زود رصيدك

إفتح لك حساب عند الله وزيد الرصيد
ماينفعك لو مليت المحفظه والبنوك

لا تحتقر للريال تقول مبلغ زهيد
ياكم دفعت الإللووف لناس ماينفعوك

وليا عطيت إحتسب حتى رصيدك يزيد
لاترجي الناس من بعد العطا يشكروك

إما إعطي المال لأجل الأجر من دون قيد
ولا عطه ناس من أجل العطاء يمدحوك

لو تعطي الناس مالك يطلبون المزيد
ولو كان تحتاجهم ماكنهم يعرفوك

وقت الشدايد تعرف الناس علم وكيد
بعض العرب لو تجيلك حاجةٍ يحبطوك

أهم شي ترضي الله خل عنك العبيد
لو ماتجي فوق رغبات البشر يكرهوك

لكن جاملهم وسايرهم وأخذ ماتريد
وخلك بمالك ملك وتعيش مثل الملوك

هذي حقايق نبرهنها عسى نستفيد
ماهي كتابة قلم سطرتها فوق بوك