القلوب الرهايف

بسم الله الرحمن الرحيم



السلام عليكم ورحمة وبركاته



اقدم لكن هذه القصيدة المتواضعه

واللتي اعبر فيها عن حال شباب الاسلام في هذا الزمان

اسأل الله لهم الهدايه

واتمنى ان تحوز على رضاكم



في هالزمن شفنا جميع التهاويل
شفنا النعومه والدلع والسخايف

اللي يقول اوجعني الحب بالحيل
واللي يقول القلب ياهيه خايف

والدمع يذرف في صباحه وفالليل
يشكي علينا فراق زين الوصايف

قلت اتبعه ياهيه خلك كما الذيل
هذي علومك من علوم الضعايف

انته ضعيف والضعيف كما قيل
لن مات والله مالحقه الحسايف

منته من اهل المعرفة والرياجيل
اللي تعدي فوق روس النوايف

لا جيتهم نقلط على دلة الهيل
ماهم من اللي يحسبون الكلايف

خويهم والله ما يلحقه ميل
يرقى علو المجد والكل شايف

هم وارثين الطيب جيل(ن) بعد جيل
هذي رسالة للقلوب الرهايف




اخوكم


عبدالرحمن السلمي

صح لسانك

يا عبد الرحمن

جميل ما كتبت هنا


قصيدة جزلة من راعي الوفاء والطيب


لا عدمناااك

]قصيده جزله وصح لسانك
والله يهدي الشباب لما يحب ويرضا

صح لسانك والطيب والتألق اصلك وعنوانك

قصيده راقت لي كثيرا

تقبل ودي وتقديري

في هذا المرور المتواضع

صح لسااانك وعلا شاانك


قصيده وااقعيه وهاادفه

والله يسويها



صح لساانك مره اخرى



تحياااتي