تسجيل دخول

  #1  
قديم 10-16-2014, 12:10 AM
مقبول العرابي غير متواجد حالياً
 
تاريخ التسجيل: May 2012
الدولة: السعودية0الطائف
المشاركات: 73
افتراضي الشايب جا بالعيد

الشايب جا بالعيد
قصيدة للأستاذ مقبول مبارك العرابي 21-12-1435هـ
1- يقولون به شايب حضر له مناسبة = ولا راح عنها الصيرمي لين جا بالعيد
2- تمشكل مع أهل الدار وأغلب ضيوفهم = بعد شاف حال اليوم عن حال الأمس بْعيد
3- الأولى لفى للدار بعد العشا بشوي = وزهم يا هل الحلة ولا رد كود وليد
4- وليد(ن)بجال الدار قال إنت وش تبي = وقال إنت ولْد فلان قال إيه بالتاكيد
5- وزفر شايب الرحمن ثم رد للعصا = وقال لْه واعيباه ياصفة التنكيد
6- من أوًل سواتك لا لفى الضيف رحب = ولا كنه إلا النمر يا البوم يا الرعديد
7- وقلط شايب الرحمن ماحي حوله = وحول العشر جاه المعزب وجا التنديد
8- يرحب به الشايب شماتة بحالته = ويقل ماكذب من قال بس العصيد مايصيد
9- تمشكلت مع ولدك وأثرْك إنته البلا = وزرع(ن)مهمل من يبى من وراه الفيد
10- وتراموا ضيوف معزبه مير بعضهم = ما جا إلا حوالى اثنعش واللي بعد فالسيد
11- وفز بْهم الشايب ولا منهم استحى = وقال إيه. صح النوم ياصفة التجديد
12- تحسْبون في تغيير سلم النشامى فخر = وقالة وطالة مير ذيه الحلوم بْعيد
13- ولا فيه حر إلا يعجل بجيته = حيا قدر واجب سلم ماعنه حر يحيد
14- يباشر مع أهل الكيف فاله وينطحه = بعز(ن)في التصدير وبعز فالتوريد
15- وقبل الثنعش ينام ويفز من فجر = يصلي ويكثر لله الشكر والتحميد
16- ويفطر ويطلب ربه الخير والسعد = ويطرد ورا رزقه ويحيا اللبيب سْعيد
17- وفي لدة الشايب بهمًل معزبه = قفز قفزة البارود فيهم لزم بالإيد
18- أخذ كل واحد بإذنه وقال لا متى = نبيكم رجال ولاش ياحيف نصح يْفيد
19- حسافة عليكم ياشباب(ن) تحدروا = ولبسوا لبوس العار والذل والتنقيد
20- غصون(ن)تعرت من لحاها وكابرت = بدلً العرا وأهل العرا والزرى والكيد
21- فلا لبس يسترها ولا قدر عندها = لأحد من قريًب كان والا بْعيد
22- ولا قدرت مجلس هل العز والغلا = تجوجي كما الوجًي وكل(ن)بيدْه نْديد
23- يطقطق به ويضحك وياضحكة الفشل = وكل(ن)يقل ذا الخبل ياناس ما له قيد
24- لو إنه ربي مافشل أهله وعاقهم = ولا ورًد لْه العدا سمهم توريد
25- ولا ضيع سْلوم القبايل وعزهم = وتاه وتردى في مطارد سراب البيد
26- ولا عن من أكبر منه ما قام واحترم = ولا اليوم قيل الحر جا فرخه أم سويد
27- هذي قصة الشايب من الغبن والقهر = ومن غيرته دز الرسايل لعل تْفيد
رد مع اقتباس
  #2  
قديم 10-17-2014, 08:51 PM
الصورة الرمزية الدملوكي السلمي
الدملوكي السلمي غير متواجد حالياً
 
تاريخ التسجيل: Oct 2013
الدولة: جده
المشاركات: 15
افتراضي رد: الشايب جا بالعيد

صح لسانك يا استاذ مقبول
والله يخلف على هاذا الجيل كيف الجيل الي بعده
رد مع اقتباس
  #3  
قديم 10-18-2014, 12:38 PM
الصورة الرمزية عدنان العلوي
عدنان العلوي غير متواجد حالياً
مشرف أخر الاخبار
 
تاريخ التسجيل: Mar 2012
الدولة: البلد/ المملكة العربية السعودية
المشاركات: 1,357
إرسال رسالة عبر Skype إلى عدنان العلوي
افتراضي رد: الشايب جا بالعيد

صح لسانك وسلم بنانك
رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:14 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع


دعم وتطوير استضافة تعاون