يا يمه !!!

بسم الله الرحمن الرحيم


قصيدة للشاعرة المميزة جدا
عابرة سبيل
رحمة الله عليها

ما ابي اطول عليكم

اليكم القصيدة


يا يمه



يمه .. يايمه .. فديتك لاتخليني
بعثرني الهم وأبغى يديك تجمعني

يمه افهميني تراك ان مافهمتيني
مافيه شخص بهالدنيا بيسعمني

ماعدت انا طفلتك.. كبرت شوفيني
خليك يمي ترى الاطماع تتبعني

لاتدلليني .. أبي منك تدليني
وابي ايديك تداعبني وتصفعني

ولا انهد حيلي أبي عطفك يقويني
ياما كلامك على الشدات شجعني

وان جيتك ابكي .. ابي منك تهديني
مابيك تبكين .. أبغى العقل ينفعني

يامملكة عطف ياعطر الرياحيني
براثن الهم والهوجاس تلسعني

بسمتك عندي الا من ضقت تكفيني
وارضاك عني عن الاحزان يرفعني

اسمى العلاقات تربط بينك وبيني
ياللي احضانك ان ضاق الكون تاسعني

لك احترامي وحبي والوفا .. فيني
وفيك اروع الحب مايخطي ويخدعني


انشاء الله تنال اعجابكم

لكم ودي

اللة يرحم الشاعرة


وشكرن ياحنــان واللة لو انقول ونسوي مانكفي في غلى الام



واللة لايحرمنا وياكم بر الوالدين


ارجع واقول مشكورة


ولك خالص ودي احترامي


ذيــــــب @ زعــــــــــب

شكرا الاخت حنان على اختيارك هذه القصيده الرائعه لاانها نحكي عن الام ورحم الله الشاعره

تقبلي تحياتي\\\\\\\\\\\\

شكراً لكم اخواني...

وشرفني مروركم

الله لا يحرمنا منكم