على ربوع المملكة غيمة احزان

[poem=font=",6,black,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
علـى ربـوع المملـكـة غيـمـة احــزان=غيّم صبــاح السبــت عالـى سمــاهـا
جانـا خبـر شــل الخواطـر والاذهـان=وصــدّع جـبالٍ راسـيات بحـصـاهـا
بكـت عيــوني واذرف الدمــع هـتـان=وسـيّـل عـلـى الخديـن هـمـال مـاهـا
علـى فـقيـد الشعــب شـريـان الامـان=نايف عسـى الفردوس يسـكن عُلاها
أواه ثـــم أواه يـــــا طــيــر حـوران=دار الـسـعـودي يـجـبــر الله عزاهـا
يـا دار راح اللـي بنـا طنـب واركان=وشيّـد حـصون وحطّـنـا فــي ذراها
عضيـد ابـو متعـب سلايـل كحيـلان=درع الوطـن بالأمـن حامي حمـاهـا
في جنـة الفـردوس يـاذرب الايمـان=روحك عسى المعبود يدمح خطاها


[/poem]

شاعرنا خالد العلوي
نص حزين ومرثيه قويه
صح الله لسانك وعلا شانك
والله يرحم ابو سعود (أسد السنه )رحمة واسعه
عزالله انه فقيد على الوطن والعالم الاسلامي
بارك الله فيكـ

صح لسانك

يا ابو فارس

ماشاء الله تبارك الله

مواكبة سريعة للحدث

رحم الله أسد السنة رحمة واسعة

واسكنه فسيح جناته

لا عدمنااااك

صح لسانك

قصيدة مؤثرة جداً

هكذا خالد .... منبع الأبداع

يرحم الله سموة رحمة واسعة واسكنة فسيح جناتة


صح لسانك ابو فارس ومحبة سموة بينت لناقوة ألشاعرية لديك



أتمنى من شخصك ألكريم كتابة ألقصائد بهذة الجزالة


محبكم عبدالعزيز ابن مغلي

الاخ الشاعر \ خالد العلوي


صح لسانك على هذه القصيده

الرثائيه في وفاة سمو الامير

نايف بن عبدالعزيز

رحمه الله واسكنه فسيح

جناته

الشاعر القدير

خالد العلوي صح لسانك وسلم بنانك

مرثيه جميله وقافيه حزينه ولاغرابه

فالامر جلل والحزن كبير ولا نقول إلا مايرضي

ربنا ( إنا لله وإنا إليه راجعون)

عظم الله جر المسلمين في كل مكان

اللهم ارحم عبدك الضعيف إليك نايف بن عبدالعزيز واسكنه فسيح جناتك .



صح لسانك يا خالد ...وان شاء الله اخر قصائد الرثاء ..


دمت بخير .

أبو فارس
صح لسانك . قصيدة في فقيد الامة والسنه والامن . رحمك الله يا نايف

يعطيك العافية

رحمه الله وأسكنه فسيح الجنان


صح لسانك ولا فض فوك


قصيدة رائعة وجميلة