|
#1
10-30-2008, 06:34 PM
|
||||
|
||||
محاوره بين بنت شمحوطه وشايب قلبـــه خــــــضــــــــــر
السلام عليكم ورحمه الله وبركاته
بدايه القصه عن شايب اسمه حمدان .....وهواوي ( قلبه خضر ) ما يشوف بنت الا ينفتن ومشهور بانه حبيب فيه بنت صاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون راحت له وردت عليه السلام كيف حالك يا شايب رد السلام والله بخير الله يعافيس وفجأه عطته ظهرها ومشت ولا استإذان ولا شي تولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه يقول الشايب يا بنت خذي خاطـري وارحمينـي لا تجرحيـن العـود بعيونـك السـود غضـي نظـرك وغطـي الوجنتيـنـي لعـل يـومٍ جـدد الـجـرح مــا يـعـود يوم انتهى مع مرمسـات السنينـي جتني صواديفه على غير مقصـود بـاول شهـر عشـره نهـار الثنيـنـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل ردت عليه وهزأته تقول يـا شايـب الرحـمـن ويـنـك وويـنـي عـزي لحالـك قدمـك البـاب مسـدود قلبـك عـطـوف وجــاه قـلـبٍ متيـنـي والبنت ما تشفق على مغازل العود حبـل الرجـا مقـطـوع بيـنـك وبيـنـي مثل الغليـث اللـي رعـا قلبـه الـدود اقـفـى شبـابـك والـعــرب مقبلـيـنـي يا عود ما يرجع من العمـر مفقـود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني وانه ما يبي الغزل بعد ما وصل عمره ثمانين سنه يقول حمدان : يـا بنـت صــدي بالعـيـون الظليـلـه لا صــد عـنـك الله نـهـار القـيـامـه مالـي ومـالـك يالـفـروع الطويـلـه لو فيـك مـن رسـم البـداوه علامـه يابـنـت مــا لــي بالثمانـيـن حـيـلـه اهدف كما تهدف علـى البيـر قامـه اقفـى شبابـي والدهـر شفـت ميلـه يالله حـســن الخـاتـمـه والـسـلامـه اعطيـك موجـز والبضـاعـه قليـلـه واخذت لك من صافي الماء سنامه راحت الايام والشايب مسكين سنه خذله معها شايب وهي بنت وتقول له كيف اعطي شايب وجه بعد فتره مرته مره ثانيه وردت عليه السلام واستفزته وراحت وخلته تولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان ,,,,, يابنت ماجاس الكبر والخشونه وعادت شباب اليوم يجفل من الشيب ياسرع ماوبلك تمزع مزونه يالفاتنه يام الثمان الرعابيب يابنت مابيني وبينك مهونه كلمة شرف نبي تحيه وترحيب الله من عودٍ ثقيله طنونه ينصاه راع المشكله والمواجيب على الكرم والدين نفسه حنونه تلقاه بالاجواد شرق وتغاريب العود عود وطايحاتٍ سنونه من كثر مايرقد على جرة الذيب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعين بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم..... عودٍ مهرقل والعرب مايبونه ياعود مالك في طويل المراقيب اقفى شباب العود راحت حتونه مثل اليتيم الي بكى ماله مجيب مسكين الشايب ما احد رحمـه حتـى لـو حـاول يستعطـف ردت الـــــبـــــنــــــيــــــه..... جداه ينثر دمعـة ٍ مـن عيونـه غريق موجٍ ما لقا له مقاضيـب وتقبلو تحياتي (ابوطلق)
__________________
سئل سفيان بن عيينه عن غم لا يعرف سببه ؟ فقال هو ذنب هممت به في سرك ولم تفعله . فجزيت هماً به قال شيخ الإسلام معلقاً : ( فالذنوب لها عقوبات السر بالسر والعلانيه بالعلانيه ) التعديل الأخير تم بواسطة محمد الحمودي ; 10-30-2008 الساعة 11:45 PM 
|
|
#2
10-30-2008, 07:00 PM
|
||||
|
||||
رد: محاوره بين بنت شمحوطه وشايب قلبـــه خــــــضــــــــــر
\7
|
|
#3
10-30-2008, 08:58 PM
|
||||
|
||||
|
رد: محاوره بين بنت شمحوطه وشايب قلبـــه خــــــضــــــــــر
مشكوره اختي قموره على المرور,,,,,,,,,,
وووودمتي بووود,,,,,,,, تقبلي تحياتي (اخوك ابوطلق)
__________________
سئل سفيان بن عيينه عن غم لا يعرف سببه ؟ فقال هو ذنب هممت به في سرك ولم تفعله . فجزيت هماً به قال شيخ الإسلام معلقاً : ( فالذنوب لها عقوبات السر بالسر والعلانيه بالعلانيه )
|
|
#4
10-30-2008, 10:15 PM
|
||||
|
||||
|
رد: محاوره بين بنت شمحوطه وشايب قلبـــه خــــــضــــــــــر
هههههههههههههههههههههه
والله حلووووه شايب هوااوي بالحيل ودي اعرف لما كان شباب كيف كان مسوي الف الف شكر لك يالرائع على هذه القصه والقصيده لاهنت ولا تحرمنا تحياتي لك فهد العبيدي
__________________
يالله إن اهلنا في سوريا لحق بهم الضّر وليس لهم ناصرٌ سواك اللهم فأنصرهم سبحانك اللهم وبحمدك اشهد ان لا أله الا انت استغفرك واتوب اليك
|
|
#5
10-30-2008, 11:43 PM
|
||||
|
||||
|
رد: محاوره بين بنت شمحوطه وشايب قلبـــه خــــــضــــــــــر
مشكور اخوي فهد بصرراحه مرورك اسعدني ,,,,,,
وهذا واجبنا لمجالسنا ( ودمت بود ) تقبل تحياتي (ابو طلق)
__________________
سئل سفيان بن عيينه عن غم لا يعرف سببه ؟ فقال هو ذنب هممت به في سرك ولم تفعله . فجزيت هماً به قال شيخ الإسلام معلقاً : ( فالذنوب لها عقوبات السر بالسر والعلانيه بالعلانيه )
|
|
#6
10-31-2008, 03:47 AM
|
||||
|
||||
|
رد: محاوره بين بنت شمحوطه وشايب قلبـــه خــــــضــــــــــر
هههههههههههههههههههههه
والله وناسه هالشايب باقي فيه حيل للحب يسلموووووووو اخوي محاوره رااااااااائعه
|
|
#7
10-31-2008, 02:34 PM
|
||||
|
||||
|
رد: محاوره بين بنت شمحوطه وشايب قلبـــه خــــــضــــــــــر
مشكوره اختي سموره على المرور,,,,,,,,,,,,,,,
ودمتي بوود
__________________
سئل سفيان بن عيينه عن غم لا يعرف سببه ؟ فقال هو ذنب هممت به في سرك ولم تفعله . فجزيت هماً به قال شيخ الإسلام معلقاً : ( فالذنوب لها عقوبات السر بالسر والعلانيه بالعلانيه )
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 03:21 PM.
