|
#1
02-03-2010, 10:43 AM
|
||||
|
||||
ديوان الشاعر / جابر السلمي
\7
( 1 ) غربة وانتظار إحساس بالغربة وضيقة خُلق واطْياف انتظار مرّت وجيه وكّنها ما هـي وجيـه مناسبـة يومي يمر وكني ادخل من حصار ليا حصار اصعب مراحل وقتي اني خاسر اللي كاسبـه يا كثر ما ترسل يميني غيض لاطراف اليسار والوقت من زود انشغالي فاقد الإحساس بـه احاول انزف للفضا دمعة و يشربهـا نهـار يشرق على قلبي سعادة باعتبـاري حاسبـه ما مَرّ وقت إلا أقاوم والبـس ثيـاب الوقـار حتى ولو في داخلي ثـورة مشاعـر راسبـه صوتٍ على بعد المدى نادى يفجّرني شـرار يابعد ذاك الصوت لكن مااستفاض الياس بـه وايضا وجيه تزورني ترقب شموخ الانكسار كان انكساري مثل عيد يسولفون النـاس بـه لا صارت الغربة مشاعر تستثيـر الاحتيـار كيف اليديـن تصيـر لـلآلام آلـه حاسبـه يا وقتي اللي كلما طال السهر فيه… استـدار =مرة نجاح و تسعة و تسعين مرة... راسبـه ! طيب..وش اللي ما بعد يا قاسي الأيام صـار يمكن ضروفي ما هي وهذا الزمن متناسبـه إحساس بالغربة وضيقة خلق واطياف انتظار ووجيه مرت بعدها ..تقبـل وجيـه مناسبـه ،،،،،،،،،،،،،،،
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER] التعديل الأخير تم بواسطة جابر السلمي ; 02-03-2010 الساعة 05:39 PM 
|
|
#2
02-04-2010, 10:37 AM
|
||||
|
||||
|
رفيف بارق
(2) ( رفيف بارق ) رفرف البارق على صدر السحابة وابتـدى بـي وانتهيت بغيمتين مـن العيـون وسـال ماهـا كيف ما اذكر طفلةٍ بيـن الهـداوة والتصابـي علمتني كيف اطيح/ وكيف اقوم اركض وراهـا كانت اول مـن زرع ورد المحبـة عنـد بابـي كانت اول من رسمني نجم يلمـع فـي سماهـا كلما حاولـت ازعِّلهـا واطـوِّل فـي غيابـي تاخذ حروف الكـلام و تنثـرة نحلـة شفاهـا والله اني ما ذكـرت مـن الزمـان الا عذابـي يوم قالت: ليه يا جابر؟ عيونـك مـن غلاهـا؟ قلت وبليَّا شعور : انتي!..... وفي لحظة جوابي عشعشت كل الطيور البيـض سـدرة منتهاهـا وافترقنا.. كان عطر انفاسهـا يـروي ثيابـي وكل عرقٍ من عروقـي قـام يتنفـس هواهـا لين كِبْرت وامتلا غصن المحبة واستـوى بـي حلـم يِتْلعْثـم ليـا منّـه ذكَـر بـاذخ حلاهـا ليت قلبٍ ما سكن به غيرهـا يسمـح عتابـي لين ياخذني مـن اول (عينهـا) لاحـد (راهـا) طفلةٍ تبقى.. لحد الموت.. هي زهـرة شبابـي تستحق اني اعيش العمـر كلـه فـي رجاهـا وليلة البارح رفيف البرق يوم انه سـرى بـي انتهيت بغيمتين من العيـون... وسـال ماهـا
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#3
02-05-2010, 09:06 PM
|
||||
|
||||
|
رد: ديوان الشاعر / جابر السلمي
(3) طفل الغيم أجمل الأيام طفـل يلامـس الغيمـة بيـدّه بسمته مثل النشيد وضحكته مثل الأغانـي الندى يستعذب القطرات ترقص فوق خـدّه وردةٍ ذاب الشفق فيها بلون ابيض و قاني كنّ صفين البـرد واللـول جنـدٍ مستعـدّه تحرس الثغر الذي من ضيقة حدوده يعاني زرقةٍ ماتشبه الا البحر في جـزره ومـدّه من نشدهاك البحر والسفن عن سرالمواني؟ كل ما يلمع سنا البراق يوقف عنـد حـدّه ما تجاوز غيمةٍ بيضا وقطن الغيـم دانـي بين لين الخيزران وبيـن مياسـه مـودّه واغلب الأحيان يطغى فوق لين الخيزرانـي فيه نور وفيه نار وفيه ليـن وفيـه شـدّه يجتمع فيه النقيض وتختلط فيـه المعانـي ميزته يجمع شتات الوصف من مليون ضده عيبه المفرط شبيه البحر في (ملحه) أناني يسرق الألباب فعلاً والنظر غصبـاً يشـدّه شامخٍ ما مثله الا البدر وسهيـل اليمانـي قوّم الدنيا علـى رجلينهـا والحيـل هـدّه مسرفٍ في حسنه الباذخ ومتمرد وجانـي ما تخير غير يسكن في عروس البحر جدّه شالته بين العيون وحطته بيـن المحانـي من يقول الغيم ما يصبـح لفتّانـه مخـدّه والله انّه لازم يبـدّل بهـذا القـول ثانـي أجمـل الأيـام طفـل يقعّـد الدنيـا بيـدّه يسبي الغيم البياض ويسلب الوقت الثواني
،،،
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#4
02-06-2010, 08:56 AM
|
||||
|
||||
|
رد: ديوان الشاعر / جابر السلمي
(4) المــــــــــــــــــــهــــــــــــــــــــــره مهرةٍ تملا فراغ الكون عطر و جاذبية كل ما تطلب من اقصى القلب ما يرفض طلبها ،،، ،،، قد عطيت لْها ثمان سنين من عمري هدية لين حتى بان في وجهي نحولي من سببها ،،، ،،، باقي سنيني حسافة ضايعة راحت عليه ما خذيت من السنين الماضيات الا تعبها ،،، ،،، من زمان اصب من دلة عذابي شاذلية من زمان انزف لها دمي قصيد ولا عجبها ،،، ،،، كنت ادوّر عن حنين يرد حلو الروح فيه بعد ما جفّت بيادر نظرتي واذبل عنبهـا ،،، ،،، ما سلمت من العيون الناعسات النرجسية ولا صحيت الا على داعي حنيني من عتبها ،،، ،،، ويوم جات الله عليها من هناك ومن هنيه كل عطرٍ فاح منها سربل الروح و جذبها ،،، ،،،
امتلا منها المكان بنفحة الورد الزكية وانبتت واحة نخيل وقام يتساقط رطبها ،،، ،،، في يديني.. من حلاها.. بلل السُّكر يديه ضمّته جدب السنين اللي من ضلوعي حطبها ،،، ،،، جاتني مثل السحاب يزور صحرا جرهدية عانقت صحرا العروق اليابسة واروت جدبها ،،، ،،، مهرةٍ نفحاتها عطر.. و صهيل .. و جاذبيه لو تبي تطلب حياتي كلها ما ارفض طلبها ،،، ،،،
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#5
02-13-2010, 12:02 AM
|
||||
|
||||
|
رد: ديوان الشاعر / جابر السلمي
(5) ليل وشمعتين الليل ما يشعل دياجيره سـوى نـور الصبـاح وانتي لليلي ... كلما جيتي... بنورك تشعليـن يا غالية... واللي خلق لي دمعتين من الجـراح ما قد سمعت بحي يحسب... في عداد الميتيـن الا… اذا مثلي... تعلّق في متاهاتك.... و طاح بين السحاب اللي يضمك ..وانكسارات السنيـن ما كنت انا تلميذ فاشل...... كسّر اقلام النجاح ما كنت غير انسان.... يحمل في شرايينه حنين ها القلب من خلاه لرماح المواجع .. مستبـاح وهاالعين كيف تصيرلو ما تلتحف صورتك عين ما تذكرين انا قضبنا الثلج.. لين الثلج .. ساح كنّ الحرارة …ما تولّد غير... من لمس اليدين يسعد صباحٍ(ن) ...ولّع الدنيا بنورك و استراح وامسى مثِل ماامسيت في زحمة تفاصيلك سجين ما بين سور من اليدين و صبح وعيون و رماح وانفاس ورد و ريح هيل و زعفران و ياسمين يا ممطرة شوق وْ وَلَه يا سارية.. مثل الريـاح كل المرافي..... لو غشاها الشك تبدي لي يقين الليل.. ما يشعل دياجيره ...سوى ضو الصباح وانتي لليلي…... كلما جيتي… بنورك تشعلين وسلامتكم
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER] التعديل الأخير تم بواسطة مضحي السلمي ; 02-13-2010 الساعة 12:46 AM
|
|
#6
03-07-2010, 09:33 AM
|
||||
|
||||
|
رد: ديوان الشاعر / جابر السلمي
(6) زهرة الأرض اتبع الغيم / واترك للسحابة هطـول وارفع هْموم نبضـك للسمـا تنجلـي ،،،، قلت لي : ليه يسكنك القلق والنحـول قلت: غيبة طويلة / لين طالت علـي ،،،، ايه/ ياقلـب شـدّه والشدايـد تـزول كم تعوّد على حمـل الشقـا كاهلـي ،،،، ماجبر كسر قلبي من كـلام مْعسـول ولا اعتلى غير لا صار الهدف معتلي ،،،، لي على الأرض زهرة تستثير الحقول تغري الغيم لا مرّ المـدى المخملـي ،،،، من شذاها يصيب الكون/ حالة ذهول تحرج العطر / وتْساوم على مقتلـي ،،،، كنّ ربـي خلقهـا خاطفـة للعقـول اخت للطيش / همس الفاتن الساحلي ،،،، وين ما تتجـه تلقـى حفـاوة قبـول اسمها يدعي القمـرا علـى منزلـي ،،،، للندى/ عطر لا رتّب حكايـة نـزول وللمدى/ صبح بالوان الفرح ممتلـي ،،،، تعسف الغيم فـي يدَّينهـا للفصـول زهرة الأرض / عشق الغيمة الاولي ،،،
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#7
05-22-2010, 10:33 AM
|
||||
|
||||
|
رد: ديوان الشاعر / جابر السلمي
(7) السوسنة في حياتـي... تنامـت وانبتـت سوسنـه تكبر السوسنـة ويطـول وقـت الحصـاد مـا يجـود الزمـن فـي مثلهـا والعنـه غاليـة فـي حياتـي كنهـا شـهـرزاد ألف ليلة تهاجر.......والف مستوطنـه وسط قلب(ن)عرفها مـن زمـان المهـاد ما تربّـع علـى عـرش الغـلا و سْكنـه غير مـن سببـت لـي القلـق و السهـاد ليلة (ن) مـا تمـر بطيفهـا ..... محزنـه يلبـس الليـل حـزن غيابهـا بالسـواد وان بـدت يظهـر الرمـان مـن مخزنـه يشعـل الليـل نـور و يستفـز الهجـاد كل مـا كلمتنـي و اضحكـت شيطنـه بعثرت ناااار ضحكتهـا سكـون الرمـااد هي حياتي وهي جـرح(ن) نسيـت ادفنـه يمكـن انـي تناسيتـه غـرور وْ عـنـاد هاجسي ...من هنا حتـى آخـر الامكنـه كيف ازيد الجـروح و أستعيـد الضمـاد والزمن لـو سنـة مـرت وراهـا سنـه أحسبك كيف؟؟؟ ياوقت الشقـا والنفـاد آآآآآه والسوسنـة مامثلـهـا سوسـنـه لا هنا............لا هناك.... و لا بأية بلاد
،،،
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#8
05-22-2010, 10:41 AM
|
||||
|
||||
|
رد: ديوان الشاعر / جابر السلمي
(8) بوح الشرايين تحت الضلوع العوج باقصى عذابـي تكمن بقايا رحلـة انسـان و عْتـاب ،،،،، يسكن حنايا الجوف نـزف اغترابـي وأحلام / و وجيه /وشبابيك /و ابواب ،،،،، مرات اقول ان السبـب فـي غيابـي و مرات ابرر ما طرا لي من غْيـاب ،،،،، لقيت كل اللـي بقـى مـن زهابـي دمعة وحزْن وجرح مبطي ولا طـاب ،،،،، مبطي/ وانا اشيل القلق فـي ثيابـي من وين ما وجّه معي زحمة اصحاب ،،،،، لا وين ماخذنـي معـك يـا ذهابـي الدرب موحش / و السما نجمها غاب ،،،،، ليت السمـا تمطـر بقايـا سحابـي حتى يجي نبت الثرى عشب /و احباب ،،،،، وياليتها تقـرا سطـر مـن كتابـي من سالفة بوح الشرايين .... لكتاب ،،،،، كم لي وانا اقول ابتدا وانتهـى بـي هذا الحنين/ لماطر القلـب منسـاب ،،،،، حتى سكن باقصى ضلوعـي عذابـي ضيف يتهجاني من الباب ..... للباب ،،،،،،،،،، وسلامتكم
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#9
05-22-2010, 10:47 AM
|
||||
|
||||
|
رد: ديوان الشاعر / جابر السلمي
(9) غياب السنابل المدى صبح ..مدري جرح ..مدري.. بلاد تشرق الشمس وجـروح الزمـن مقبلـه ،،، الليالـي بيـادر .. والمواجـع .. جـراد كل قمح ٍ خضـر تقضـي علـى سنبلـه ،،، ليه انا ما كرهت… الا فصـول الحصـاد فـي زمـانٍ شربـت الهـم و الغربـلـه ،،، دون بسمة سنيـن العمـر خـرط القتـاد غايبـة لـو يدينـي يمّـهـا مسبـلـه ،،، كان قلبي.. جمل ،، كانت ظروفي… شداد زايـد الحمـل وان زاد الشقـا يقبـلـه ،،، لا متـى والليالـي يعتريـهـا ســواد وانـت يالصمـت كيـف تفجّـر القنبلـه ،،، شبت ..والشيب ( ذارب ) في سنين المهاد تـوّنـا والبـيـاض يثيـرهـا بلبـلـه ،،، جيت احـاول ولكـن مـا بلغـت المـراد المدى … والبحـر… ويدينـي المكبلـه ،،، اتهـيـا… واسافر…كـنـي السنـدبـاد شلت همّي،واخذت مـن الضميـر انبلـه ،،، المدى …جرح.. ما هو صبح يحوي بـلاد غابـت الشمـس مـا يبقـى ولا سنبلـه ،،، ،،، وسلامة الجميع
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
|
#10
05-22-2010, 10:53 AM
|
||||
|
||||
|
رد: ديوان الشاعر / جابر السلمي
(10) حلـــــــــــــــــــــــــم أخــــــــــــــــــــضر تهجّيت الطريق/ اللي تمشّيني عليه .... خْطاي قريتك فالطريق / حروف قلبي .. وانك بلادي سكنتك/مثل ما يسكن سحاب الغيم/ قطر الماي وقبّلت الجبين / اللي عطاني / أجمل اعيادي وطن عمري /.. جمال الكون احسه وانتي بْدنياي عسى الله لا يبـدد فرحتي / بعيون حسادي انا قبل التقي بك/ كنت فاقد للطريق ..... ضياي وكني معطي لفية جفوني / خيمة سهادي اقلّب في وجيه الناس/ ادوّر بينهم ...... ليلاى وكنتي جالسة / بين الضلوع / لحين ميعادي ويوم انّي لقيتك / كل حلم اخضر مغادر ...... جاي زرع لي ( فالدروب القاحلة) بستان / من كادي وعطرتي حياتي/ لين بدّلـت زْعلـي / ....... برضاي عن الوقت / - المعاند فرحتي - من يوم ميلادي يسافر بي حديث الروح/ منك / من اولي لاقصاي على نرجس حنانك / و ابتسامة بوحك/ الهادي واظل احكي معك/ وانسى سواليف المطر والناي واعــود اذكــر طريقٍ / كــان قبل بدايته عــادي لقيتك فــالطريق/ اللي تمشيني عليه خطاي وعــرفت اني تهجيت الحروف / و صرتي بلادي وسلامتكم
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER]
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 12:34 AM.
