناب
وحنّا اصحابك الصافين يا خاتم سليمانـي

عتقان السلمي

تقولون الشبح مير الشبح مقطور فالقلاّب
تجره يـا حبيّـب بيـن بـدر و بيـن ذهبانـي

حبيّب العازمي

أعرف إنك حريبي و الحريبي يحارب الحرّاب
بعـد طفّيـت نـار الحـرب عـودك فيـه دخّـانـي

مبروك ابوناب

ياراع الخلفه اللي من لبنها يروي الحلاّب
أنـا خابـرك لـو كثـرت هجوسك ماتعدّانـي

عوض الله ابومشعاب

حريبك فالزمان اللي مضى يوم العلوم صعاب
وذاالحين الغنم ترعى وزان الذيـب سرحانـي

عتقان السلمي

عليك الهون يا مبروك ما فالحفل قطع رقاب
حبيّب رقم واحد وانت حربـي رقمـك الثانـي

حبيّب العازمي

كسبها اللي كسبها و الذي مفلس يسـف تـراب
ما احب أغلط على السلمان و السلمان جيراني

مبروك ابوناب

حبيّب عزوتي و النار ناري جالها شبّاب
ألا يا رقـم خمسـه جالهـا بـرّا و دخلانـي

عوض الله ابومشعاب

سليم أهل المكاسب في نهار الماقف الغصّاب
ونا مااغلـط علـى العتبـان و العتبـان حِيّانـي

عتقان السلمي

يا حرب الله يخليكم دخلتوا في علوم صعاب
وخمسة فـي لسانـك خلّهـا ماتاصـل لسانـي

#2 04-28-2008, 09:56 PM

سليم أهل المكاسب في نهار الماقف الغصّاب
ونا مااغلـط علـى العتبـان و العتبـان حِيّانـي

يا حرب الله يخليكم دخلتوا في علوم صعاب
وخمسة فـي لسانـك خلّهـا ماتاصـل لسانـي

مشكوووور ياسعود على المحاورة القوية وكلها فتل ونقض من شعار كبار

#3 04-28-2008, 10:26 PM

حريبك فالزمان اللي مضى يوم العلوم صعاب
وذاالحين الغنم ترعى وزان الذيـب سرحانـي

ياسلام ياسلام يابو غازي

والله كلهم رائعين

من زمان عن مبروك ابوناب والله فقدته الساحه

وعتقان الدملوكي شاعر كبير بدون شك

#4 04-28-2008, 10:41 PM

الف شكر لك ياسعود السلمي
على نقل هذه المحاورة لرموز الشعر
عوض الله ( أبو مشعاب )
عتقان الدملوكي
أبو ناب
حبيب العازمي
وتقبلوا مروري ..........
الجويبري