ياليت ابي يفتح عيونه [ محزنه ] ..

السلام عليكم ورحمة الله وبركاته ..

صباح الخير للجميع , اتمنى للكل الخير والسداد والتوفيق ..

http://www.youtube.com/watch?v=RMNsvwQTxww

الله يحفظ لي والدي ويجعل يومي قبل يومه , والدعاء لكم بحفظ والديكم وبركم لهم ان شاءالله ..

لـ حمدان المري , اداء المبدع علي بن رفدهـ ..

رآقت لي , اتمنى تروق لكم ..

تحيتيـ ..

عوض البقيلي ..

ياليت ابي يفتح عيونه إلى جيت


ويشوفني من طيحته وش جرا بي



عايش لكن لاني بحي ولا ميت



اجيه واعود وهو ما درا بي




اصبح بقلبي وافقده كل ما امسيت



نصه معي والنص الاخر مع ابي



اطلع من المشفى ولا اقبل على البيت



الا وانا دموعي تغرق ثيابي



يا بيت عقب العود ويش انت سويت



غياب ابي ماهوب يشبه غيابي



انا لاغبت سنين ما كــني ابطيت



وابي لا غاب ايام بان الشقا بي



أجامل الزوار واضحك يا بلفيت



وانا طواني الموت من حر ما بي



من اللي يقول اني ضحكت وتقهويت



من اللي يقول اني فرحت بشبابي



انا اتقهوى دمع واضحك تناهيت



ما يندرى وش عيشتي من شرابي



اجحد و وجهي فيه من حر ما اخفيت



من شافني من الناس شاف البلا بي

كن شوف بيبان المشفى توابيت


تدعيني لقبري وتطوي حسابي



تكسر عزومي والى رحت صليت



ارفع يدي لله يجبر مصابي



عاشر سنه لاني بحي ولا ميت




ابكي على حاله وهو ما درا بي



اصبح بقلبي وافقده كل ما امسيت



نصه معي والنصف الاخر مع ابي

انشاد رائع برغم حزنه
بوركت يمناك
دمت مميزاااا
ارق التحايا

^

حياك الله اختي الكريمه ..

شاكر وجودك الرائع ..

تحيتيـ ..