ما تنجب الاوطان شرواك حكام

مساكم الله بالخير جميع

احسن الله عزانا وعزاكم في فقيد الامة والوطن وخادم الحرمين الشريفين الملك عبدالله بن عبدالعزيز طيب الله ثراه ورحمه رحمة واسعه

ان القلب ليحزن وان العين لتدمع وان على فراقه لمحزونون ولكن لا نقول الا ما يرضي ربنا انا لله وانا اليه راجعون


مهما كتب من رثاء ومهما كتب من قصائد حزن لن ولن تصف ما بالقلب من حزن على فقد هذا الرجل العظيم ولكن لعل ما نكتبه من ابيات يخفف من وطأة الحزن في قلوبنا

اترككم مع هذه القصيده التي تحكي بعض الشي من حزن شعب وبكاء وطن


الله ياحزن الليالي والايام
يا غيمة الاحزان لا اظلم سماها

والله ياحزن العروبه والاسلام
والله ياحزن الديار وحماها

والله ياحزن الوطن قبله وشام
والله ياحزن الشعوب وعناها

والله ياحزن الارامل والايتام
والله ياحزن النفوس وشقاها

جفت دموع العين ياحبر الاقلام
عقب انطفا نور البلاد وسناها

في فقد من حقق لنا كل الاحلام
كن العيون اليوم تشكي عماها

فقده عظيم وغيبته معضلة عام
المملكه يارب تحسن عزاها

ياوجد حالي يوم اذاعوا بالاعلام
الارض ضاقت بي وحززن ثراها

مرحووم ياصقر العروبه يا مقدام
يا من ملك حب القلوب وولاها

ما تنجب الاوطان شرواك حكام
وارض الحكم ما مثلك اللي وطاها

عداد من صلى لربه ومن صام
يرحمك رب اقدارنا اللي قضاها

عزاي باني راضي بكل الاحكام
اللي كتبها الله ودارت رحاها

وعزاي في من يخلفه نسل الامام
سلمان راع الاوله في سراها

يالمملكه لا تحزني رغم الالام
بعد الله انتي في ذرا من بناها

ال السعود اللي لنا درع وحزام
الدار تنعم بالامن في ذراها

وحنا جنود الدار ونسوق الاقدام
نحمي حمى الدوله وندحر عداها

ويالله تديم الامن في دار الاسلام
وانك تحفظ الدار واللي رعاها



تحياتي للجميع

اخوكم

ابراهيم السلمي

صح الله لسانك ي ابراهيم النقريني وبيض الله وجهك مرثية وشعور مواطن تجاه مليكه ووطنه ولايستغرب هذا الشعور اللي أعتبره شعور كل مواطن رحم الله الملك عبد الله وأسكنه الجنه والله يعين خادم الحرمين الملك سلمان وولي عهده وولي ولي عهده ويحفظ لنا هذه البلاد من كل مكروه

صح لسانك وسلم بنانك

قصيدة رثاء مؤثرة

رحم الله ابو متعب واسكنه فسيح جناته
وانا لله وانا اليه راجعون

‏إنا لله وإنا إليه راجعون ..
اللهم إغفر لعبدك عبدالله بن عبدالعزيز
وأرحمه وأسكنه فسيح جنانك.

اللهــم آرحمــه وآغفر لــه وثبته عند السؤال
صح الله لسآنك

صح لسانك وسلم بنانك

قصيدة رثاء مؤثرة

رحم الله ابو متعب واسكنه فسيح جناته
وانا لله وانا اليه راجعون

اي ب الله ماتنجب شرواكم حكام ..
اشهد انه فقيد الأمه..
ابدعت .. لاهنت

_‗ـ-ะǁ¦[ إبراهيم النقريني ]¦ǁะ-ـ‗_

صـح لسانـك ويعـطيـگ العــافـيــہ
لـگ منـي أجـمــل و أروع تـحـيـــہ
لآحرمـنـي الله تواجـدگ وقصائدگ

ܢ܌ރ_‗ـ•−ـ‗_•−ـ‗_ •−ـ‗_ܢ܌ރ